جانمۇرات جانايداروۆ,
سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ اقمولا وبلىسى بويىنشا وڭىرلىك ورتالىعىنىڭ مۇشەسى.
مەن وبلىستىق كوميسسيا بەكىتكەن اقكول اۋدانى مەن ستەپنوگور قالاسىنداعى سايلاۋ ۋچاسكەلەرىندەگى جۇمىس بارىسىن بايقاۋعا قاتىستىم. سايلاۋ ۋچاسكەلەرىندە بىزبەن بىرگە ساياسي پارتيا وكىلدەرى, ۇمىتكەرلەردىڭ سەنىمدى وكىلدەرى, باق قىزمەتكەرلەرى كۇنى بويى جۇمىس ىستەدى. ۋچاسكەلەردە اقپاراتتىق اشىقتىق, ءبىزدىڭ مىندەتىمىزگە تۇسىنىستىكپەن قاراۋ قامتاماسىز ەتىلدى.
وسىناۋ ماڭىزدى ناۋقانعا مەرەكەلىك سيپات بەرىلگەنىن اتاپ وتۋگە بولادى. داۋىس بەرۋگە كەلگەندەر ءوزىنىڭ ازاماتتىق پارىزىن كىدىرىسسىز ورىنداپ جاتتى. سايلاۋ بيۋللەتەندەرى مۇقيات سانالىپ, ۋچاسكە مۇشەلەرىنىڭ ۇستەلدەرىنە الفاۆيت بويىنشا ۇلەستىرىپ بەرىلدى. حالىق ءوزىنىڭ كونستيتۋتسيالىق قۇقىعىن تولىق پايدالاندى. كەلەڭسىزدىكتەر كورىنىس بەرگەن جوق.
داۋىستاردى ساناۋ, ءتيىستى قۇجاتتاردى تولتىرۋ, قاۋلى الۋ قاتاڭ ءتارتىپ نەگىزىندە جۇرگىزىلگەنىنە كۇمانىم جوق.
اقمولا وبلىسى.
ويداعىداي ءوتتى
عوسمان تولەعۇل, سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ اقمولا وبلىسى بويىنشا ورتالىعىنىڭ توراعاسى. سايلاۋدى بايقاۋ ءجونىندەگى رەسپۋبليكالىق قوعامدىق كوميسسيانىڭ وبلىستىق فيليالى كەزەكتى ساياسي ناۋقاننىڭ جاۋاپتى سىنىنان ويداعىداي ءوتتى دەپ ويلايمىن. وڭىردە ءادىل سايلاۋ مەن سايلاۋ ناۋقانىنىڭ اشىقتىعى قامتاماسىز ەتىلگەنى ايقىن كورىنىس بەردى. بۇل – بىزگە جۇكتەلگەن باستى ماقسات. سونداي-اق, بۇل كوميسسيا مۇشەلەرىنىڭ, ءوڭىرلەردەگى 758 قوعامدىق كومەكشىلەرىمىزدىڭ تياناقتى ءىسىنىڭ ناتيجەسى دەۋگە دە بولادى. بيىلعى سايلاۋ, ادەتتەگىدەي, وبلىس تۇرعىندارىنىڭ ساياسي سارابدالدىعىنىڭ وسكەندىگىن دالەلدەدى. ءبىز دە ءوز تاراپىمىزدان ورتاق ءىستىڭ ورالىمدى بولۋىنا ۇلەس قوسۋعا تىرىستىق. الدىمەن بايقاۋشىلارىمىزدىڭ باسىن قوسقان سەمينارعا رەسپۋبليكالىق قوعامدىق كوميسسيانىڭ مۇشەسى تامارا شيرمەر قاتىسىپ, كوميسسيانىڭ سايلاۋالدى ناۋقانىنىڭ دەموكراتيالىق قاعيدالار تالاپتارىنا ساي ۇيىمداستىرىلۋىنا, ازاماتتاردىڭ ەركىن پىكىر ۇستانىمىن قامتاماسىز ەتۋگە سەپتەسەتىندىگىن اتاپ كورسەتتى. وبلىستىق فيليال مۇشەلەرى جوسپارلى كەستە بويىنشا وبلىستىڭ بارلىق اۋداندارىندا سەمينار-ترەنينگتەر وتكىزدى. ءبىز وندا سايلاۋ بارىسىندا ساياسي بەي-تاراپتىق, اشىقتىق جانە ادىلدىك قاعيداتتارى قاتاڭ ساقتالۋىنا, ازاماتتاردىڭ كونستيتۋتسيالىق قۇقىقتارىنىڭ بۇرمالانۋىنا جول بەرىلمەۋىنە كوڭىل بولدىك. سايلاۋ بارىسىندا دا وبلىسىمىزداعى بارلىق ۋچاسكەلەردە كوميسسيا مۇشەلەرى بەلسەندىلىك تانىتتى. مەن جۇمىستى كراسنىي يار كەنتىندەگى كاسىپتىك-تەحنيكالىق ليتسەيدەن باستادىم. سايلاۋ ۋچاسكەسى تاڭعى 7-دەن داۋىس بەرۋشىلەردى قابىلداي باستادى. مۇنداعى ۇيىمدىق ماسەلەلەردە ەشقانداي كەمشىلىك ورىن العان جوق. ازاماتتار جابىق داۋىس قۇقىعىن پايدالانىپ, تاڭداۋ ەركىندىگىنە يە بولدى. ودان كەيىن دە ءبىرشاما سايلاۋ ۋچاسكەلەرىندە بولدىق. زاڭدىق تالاپتار, حالىقارالىق نورمالاردىڭ بۇرمالانۋ كورىنىسى تىركەلمەدى. ءبىز سايلاۋ بارىسىنا تىكەلەي ارالاسپاعانىمىزبەن بيۋللەتەندەر سالىنعان جاشىكتەردى اشۋ, ونى ساناۋ, داۋىس بەرۋ بارىسى مەن ونىڭ قورىتىندىسىن شىعارۋ ءىسىن ءجىتى بايقاۋدا ۇستادىق. ءبىز ماڭىزدى ناۋقاننىڭ ويداعىداي وتكەندىگىن كەپىلدەندىرە الامىز. اقمولا وبلىسى.جاستار بەلسەندىلىگى
مەن №6 سايلاۋ وكرۋگىنە قاراستى جولداسبەكوۆ اتىنداعى №9 ورتا مەكتەپتەگى №89 سايلاۋ ۋچاسكەسىنە ساعات تاڭعى 7-دە كەلدىم. جاستار ورتالىعىنىڭ قىزمەتكەرىمىن. وسىندا سايلاۋعا ءتۇسىپ جاتقان پارتيا جانە ۇمىتكەردىڭ, قوعامدىق ۇيىمداردىڭ بايقاۋشىلارى سايلاۋ بارىسىن تولىق باقىلاپ وتىر. ەقىۇ جانە حالىقارالىق ۇيىمنان جاساقتالعان بايقاۋشىلار دا كەلىپ, سايلاۋ ۋچاسكەسىندەگى جاعدايمەن تانىسىپ جاتىر. تاڭەرتەڭگىلىك جۇرت وتە كوپ كەلدى. تۇستەن كەيىن سايابىرسىدى. ءبىزدى سايلاۋعا جاستاردىڭ مول كەلگەنى سۇيسىندىرۋدە. ولار ەل ەرتەڭىنە الاڭدايتىنىن وسىنداي بەلسەندىلىگىمەن بايقاتىپ جاتىر. مەرۋەرت امانجولوۆا, سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ وڭتۇستىك قازاقستان وبلىسى بويىنشا وڭىرلىك ورتالىعىنىڭ مۇشەسى. وڭتۇستىك قازاقستان وبلىسى.
