فوتو: shutterstock.com
ەكونوميكالىق ەركىندىك ۇعىمى ازاماتتاردىڭ مەملەكەت تاراپىنان شەكتەۋسىز مەنشىك يەلەنۋ, كاسىپ تاڭداۋ, تابىس تابۋ, قارجى جۇمساۋ جانە بيزنەس جۇرگىزۋ مۇمكىندىكتەرىن بىلدىرەدى. زەرتتەۋدى Heritage Foundation (اقش) ستراتەگيالىق زەرتتەۋ ينستيتۋتى جۇرگىزەدى. يندەكس 10 نەگىزگى كورسەتكىش نەگىزىندە ەسەپتەلەدى. ولاردىڭ قاتارىندا مەنشىك قۇقىعى, سىبايلاس جەمقورلىق دەڭگەيى, سالىقتىق ەركىندىك, ۇكىمەتتىڭ ەكونوميكاعا ارالاسۋى, كاسىپكەرلىك جانە ەڭبەك ەركىندىگى, اقشا-نەسيە جانە ساۋدا ەركىندىگى, ينۆەستيتسيالىق جانە قارجىلىق ەركىندىك بار.
اشىق ەسىك ەكونوميكاسى: قازاقستاندا ەلگە كىرۋ ەرەجەلەرى جەڭىلدەتىلدى
زەرتتەۋ ناتيجەسىنە سايكەس, قازاقستان تەك ورتالىق ازيا ەلدەرى اراسىندا عانا ەمەس, سونداي-اق تمد, ەۋروپا جانە وڭتۇستىك-شىعىس ازيانىڭ بىرقاتار مەملەكەتىن دە ەكونوميكالىق ەركىندىك دەڭگەيى بويىنشا باسىپ وزعان.
بۇل كورسەتكىش قازاقستان حالقى ءۇشىن ەكونوميكالىق ەركىندىك دەڭگەيى بىرقاتار ەلمەن سالىستىرعاندا جوعارى ەكەنىن كورسەتەدى. اتاپ ايتقاندا, قازاقستان يندەكسى يتاليا (74-ورىن), گرەكيا (75-ورىن), ۆەنگريا (79-ورىن), تۇركيا (117-ورىن), رەسەي (145-ورىن), جانە قىتاي (154-ورىن) ەلدەرىنەن جوعارى كورسەتكىشكە يە.
ال رەيتينگتىڭ العاشقى ورىندارىن سوڭعى بىرنەشە جىل بويى تۇراقتى تۇردە سينگاپۋر (84,4 بالل), شۆەيتساريا (83,7 بالل) جانە يرلانديا (83,3 بالل) يەلەنىپ كەلەدى.
نۇربولات امانبەك
