سايت ءسوزى

باۋىرجان تولەگەنوۆ, «Sayasat.org» ينتەرنەت باسىلىمىنىڭ شەف-رەداكتورى: – ساياسي پارتيالاردىڭ ارقايسىسى وزدەرىنىڭ سايلاۋ الدىنداعى ۇگىت-ناسيحات جۇمىستارىندا ءتۇرلى ادىستەردى قولداندى. ەندى بۇگىن, قورىتا ايتاتىن بولساق, ەڭ الدىمەن الەۋمەتتىك جەلىلەر بەلسەندى پايدالانىلدى. سونداي-اق, ءاربىر پارتيا تەك قانا ورتالىقتا عانا ەمەس, ايماقتاردا دا جۇمىس ىستەپ, ەل ازاماتتارىنا ءوز باعدارلامالارىن تۇسىندىرۋگە بارىنشا تىرىستى. ەرلان سايروۆ, مادەني دامۋ ينستيتۋتىنىڭ ديرەكتورى: – سايلاۋ ناۋقانىن ساراپتاۋ ارقىلى ءبىراز ناتيجەگە كوز جەتكىزۋگە بولادى. بىرىنشىدەن, پارتيالاردىڭ بارلىعى ءوزىنىڭ سايلاۋالدى باعدارلاماسىن ەلەكتوراتقا جەتكىزە ءبىلدى. ەكىنشىدەن, پارتيالاردىڭ بارلىعى سايلاۋ قۇقىعى اياسىندا جۇمىس ىستەدى. ۇشىنشىدەن, سايلاۋالدى ناۋقانى بىتكەن كۇنى بۇكىل پارتيا سايتتارىن ءوشىردى. وسىنىڭ بارلىعى سايلاۋدا پارتيالاردىڭ بەلسەندىلىگىن ارتتىرىپ, ولاردىڭ ساياسي مادەنيەتىنىڭ ءوسىپ كەلە جاتقاندىعىن كورسەتەدى. بوتاگوز راقىشەۆا, «قوعامدىق پىكىر» زەرتتەۋ ينستيتۋتىنىڭ ديرەكتورى: – ساياسي پارتيالار تۇرعىنداردى ءاردايىم اقپاراتپەن قامتاماسىز ەتىپ وتىردى. بارلىعىنىڭ مۇمكىندىكتەرى تەڭ بولعاندىعىن اتاپ ءوتۋ كەرەك. پارتيالار تاراپىنان قۇقىق بۇزۋشىلىق بولمادى. جارقىن تۇسىپبەك ۇلى, ساياساتتانۋشى: – بارلىق ساياسي پارتيالار سايلاۋشىلارمەن ءداستۇرلى كەزدەسۋلەردەن بولەك, حالىقتىڭ ەلەكتوراتتى بەلسەندىلىگىن ارتتىرۋ ماقساتىندا بىرنەشە ءىس-شارا وتكىزدى. ولاردىڭ ىشىندە سايلاۋ تەحنولوگياسى بويىنشا ەڭ تانىمال بولعان سۋرەتتەر بايقاۋى مەن پوستەرلەر كونكۋرسىن ايتۋعا بولادى. سونداي-اق, بىزدەگى ساياسي پارتيالاردىڭ بارلىعى ينتەرنەت رەسۋرستاردى بەلسەندى پايدالاندى.