سالالىق جارمەڭكە بوس جۇمىس ورىندارىن ۇسىندى

قازىرگى كەزدە, اسىرەسە, جاس­تار جۇمىس تابۋ ورايىندا قيىن­شى­لىقتارعا كەزدەسىپ جاتاتىنى بار. ماماندارعا جۇمىس بەرۋشىلەر تاراپىنان بارعان سايىن جاڭا تالاپتار قويىلۋدا. اتاپ ايتقاندا, باسەكەگە قابىلەتتىلىك, كاسىبيلىك, ەڭبەك ۇجىمىنا بەيىمدەلە ءبىلۋ, اينالاسىنداعى ادامدارمەن ءتىل تابىسۋى جانە باسقا قابىلەت-قاسيەتتەر جۇمىس ىزدەۋشىگە اۋاداي قاجەت ەكەندىگى جاسىرىن ەمەس. سوندىقتان, تۇلەكتەردىڭ ەڭبەككە ورنالاسۋ پروبلەماسى وتە وزەكتى بولا تۇسۋدە. جوعارى وقۋ ورىندارىنىڭ ستۋدەنتتەرى مەن بىتىرۋشىلەرى ءۇشىن بوس جۇمىس ورىندارىنىڭ ءجار­مەڭكەلەرىن ۇيىمداستىرىپ وتكىزۋ وسى ماسەلەنىڭ وڭىنان شەشىلۋىنە كومەكتەسىپ تە ءجۇر. جاقىندا «قازاقستان-2020: بولاشاققا جول» جاستار ساياساتى اياسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تەحنيكالىق سالاداعى بوس جۇمىس ورىندارىنىڭ جارمەڭكەسى بولىپ ءوتتى. جارمەڭكەنى استانا قالاسى اكىمدىگىنىڭ «استانا جاستارى» كوممۋنالدىق مەملەكەتتىك مەكەمەسى ۇيىمداستىردى. اتالمىش جارمەڭكەدە تالاپتا­نۋشىلارعا جۇمىس ورىندارىنىڭ 200-دەن استام ۆاكانسياسى ۇسى­نىلدى. جۇمىس بەرۋشىلەر ىزدەنۋ­شى­لەرگە بوس جۇمىس ورىندارى جايىن­دا جان-جاقتى مالىمەتتەر بەرىپ, ول جۇمىستىڭ ەرەكشەلىكتەرى مەن شارتتارىنا نازار اۋداردى, وزدەرىنىڭ مەكەمەلەرى تۋرالى اڭگىمەلەدى. جارمەڭكە بەيرەسمي دوستىق راۋىشتەگى جىلى شىرايلى جاع­دايدا ءوتتى. ءاربىر ىزدەنۋشى ءوزىن قىزىقتىرعان سۇراعىنا تولىق جاۋاپ الىپ, ءوزىنىڭ ەڭبەككە ورنالاسۋ ورنىن قالاۋىنشا تاڭداۋ مۇمكىندىگىنە يە بولدى. ىزدەنۋشىلەر ءۇشىن – لايىقتى جۇمىس تابۋعا, ال مەكەمەلەردىڭ وكىل­دەرىنە – بىلىكتى كادرلار تاڭ­داۋعا كومەكتەسەتىن وسىن­داي ءجار­­مەڭكەلەردىڭ ماڭىزى زور ەكەن­دىگىن اتاپ ءوتۋىمىز كەرەك. بۇل ءجار­مەڭكەگە 42 كاسىپورىننىڭ وكىلدەرى قاتىستى. نازار قاسىم.