Exit-poll قورىتىندىسى بويىنشا «نۇر وتان» 82 پايىز داۋىس جينادى

استانا. 21 ناۋرىز. Exit-poll قورىتىندىسى بويىنشا ءۇش پارتيا پارلامەنتكە ءوتتى. «دەموكراتيا ينستيتۋتى» جۇرگىزگەن جالپىحالىقتىق ساۋالدامادا ناتيجەسىندە «نۇر وتان» پارتياسىنىڭ 82 پايىز داۋىس جيناعانى بەلگىلى بولدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. اتالعان ينستيتۋتتىڭ ديرەكتورى يۋليا كۋچينسكايانىڭ مالىمدەۋىنشە ەلىمىزدىڭ 14 وبلىسى مەن استانا, الماتى قالالارىنداعى 750 سايلاۋ ۋچاسكەسىندە تاڭعى 07:00-دەن كەشكى 20:00-گە دەيىن Exit-poll جۇرگىزىلگەن. «ساۋالداماعا 75 مىڭ ادام قاتىستى. Exit-poll-دىڭ قورىتىندىسى بويىنشا سايلاۋعا تۇسكەن پارتيالار مىنانداي نəتيجە كورسەتتى: «نۇر وتان» پارتياسى – 82 پايىز داۋىس, «قازاقستاننىڭ كوممۋنيستىك حالىق پارتياسى» – 7,17 پايىز, «اق جول» پارتياسى – 7,22 پايىز, «بىرلىك» پارتياسى – 0,35 پايىز داۋىس, جالپىۇلتتىق əلەۋمەتتىك-دەموكراتيالىق پارتيا – 1,21 پايىز داۋىس, «اۋىل» پارتياسى – 2,05 پايىز داۋىس», – دەدى يۋليا كۋچينسكايا. ەلامان قوڭىر. دەرەك: inform.kz. سۋرەت: shalkarfm.kz.