سايلاۋشىلاردىڭ كەلۋى رەسپۋبليكا بويىنشا 77,1 پايىزدى قۇرادى

استانا. 20 ناۋرىز. ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن جانە ءماسليحاتتارىنىڭ دەپۋتاتتارىن سايلاۋدا سايلاۋشىلاردىڭ كەلۋىنىڭ الدىن الا قورىتىندىلارىن جاريا ەتتى. بۇل تۋرالى ورتالىق سايلاۋ كوميسسياسىنىڭ رەسمي سايتى – election.kz-كە سىلتەمە جاساعان egemen.kz ءتىلشىسى حابارلادى. قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن جانە ءماسليحاتتارىنىڭ دەپۋتاتتارىن سايلاۋدا داۋىس بەرۋ اياقتالدى. ورتالىق سايلاۋ كوميتەتى شەتەلدە قازاقستان وكىلدىكتەرىنىڭ جانىندا قۇرىلعان 65 سايلاۋ ۋچاسكەسى بويىنشا دەرەكتەرسىز سايلاۋشىلاردىڭ كەلۋى تۋرالى جەدەل مالىمەتتەردى ۇسىندى. ولاردان مالىمەتتەر كەشىرەك تۇسەدى. وبلىستىق, استانا جانە الماتى قالالارىنىڭ سايلاۋ كوميسسيالارىنان كەلىپ تۇسكەن مالىمەت بويىنشا تىزىمدەرگە ەنگىزىلگەن 9 ملن. 810 مىڭ 920 سايلاۋشىلاردىڭ 7 ملن. 564 مىڭ 281-ءى سايلاۋ بيۋللەتەندەرىن الدى. سايلاۋشىلاردىڭ كەلۋى جالپى رەسپۋبليكا بويىنشا 77,1 %-دى قۇرادى. وڭىرلەر بويىنشا كورسەتكىش مىناداي: اقمولا وبلىسى بويىنشا - 79,68 پايىز اقتوبە وبلىسى بويىنشا - 80,26 پايىز الماتى وبلىسى بويىنشا - 94,06 پايىز اتىراۋ وبلىسى بويىنشا - 85,37 پايىز باتىس قازاقستان وبلىسى بويىنشا - 73,68 پايىز جامبىل وبلىسى بويىنشا - 82,66 پايىز قاراعاندى وبلىسى بويىنشا - 78,83 پايىز قوستاناي وبلىسى بويىنشا - 84,85 پايىز قىزىلوردا وبلىسى بويىنشا - 81,75 پايىز ماڭعىستاۋ وبلىسى بويىنشا - 75,91 پايىز وڭتۇستىك قازاقستان وبلىسى بويىنشا - 85,06 پايىز پاۆلودار وبلىسى بويىنشا - 72,85 پايىز سولتۇستىك قازاقستان وبلىسى بويىنشا - 81,57 پايىز شىعىس قازاقستان وبلىسى بويىنشا - 82,44 پايىز استانا قالاسى بويىنشا – 74,65 پايىز الماتى قالاسى بويىنشا - 34,1 پايىز. «بۇگىنگى داۋىس بەرۋ بارىسىندا سايلاۋشىلار بەلسەندىلىگىنىڭ دەڭگەيى وتە جوعارى بولعانىن اتاپ كورسەتەمىز. بۇل پارلامەنت ءماجىلىسىنىڭ دەپۋتاتتارىن سايلاۋ جونىندەگى سوڭعى سايلاۋ ناۋقاندارىنىڭ ىشىندەگى رەكوردتىق كورسەتكىش», – دەدى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ. قازىرگى ۋاقىتتا سايلاۋ ۋچاسكەلەرىنىڭ بارلىعىندا سايلاۋشىلاردىڭ داۋىستارىن ساناۋ جۇرگىزىلۋدە. سايلاۋ زاڭناماسىنا سايكەس, سايلاۋ ۋچاسكەسىندە داۋىستاردى ساناۋ ۋاقىتى ساناۋ باستالعان كەزدەن باستاپ ون ەكى ساعاتتان اسپاۋى ءتيىس. ايان ءابدۋالي. دەرەك: election.kz. سۋرەت: dknews.kz.