كەشە, جەكسەنبى كۇنى قازاقستان رەسپۋبليكاسى پارلامەنتى ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋى تەك ءبىزدىڭ ەلىمىزدى عانا ەمەس, سونىمەن قاتار الەمنىڭ 65 ەلىن قامتىدى. دالىرەك ايتقاندا, پلانەتانىڭ وسىنشاما مەملەكەتىندە سايلاۋ ۋچاسكەلەرى اشىلىپ, ولارداعى قازاقستاندىق ازاماتتاردىڭ ساياسي ناۋقانعا ءۇن قوسۋلارىنا مۇمكىندىك جاسالدى. قازاقستان رەسپۋبليكاسى سىرتقى ىستەر مينيسترلىگىنىڭ مالىمەتى بويىنشا, وسى سايلاۋ ۋچاسكەلەرىندەگى سايلاۋشىلار تىزىمىنە 14 مىڭعا جۋىق ازاماتتارىمىز ەنگىزىلگەن.
توكيو. قازاقستان دەپۋتاتتارىن سايلاۋعا ارنالعان ناۋقان جاپونيا استاناسىندا باستالدى. وسى قالاداعى قازاقستان ەلشىلىگى عيماراتىندا قانات جايعان №211 سايلاۋ ۋچاسكەسى ءبىرىنشى بولىپ اشىلدى. كۇنشىعىس ەلىندە ءبىزدىڭ بۇل ناۋقانعا 116 قازاقستان ازاماتى قاتىستى. ولاردىڭ قاتارىن جاپون ەلىندەگى جوعارى وقۋ ورىندارىندا ءبىلىم الىپ جاتقان ستۋدەنتتەر مەن مۇندا جەرگىلىكتى كومپانيالاردا تاجىريبەدەن وتۋگە كەلگەن جۇمىسشىلار قۇرادى.
جالپى, ۋاقىت ايىرماشىلىعىنا بايلانىستى ءبىزدىڭ ازاماتتارىمىز ەڭ ءبىرىنشى بولىپ توكيو مەن سەۋلدە اشىلعان سايلاۋ ۋچاسكەلەرىندە داۋىس بەرە باستاعان. ولار ۋچاسكەگە كەلىپ جاتقان كەزدە استانا ۋاقىتى تاڭعى 4:00-ءدى كورسەتىپ تۇرعان.
بەيجىڭ. قىتايدا ءبىزدىڭ سايلاۋ ۋچاسكەلەرىمىز بىردەن 4 قالادا جۇمىس جاسادى. ونداي مەكەندەر ەلدىڭ بايتاعى – بەيجىڭنەن باسقا, شانحاي, گونكونگ جانە ءۇرىمشى قالالارىندا بولدى. ولاردا اسپاناستى ەلىندە وقىپ جاتقان ستۋدەنتتەر, سونداي-اق قازاقستاننان بارعان تۋريستەر مەن كاسىپكەرلەر ايرىقشا بەلسەندىلىك تانىتتى. ايتالىق, بەيجىڭدە قازاقستان ەلشىلىگى عيماراتىندا اشىلعان №207 سايلاۋ ۋچاسكەسىندەگى سايلاۋدى ديپلوماتيالىق وكىلدىك باسشىسى شاحرات نۇرىشەۆ پەن ونىڭ زايىبى باستاپ بەردى. ولار قازاقستان گيمنى وينالىپ بىتكەن بويدا بيۋللەتەندەرىن الىپ, ارنايى كابيناعا بەتتەدى. بۇلاردىڭ سوڭىن الا قىتاي ەلىندە جۇمىس ساپارىمەن جۇرگەن قازاقستان اۋىل شارۋاشىلىعى ۆيتسە-ءمينيسترى گۇلميرا يساەۆا مەن وسى 
ۆەدومستۆونىڭ قىزمەتكەرلەرى, ديپلوماتتار, ولاردىڭ وتباسى مۇشەلەرى, ۇلتتىق كومپانيا وكىلدەرى وزدەرىنىڭ كونستيتۋتسيالىق قۇقىقتارىن ورىنداپ شىقتى. وسى العاشقىلاردىڭ قاتارىنان بەيجىڭ ءتىل جانە مادەنيەت ۋنيۆەرسيتەتىنىڭ ءتىل كۋرسىندا وقيتىن 18 جاسار ستۋدەنت كاميلا اتيەۆا دا تابىلدى. سايلاۋدا ءبىرىنشى رەت داۋىس بەرىپ تۇرعاندىقتان, وعان سايلاۋ كوميسسياسى تاراپىنان ەستەلىككە ارنايى كادەسىي تاپسىرىلدى.
بۇدان ءارى قىتاي جەرىنە قىزمەتتىك ماسەلەلەرمەن كەلگەن جۇلدىزبەك سەراليەۆ تە اتالمىش ۋچاسكەدە داۋىس بەرۋ مۇمكىندىگىن پايدالانا ءبىلدى. شانحاي ىنتىماقتاستىق ۇيىمى باس حاتشىسىنىڭ ورىنباسارى سابىر يماندوسوۆتىڭ زايىبى ءمانسيا يماندوسوۆا دا ەستەلىككە سىيلىق الدى. ول سايلاۋ ۋچاسكەسىنىڭ جۇمىسىنىڭ ۇيىمداستىرىلۋى جوعارى دەڭگەيدە ەكەنىن اتاپ ءوتتى. بەيجىڭدە العاشقى بولىپ داۋىس بەرۋشىلەر قاتارىندا مۇندا بۇدان ءبىر كۇن بۇرىن جۇمىس ساپارىمەن كەلگەن «ەگەمەن قازاقستان» گازەتى ينتەرنەت-رەداكتسياسىنىڭ قىزمەتكەرلەرى سەرىكقازى كاكىبالانوۆ پەن وركەن مۇسابەك تە بولدى.
ۋلان-باتور. قازاقستاننىڭ موڭعولياداعى ەلشىلىگى ىشىنەن تۋ تىككەن № 231 سايلاۋ ۋچاسكەسى دە كەلۋشىلەر لەگىنەن بوساعان جوق. مۇندا دا ءبىزدىڭ وتانداستارىمىز ۇلكەن ۇيىمشىلدىق تانىتتى. سونىڭ ىشىندە وتكەن جىلى ماۋسىم ايىندا عانا قازاقستان ازاماتتىعىن الىپ, ءبىزدىڭ رەسپۋبليكامىزدىڭ قۇراما كومانداسى اتىنان الەمدىك دەڭگەيدەگى جارىستارعا قاتىسا باستاعان دزيۋدوشى موڭعول قىزى وتگونتسەتسەگ گالبادراحتى كورۋ كىم-كىمگە دە وتە جاقسى اسەر ەتتى. سپورتشى بويجەتكەن مۇندا جانە قازاقستان قۇراماسىنىڭ سپورتتىق كيىمىن كيىپ كەلدى. داۋىس بەرىپ شىققاننان كەيىن قازاقستاندىق موڭعول قىزى جۋرناليستەرگە قازىر عانا ريو-دە-جانەيروداعى وليمپيالىق ويىندارعا باراتىن كوماندا قۇرامىنا بەكىتىلگەنىن قۋانا جەتكىزدى. قازاقستاندا شىمكەنت قالاسىنىڭ تۇرعىنى بولىپ تابىلاتىن ول بيىلعى اقپان ايىنىڭ باسىندا پاريجدە وتكەن «ۇلكەن دۋلىعا» تۋرنيرىندە 48 كيلوعا دەيىنگى سالماقتا سەنساتسيالىق جەڭىسكە جەتكەن ەدى. سوسىن اقپاننىڭ ورتاسىندا گەرمانيانىڭ ديۋسسەلدورف قالاسىندا الەم گران-ءپريى جارىسىندا كۇمىس مەدالدى موينىنا تاقتى.
موڭعوليانىڭ باس قالاسىندا سايلاۋ ۋچاسكەسىنە ءبىرىنشى بولىپ قازاقستاندىق كاسىپكەر يگور مويسەەۆ جەتتى. ال ەڭ جاس سايلاۋشى رەتىندە 18 جاستاعى زالينا كوتيەۆا اتاپ ءوتىلدى. مۇندا بارلىعى تىزىمدەگى 112 ادام ۋاقىتىندا داۋىس بەرىپ بولدى.
ماسكەۋ. رەسەي استاناسىندا تۇراتىن نەمەسە وسىندا ىسساپارمەن كەلىپ قالعان قازاقستان ازاماتتارى ەلىمىز ەلشىلىگى جانىنا ورنالاسقان № 215 سايلاۋ ۋچاسكەسىندە داۋىس بەرۋگە اتسالىستى. رەسەي فەدەراتسياسىنىڭ الۋان ءتۇرلى باق-تارى جازىپ وتىرعانداي, مۇندا داۋىس بەرۋگە كەلگەن وتانداستارىمىزدىڭ بارلىعىنىڭ كوڭىل-كۇيلەرى كوتەرىڭكى بولعان. سولاردىڭ اراسىنداعى كاسىپكەر ەركەبۇلان باياحمەتوۆ بۇل سايلاۋدىڭ ەلىمىز ازاماتتارىنىڭ جاۋاپتى ازاماتتىق ۇستانىمدارىن بايقاتقانىن ەرەكشە اتاپ ءوتتى. ونىڭ پايىمىنشا, سايلاۋ ۋچاسكەسىنە كەلگەندەردىڭ بارلىعى وزدەرىنىڭ ەلدىڭ دامۋىنا ۇلەس قوسىپ جاتقاندارىن سەزىنە بىلگەن. «ءبىز دە قازاقستاننان كەلدىك. ماسكەۋدە ءىسساپاردامىز. سوعان قاراماستان ەرتە تۇرىپ, ءوز تاڭداۋمىزدى جاساۋ ءۇشىن سايلاۋ ۋچاسكەسىنە باردىق. بۇل – ەل ءۇشىن ماڭىزدى, قاجەتتى ماسەلە», – دەدى «دامۋ» كاسىپكەرلىكتى دامىتۋ قورىنىڭ» اقمولا وبلىسىنداعى فيليالىنىڭ ديرەكتورى.
تاشكەنت. وزبەكستانداعى قازاقستان ەلشىلىگى ۇيىندە ورنالاسقان № 217 سايلاۋ ۋچاسكەسى 200-دەن استام سايلاۋشىنىڭ داۋىس بەرگەنىن ايعاقتادى. مۇندا ناۋقان جەرگىلىكتى ۋاقىت بويىنشا 6:00-دە اشىلعان. ال داۋىس بەرۋ 7:00-دە باستالعان. سايلاۋ ۋچاسكەسى كوميسسياسىنىڭ ءتوراعاسى ناۋرىز ايداروۆتىڭ ايتۋىنشا, ەلشىلىكتە كونسۋلدىق ەسەپتەگى قازاقستان ازاماتتارى بەلسەندى تۇردە داۋىس بەرۋگە كىرىسكەن. «سايلاۋعا ۇلكەن دايىندىق ءجۇردى. قىزمەتكەرلەر وڭىرلەرگە شىعىپ, ازاماتتارمەن كەزدەستى, سايلاۋعا قاتىسۋعا شاقىردى», – دەپ مالىمدەدى ديپلومات. بۇعان قوسا, تاپسىرىس حاتتارمەن وڭىردەگى قازاقستان ازاماتتارىنا شاقىرتۋ جىبەرىلگەن.
سونداي-اق, ورتالىق سايلاۋ كوميسسياسىنىڭ ماتەريالدارى, بيۋللەتەن تولتىرۋ ءتارتىبى, اقپاراتتار ءتيىستى ۇلگىدە قابىرعاعا ىلىنگەن. «داۋىستاردى ەسەپتەۋ 20.00-دە داۋىس بەرۋ ءراسىمى اياقتالعاننان كەيىن جۇزەگە اسىرىلادى, زاڭعا سايكەس حاتتاما ەلشىلىك ستەندىنە ىلىنەدى», – دەپ ءسوزىن تۇيىندەدى كوميسسيا توراعاسى.
انكارا. تۇركيادا قازاقستان پارلامەنتى ءماجىلىسى مەن بارلىق دەڭگەيدەگى دەپۋتاتتارىنىڭ سايلاۋى ءۇش قالادا ءورىس العان. ولار ەلدىڭ ورتالىعى – انكارادان باسقا, ىستامبۇل جانە انتاليا شاھارلارىندا جۇمىسقا كىرىسكەن. ءسويتىپ, انادولى جەرىندەگى № 205, № 236 جانە № 246 سايلاۋ ۋچاسكەلەرىنە داۋىس بەرۋشىلەر جەرگىلىكتى ۋاقىت بويىنشا 7:00 ساعاتتا كەلە باستاعان. تۋرا سول مەزگىلدە ءبىرىنشى بولىپ كەلگەن قازاقستان ازاماتتارىنىڭ قاتىسۋىمەن سايلاۋ ۋچاسكەلەرىنىڭ اشىلۋ ءراسىمى ۇيىمداستىرىلعان. تۇركيادا ءوز داۋىسىن ءبىرىنشى بولىپ قازاقستاننىڭ وسى ەلدەگى توتەنشە جانە وكىلەتتى ەلشىسى جانسەيىت تۇيمەباەۆ بەرگەن.
«قازاقستان ازاماتتارى تۇركيا ەلىندەگى كۇردەلى ىشكى جاعدايعا قاراماستان, پارلامەنت ءماجىلىسىنىڭ كەزەكتەن تىس سايلاۋىندا وزدەرىنىڭ داۋىس بەرۋ كونستيتۋتسيالىق قۇقىعىن پايدالانۋ ءۇشىن سايلاۋ ۋچاسكەلەرىنە كەلىپ جاتىر», – دەلىنگەن حابارلامادا.
تۇركياداعى قازاقستاندىق سايلاۋشىلاردىڭ باسىم بولىگىن وسى ەلدە ءبىلىم الىپ جاتقان جاستار قۇرايدى. ولاردىڭ اراسىندا اسكەري ماماندىقتار بويىنشا وقىپ جاتقان كۋرسانتتار دا ءجۇر. سايلاۋ ۋچاسكەلەرىنە تۇركيانىڭ ءتۇرلى قالالارىنداعى جوعارى وقۋ ورىندارىنىڭ ستۋدەنتتەرى مەن دوكتورانتتارى دا كەلگەن. ەلدە مۇنداي 1500-دەن استام وكىل بار.
داۋىس بەرگەندەر قاتارىندا ءتۇركياداعى بەلگىلى تۇلعا, وتانداسىمىز مارات احمەت تە بولعان. ول – تۇركيا پرەزيدەنتىنىڭ قولىنان جوعارى عىلىمي ماراپات العان ماتەماتيك-عالىم. تۇركيادا 1998 جىلدان بەرى عىلىمي زەرتتەۋلەر جۇرگىزىپ كەلەدى. ماتەماتيكا عىلىمدارىنىڭ دوكتورى, پروفەسسور, تۇركيادا جانە كوپتەگەن شەتەلدەرگە تانىمال تۇلعا. مۇنداي داۋىس بەرۋشىلەر لەگىن سونداي-اق وسى ەلدە جۇمىس ىستەپ جۇرگەن عالىمدار, جۋرناليستەر, وقىتۋشىلار, دارىگەرلەر تولتىرعان.
باكۋ. ازەربايجانداعى قازاقستان پارلامەنتى ماجىلىسىنە دەپۋتاتتار سايلاۋ ەلدىڭ باس قالاسىندا ءجۇرگىزىلدى. ول دا قازاقستاننىڭ وسى ەلدەگى ەلشىلىگىنەن اشىلدى. № 212 سايلاۋ ۋچاسكەسىنىڭ باسشىسى باۋىرجان دوسمانبەتوۆتىڭ مالىمەتىنشە, ءبىزدىڭ ەلىمىزدىڭ سايلاۋشىلار تىزىمىنە كىرگەن ازاماتتارى تۇگەل وزدەرىنىڭ كونستيتۋتسيالىق قۇقىقتارىن ورىنداعان.
ءابۋ-دابي. بىرىككەن اراب ءامىرلىكتەرىندە دە سايلاۋ ۋچاسكەسى قىزۋ جۇمىس جاسادى. پارتيالىق ءتىزىم بويىنشا قازاقستان پارلامەنتى ماجىلىسىنە دەپۋتاتتاردى كەزەكتەن تىس سايلاۋ وتكىزۋىنە بايلانىستى دۋبايداعى جانە سولتۇستىك امىرلىكتەگى قازاقستاننىڭ باس كونسۋلدىعى عيماراتىندا № 224 سايلاۋ ۋچاسكەسى اشىلعان. ۋچاسكەدە ءباا-دە تۇراقتى تۇراتىن جانە ءتۇرلى سەبەپتەرمەن اراب ەلىندە جۇرگەن 600-گە جۋىق قازاقستاندىق ازامات كونستيتۋتسيالىق قۇقىقتارىن جۇزەگە اسىرعان.
ۋچاسكە تاڭەرتەڭ جەرگىلىكتى ۋاقىت بويىنشا ساعات 7.00-دە اشىلدى. ال بۇل ەلدە جەكسەنبى جۇمىس كۇنى سانالادى. اشىلۋ سالتاناتى بارىسىندا قازاقستان رەسپۋبليكاسىنىڭ گيمنى ورىندالعان. بۇدان كەيىن دۋبايدا ءبىلىم الىپ جاتقان قازاقستاندىق ستۋدەنتتەر مەن تۋريستەر وسىندا قاراي اعىلعان. جالپى, امىرلىككە جىلىنا 300 مىڭنان استام قازاقستاندىق تۋريستەر كەلىپ, تىنىعادى ەكەن.
جوعارىدا ايتقانىمىزداي, الەمنىڭ بۇدان دا باسقا كوپتەگەن قالالارىندا بۇل كۇنى قازاقستان پارلامەنتى ءماجىلىسىنىڭ سايلاۋى وتكىزىلدى.
شەتەلدىك باق-تار مالىمەتتەرى بويىنشا
ماتەريالدى دايىنداعان
سەرىك ءپىرنازار,
«ەگەمەن قازاقستان».
توكيو. قازاقستان دەپۋتاتتارىن سايلاۋعا ارنالعان ناۋقان جاپونيا استاناسىندا باستالدى. وسى قالاداعى قازاقستان ەلشىلىگى عيماراتىندا قانات جايعان №211 سايلاۋ ۋچاسكەسى ءبىرىنشى بولىپ اشىلدى. كۇنشىعىس ەلىندە ءبىزدىڭ بۇل ناۋقانعا 116 قازاقستان ازاماتى قاتىستى. ولاردىڭ قاتارىن جاپون ەلىندەگى جوعارى وقۋ ورىندارىندا ءبىلىم الىپ جاتقان ستۋدەنتتەر مەن مۇندا جەرگىلىكتى كومپانيالاردا تاجىريبەدەن وتۋگە كەلگەن جۇمىسشىلار قۇرادى.
جالپى, ۋاقىت ايىرماشىلىعىنا بايلانىستى ءبىزدىڭ ازاماتتارىمىز ەڭ ءبىرىنشى بولىپ توكيو مەن سەۋلدە اشىلعان سايلاۋ ۋچاسكەلەرىندە داۋىس بەرە باستاعان. ولار ۋچاسكەگە كەلىپ جاتقان كەزدە استانا ۋاقىتى تاڭعى 4:00-ءدى كورسەتىپ تۇرعان.
بەيجىڭ. قىتايدا ءبىزدىڭ سايلاۋ ۋچاسكەلەرىمىز بىردەن 4 قالادا جۇمىس جاسادى. ونداي مەكەندەر ەلدىڭ بايتاعى – بەيجىڭنەن باسقا, شانحاي, گونكونگ جانە ءۇرىمشى قالالارىندا بولدى. ولاردا اسپاناستى ەلىندە وقىپ جاتقان ستۋدەنتتەر, سونداي-اق قازاقستاننان بارعان تۋريستەر مەن كاسىپكەرلەر ايرىقشا بەلسەندىلىك تانىتتى. ايتالىق, بەيجىڭدە قازاقستان ەلشىلىگى عيماراتىندا اشىلعان №207 سايلاۋ ۋچاسكەسىندەگى سايلاۋدى ديپلوماتيالىق وكىلدىك باسشىسى شاحرات نۇرىشەۆ پەن ونىڭ زايىبى باستاپ بەردى. ولار قازاقستان گيمنى وينالىپ بىتكەن بويدا بيۋللەتەندەرىن الىپ, ارنايى كابيناعا بەتتەدى. بۇلاردىڭ سوڭىن الا قىتاي ەلىندە جۇمىس ساپارىمەن جۇرگەن قازاقستان اۋىل شارۋاشىلىعى ۆيتسە-ءمينيسترى گۇلميرا يساەۆا مەن وسى ۆەدومستۆونىڭ قىزمەتكەرلەرى, ديپلوماتتار, ولاردىڭ وتباسى مۇشەلەرى, ۇلتتىق كومپانيا وكىلدەرى وزدەرىنىڭ كونستيتۋتسيالىق قۇقىقتارىن ورىنداپ شىقتى. وسى العاشقىلاردىڭ قاتارىنان بەيجىڭ ءتىل جانە مادەنيەت ۋنيۆەرسيتەتىنىڭ ءتىل كۋرسىندا وقيتىن 18 جاسار ستۋدەنت كاميلا اتيەۆا دا تابىلدى. سايلاۋدا ءبىرىنشى رەت داۋىس بەرىپ تۇرعاندىقتان, وعان سايلاۋ كوميسسياسى تاراپىنان ەستەلىككە ارنايى كادەسىي تاپسىرىلدى.
بۇدان ءارى قىتاي جەرىنە قىزمەتتىك ماسەلەلەرمەن كەلگەن جۇلدىزبەك سەراليەۆ تە اتالمىش ۋچاسكەدە داۋىس بەرۋ مۇمكىندىگىن پايدالانا ءبىلدى. شانحاي ىنتىماقتاستىق ۇيىمى باس حاتشىسىنىڭ ورىنباسارى سابىر يماندوسوۆتىڭ زايىبى ءمانسيا يماندوسوۆا دا ەستەلىككە سىيلىق الدى. ول سايلاۋ ۋچاسكەسىنىڭ جۇمىسىنىڭ ۇيىمداستىرىلۋى جوعارى دەڭگەيدە ەكەنىن اتاپ ءوتتى. بەيجىڭدە العاشقى بولىپ داۋىس بەرۋشىلەر قاتارىندا مۇندا بۇدان ءبىر كۇن بۇرىن جۇمىس ساپارىمەن كەلگەن «ەگەمەن قازاقستان» گازەتى ينتەرنەت-رەداكتسياسىنىڭ قىزمەتكەرلەرى سەرىكقازى كاكىبالانوۆ پەن وركەن مۇسابەك تە بولدى.
ۋلان-باتور. قازاقستاننىڭ موڭعولياداعى ەلشىلىگى ىشىنەن تۋ تىككەن № 231 سايلاۋ ۋچاسكەسى دە كەلۋشىلەر لەگىنەن بوساعان جوق. مۇندا دا ءبىزدىڭ وتانداستارىمىز ۇلكەن ۇيىمشىلدىق تانىتتى. سونىڭ ىشىندە وتكەن جىلى ماۋسىم ايىندا عانا قازاقستان ازاماتتىعىن الىپ, ءبىزدىڭ رەسپۋبليكامىزدىڭ قۇراما كومانداسى اتىنان الەمدىك دەڭگەيدەگى جارىستارعا قاتىسا باستاعان دزيۋدوشى موڭعول قىزى وتگونتسەتسەگ گالبادراحتى كورۋ كىم-كىمگە دە وتە جاقسى اسەر ەتتى. سپورتشى بويجەتكەن مۇندا جانە قازاقستان قۇراماسىنىڭ سپورتتىق كيىمىن كيىپ كەلدى. داۋىس بەرىپ شىققاننان كەيىن قازاقستاندىق موڭعول قىزى جۋرناليستەرگە قازىر عانا ريو-دە-جانەيروداعى وليمپيالىق ويىندارعا باراتىن كوماندا قۇرامىنا بەكىتىلگەنىن قۋانا جەتكىزدى. قازاقستاندا شىمكەنت قالاسىنىڭ تۇرعىنى بولىپ تابىلاتىن ول بيىلعى اقپان ايىنىڭ باسىندا پاريجدە وتكەن «ۇلكەن دۋلىعا» تۋرنيرىندە 48 كيلوعا دەيىنگى سالماقتا سەنساتسيالىق جەڭىسكە جەتكەن ەدى. سوسىن اقپاننىڭ ورتاسىندا گەرمانيانىڭ ديۋسسەلدورف قالاسىندا الەم گران-ءپريى جارىسىندا كۇمىس مەدالدى موينىنا تاقتى.
موڭعوليانىڭ باس قالاسىندا سايلاۋ ۋچاسكەسىنە ءبىرىنشى بولىپ قازاقستاندىق كاسىپكەر يگور مويسەەۆ جەتتى. ال ەڭ جاس سايلاۋشى رەتىندە 18 جاستاعى زالينا كوتيەۆا اتاپ ءوتىلدى. مۇندا بارلىعى تىزىمدەگى 112 ادام ۋاقىتىندا داۋىس بەرىپ بولدى.
ماسكەۋ. رەسەي استاناسىندا تۇراتىن نەمەسە وسىندا ىسساپارمەن كەلىپ قالعان قازاقستان ازاماتتارى ەلىمىز ەلشىلىگى جانىنا ورنالاسقان № 215 سايلاۋ ۋچاسكەسىندە داۋىس بەرۋگە اتسالىستى. رەسەي فەدەراتسياسىنىڭ الۋان ءتۇرلى باق-تارى جازىپ وتىرعانداي, مۇندا داۋىس بەرۋگە كەلگەن وتانداستارىمىزدىڭ بارلىعىنىڭ كوڭىل-كۇيلەرى كوتەرىڭكى بولعان. سولاردىڭ اراسىنداعى كاسىپكەر ەركەبۇلان باياحمەتوۆ بۇل سايلاۋدىڭ ەلىمىز ازاماتتارىنىڭ جاۋاپتى ازاماتتىق ۇستانىمدارىن بايقاتقانىن ەرەكشە اتاپ ءوتتى. ونىڭ پايىمىنشا, سايلاۋ ۋچاسكەسىنە كەلگەندەردىڭ بارلىعى وزدەرىنىڭ ەلدىڭ دامۋىنا ۇلەس قوسىپ جاتقاندارىن سەزىنە بىلگەن. «ءبىز دە قازاقستاننان كەلدىك. ماسكەۋدە ءىسساپاردامىز. سوعان قاراماستان ەرتە تۇرىپ, ءوز تاڭداۋمىزدى جاساۋ ءۇشىن سايلاۋ ۋچاسكەسىنە باردىق. بۇل – ەل ءۇشىن ماڭىزدى, قاجەتتى ماسەلە», – دەدى «دامۋ» كاسىپكەرلىكتى دامىتۋ قورىنىڭ» اقمولا وبلىسىنداعى فيليالىنىڭ ديرەكتورى.
تاشكەنت. وزبەكستانداعى قازاقستان ەلشىلىگى ۇيىندە ورنالاسقان № 217 سايلاۋ ۋچاسكەسى 200-دەن استام سايلاۋشىنىڭ داۋىس بەرگەنىن ايعاقتادى. مۇندا ناۋقان جەرگىلىكتى ۋاقىت بويىنشا 6:00-دە اشىلعان. ال داۋىس بەرۋ 7:00-دە باستالعان. سايلاۋ ۋچاسكەسى كوميسسياسىنىڭ ءتوراعاسى ناۋرىز ايداروۆتىڭ ايتۋىنشا, ەلشىلىكتە كونسۋلدىق ەسەپتەگى قازاقستان ازاماتتارى بەلسەندى تۇردە داۋىس بەرۋگە كىرىسكەن. «سايلاۋعا ۇلكەن دايىندىق ءجۇردى. قىزمەتكەرلەر وڭىرلەرگە شىعىپ, ازاماتتارمەن كەزدەستى, سايلاۋعا قاتىسۋعا شاقىردى», – دەپ مالىمدەدى ديپلومات. بۇعان قوسا, تاپسىرىس حاتتارمەن وڭىردەگى قازاقستان ازاماتتارىنا شاقىرتۋ جىبەرىلگەن.
سونداي-اق, ورتالىق سايلاۋ كوميسسياسىنىڭ ماتەريالدارى, بيۋللەتەن تولتىرۋ ءتارتىبى, اقپاراتتار ءتيىستى ۇلگىدە قابىرعاعا ىلىنگەن. «داۋىستاردى ەسەپتەۋ 20.00-دە داۋىس بەرۋ ءراسىمى اياقتالعاننان كەيىن جۇزەگە اسىرىلادى, زاڭعا سايكەس حاتتاما ەلشىلىك ستەندىنە ىلىنەدى», – دەپ ءسوزىن تۇيىندەدى كوميسسيا توراعاسى.
انكارا. تۇركيادا قازاقستان پارلامەنتى ءماجىلىسى مەن بارلىق دەڭگەيدەگى دەپۋتاتتارىنىڭ سايلاۋى ءۇش قالادا ءورىس العان. ولار ەلدىڭ ورتالىعى – انكارادان باسقا, ىستامبۇل جانە انتاليا شاھارلارىندا جۇمىسقا كىرىسكەن. ءسويتىپ, انادولى جەرىندەگى № 205, № 236 جانە № 246 سايلاۋ ۋچاسكەلەرىنە داۋىس بەرۋشىلەر جەرگىلىكتى ۋاقىت بويىنشا 7:00 ساعاتتا كەلە باستاعان. تۋرا سول مەزگىلدە ءبىرىنشى بولىپ كەلگەن قازاقستان ازاماتتارىنىڭ قاتىسۋىمەن سايلاۋ ۋچاسكەلەرىنىڭ اشىلۋ ءراسىمى ۇيىمداستىرىلعان. تۇركيادا ءوز داۋىسىن ءبىرىنشى بولىپ قازاقستاننىڭ وسى ەلدەگى توتەنشە جانە وكىلەتتى ەلشىسى جانسەيىت تۇيمەباەۆ بەرگەن.
«قازاقستان ازاماتتارى تۇركيا ەلىندەگى كۇردەلى ىشكى جاعدايعا قاراماستان, پارلامەنت ءماجىلىسىنىڭ كەزەكتەن تىس سايلاۋىندا وزدەرىنىڭ داۋىس بەرۋ كونستيتۋتسيالىق قۇقىعىن پايدالانۋ ءۇشىن سايلاۋ ۋچاسكەلەرىنە كەلىپ جاتىر», – دەلىنگەن حابارلامادا.
تۇركياداعى قازاقستاندىق سايلاۋشىلاردىڭ باسىم بولىگىن وسى ەلدە ءبىلىم الىپ جاتقان جاستار قۇرايدى. ولاردىڭ اراسىندا اسكەري ماماندىقتار بويىنشا وقىپ جاتقان كۋرسانتتار دا ءجۇر. سايلاۋ ۋچاسكەلەرىنە تۇركيانىڭ ءتۇرلى قالالارىنداعى جوعارى وقۋ ورىندارىنىڭ ستۋدەنتتەرى مەن دوكتورانتتارى دا كەلگەن. ەلدە مۇنداي 1500-دەن استام وكىل بار.
داۋىس بەرگەندەر قاتارىندا ءتۇركياداعى بەلگىلى تۇلعا, وتانداسىمىز مارات احمەت تە بولعان. ول – تۇركيا پرەزيدەنتىنىڭ قولىنان جوعارى عىلىمي ماراپات العان ماتەماتيك-عالىم. تۇركيادا 1998 جىلدان بەرى عىلىمي زەرتتەۋلەر جۇرگىزىپ كەلەدى. ماتەماتيكا عىلىمدارىنىڭ دوكتورى, پروفەسسور, تۇركيادا جانە كوپتەگەن شەتەلدەرگە تانىمال تۇلعا. مۇنداي داۋىس بەرۋشىلەر لەگىن سونداي-اق وسى ەلدە جۇمىس ىستەپ جۇرگەن عالىمدار, جۋرناليستەر, وقىتۋشىلار, دارىگەرلەر تولتىرعان.
باكۋ. ازەربايجانداعى قازاقستان پارلامەنتى ماجىلىسىنە دەپۋتاتتار سايلاۋ ەلدىڭ باس قالاسىندا ءجۇرگىزىلدى. ول دا قازاقستاننىڭ وسى ەلدەگى ەلشىلىگىنەن اشىلدى. № 212 سايلاۋ ۋچاسكەسىنىڭ باسشىسى باۋىرجان دوسمانبەتوۆتىڭ مالىمەتىنشە, ءبىزدىڭ ەلىمىزدىڭ سايلاۋشىلار تىزىمىنە كىرگەن ازاماتتارى تۇگەل وزدەرىنىڭ كونستيتۋتسيالىق قۇقىقتارىن ورىنداعان.
ءابۋ-دابي. بىرىككەن اراب ءامىرلىكتەرىندە دە سايلاۋ ۋچاسكەسى قىزۋ جۇمىس جاسادى. پارتيالىق ءتىزىم بويىنشا قازاقستان پارلامەنتى ماجىلىسىنە دەپۋتاتتاردى كەزەكتەن تىس سايلاۋ وتكىزۋىنە بايلانىستى دۋبايداعى جانە سولتۇستىك امىرلىكتەگى قازاقستاننىڭ باس كونسۋلدىعى عيماراتىندا № 224 سايلاۋ ۋچاسكەسى اشىلعان. ۋچاسكەدە ءباا-دە تۇراقتى تۇراتىن جانە ءتۇرلى سەبەپتەرمەن اراب ەلىندە جۇرگەن 600-گە جۋىق قازاقستاندىق ازامات كونستيتۋتسيالىق قۇقىقتارىن جۇزەگە اسىرعان.
ۋچاسكە تاڭەرتەڭ جەرگىلىكتى ۋاقىت بويىنشا ساعات 7.00-دە اشىلدى. ال بۇل ەلدە جەكسەنبى جۇمىس كۇنى سانالادى. اشىلۋ سالتاناتى بارىسىندا قازاقستان رەسپۋبليكاسىنىڭ گيمنى ورىندالعان. بۇدان كەيىن دۋبايدا ءبىلىم الىپ جاتقان قازاقستاندىق ستۋدەنتتەر مەن تۋريستەر وسىندا قاراي اعىلعان. جالپى, امىرلىككە جىلىنا 300 مىڭنان استام قازاقستاندىق تۋريستەر كەلىپ, تىنىعادى ەكەن.
جوعارىدا ايتقانىمىزداي, الەمنىڭ بۇدان دا باسقا كوپتەگەن قالالارىندا بۇل كۇنى قازاقستان پارلامەنتى ءماجىلىسىنىڭ سايلاۋى وتكىزىلدى.
شەتەلدىك باق-تار مالىمەتتەرى بويىنشا
ماتەريالدى دايىنداعان
سەرىك ءپىرنازار,
«ەگەمەن قازاقستان».
