ەلىمىز بار تىنىشتىقتى تۋ ەتكەن

كەشە تۇڭعىش پرە­­زيدەنت – ەل­با­­سى­نىڭ كىتاپ­حانا­سىندا قازاق­ستان حالقى اسسام­بلەياسى توراعا­سىنىڭ ورىن­باسارى – حاتشىلىق مەڭگەرۋشىسى ەرالى توعجانوۆ پەن رۋمىنيا پارلامەنتى دەپۋتاتتار پالاتاسى توراعاسىنىڭ ورىنباسارى فلورين يورداكەنىڭ كەزدەسۋى بولدى. كەزدەسۋدە ەرالى توعجانوۆ اسسام­بلەيا­نىڭ جۇمىسىمەن مەيمانداردى تانىس­تىرا كەلىپ: «ءبىز قازاقستاندىق مودەلدى بۇۇ مىنبەرىنەن, ەقىۇ-نىڭ 56 مۇشەسىنىڭ قاتىسۋىمەن كوپەنگاگەن مەن ۆارشاۆادا كوپشىلىك نازارىنا ۇسىندىق. جۇرتشىلىق تاراپىنان قىزىعۋشىلىق اسا زور. تەك سوڭعى جىلدىڭ وزىندە ءبىزدىڭ تاجىريبەمىزدى زەردە­لەگىسى كەلگەن 26 ەلدىڭ دەلەگاتسياسى­مەن كەزدەستىم. ەلباسى نۇرسۇلتان نازارباەۆ ەلىمىزدەگى بىرلىكتى دارىپتەيتىن, ونىڭ وڭ ىستەرىنە ۇيىتقى بولاتىن پيرا­مي­دانى – بەيبىتشىلىك جانە كەلىسىم سارايىن سالعىزدى. قازىر ءاربىر وبلىس ورتالىق­تارىندا دوستىق ۇيلەرى بار. وندا ەلىمىزدەگى بارلىق ەتنومادەني بىرلەستىكتەر جۇمىستارىن جۇرگىزەدى. بۇگىنگى كۇنى قازاقستان اۋماعىندا 920 ەتنوما­دەني بىرلەستىك بار. 6 ۇلتتىق تەاتر, 37 ءتۇرلى تىلدە بۇقارالىق اقپارات قۇرا­لى, 192 ەتنوستاردىڭ تىلدەرىن ۇيرەتەتىن ورتا­لىق­تار جۇمىس اتقارادى», – دەپ قحا اياسىن­داعى ىستەردىڭ اۋقىمى وتە كەڭ ەكەنىن قوناق­تارعا جەتكىزىپ, قازاق حالقىنىڭ ەجەلدەن مەيماندوستىعىن, تىنىشتىقتى تۋ ەتكەن حالىق ەكەنىن ايتتى. ءار ەتنوستىڭ ءداستۇرى مەن مادەنيەتىن ساق­تاۋدىڭ ماڭىزىنا توقتالعان ەرالى توع­جانوۆ بۇگىنگى كۇنى قازاقستاندا 20 مىڭ رۋمىن مەكەندەيتىنىن, ولاردىڭ باسىم بولىگى قا­راعاندى ايماعىنا قونىس­تانعانىن ايتتى. فلورين يورداكە دەلەگاتسيا قۇرامىمەن تانىستىرىپ ءوتتى. ولاردىڭ اراسىندا رۋمىنيا پارلامەنتى دەپۋتاتتار پالاتاسىنداعى از ۇلتتار ماسەلەسى جونىندەگى پارلامەنتتىك توپتىڭ مۇشەسى, تۇرىك-مۇسىلمان جانە تاتار دەموكراتيالىق پارتياسىنىڭ مۇشەسى, تاتار باۋىر امەت ۆارول بار ەكەن. وسى ساتتە: «قازاق پەن تاتار ءبىر-بىرىمەن كەزدەسكەندە «ءيسانبىسىز» دەگەن, ءيسانبىسىز سىزبەن ءبىز اۋدارماشىسىز-اق تۇسىنىسەتىن شىعارمىز», – دەپ مەيمانداردى ءبىر كۇلدىرىپ الدى ە.توعجانوۆ. «ءبىزدىڭ رۋمىنيا پارلامەنتىندە از ۇلتتاردىڭ ءوز ءۇنى بار, ياعني ارنايى كۆوتا ارقىلى ولار دەپۋتات بولىپ سايلانادى. ال مەنىڭ پارلامەنتتەگى مىندەتىمنىڭ ءبىرى حالىقارالىق بايلانىستارعا قاتىستى, سوندىقتان دا, قازاقستان مەن ەكى اراداعى قاتىناستاردىڭ قاناتىن كەڭەيتە ءتۇسۋى, ونىڭ ءتۇرلى باعىتتى – ساياسي-ەكونوميكالىق, گۋمانيتارلىق, مادەني سالالاردى قامتۋى ماڭىزدى. رۋمىنيا بۇل رەتتە قازاقستان مەن ەۋرووداق اراسىنداعى مىقتى كوپىردىڭ قىزمەتىن اتقارعىسى كەلەدى», – دەگەن فلورين يورداكە قازىرگى كۇنى رۋمىنيالىق ءوز ارىپتەستەرىنىڭ ءبىرازى حالىقارالىق ۇيىمدار اياسىندا جاقىندا وتەتىن سايلاۋعا بايقاۋشى رەتىندە قاتىسىپ وتىرعانىن دا جەتكىزدى. كەزدەسۋگە قاتىسۋشىلار حالىقارالىق ارىپتەستىك اياسىندا قحا مەن ءوزارا ءىس-قيمىل ماسەلەسىن تالقىلاي كەلە, قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسىنە توقتالدى. ءبىزدىڭ تاراپتان قحا مۇشەلەرى, پارلامەنت ءماجىلىسىنىڭ V شاقىرىلىمىنىڭ دەپۋتاتتارى احمەت مۋرادوۆ, يۋري تيموششەنكو, «بۋكوۆينا» رۋمىن مادەني بىرلەستىگىنىڭ ءتورايىمى اۋريكا دياك سويلەدى. ف. يورداكە قازاقستاننىڭ ەتنوس­ارا­لىق كەلىسىم سالاسىنداعى وڭ تاجىريبەسىن جانە قازاقستاندا جۇرگىزىلىپ وتىرعان بەي­بىتشىلىك پەن كەلىسىم ساياساتىن رۋمى­نيانىڭ جوعارى باعالايتىنىن جەتكىزدى. كەزدەسۋ سوڭىندا قوس تاراپ كادە­سىيلار الماستى. انار تولەۋحانقىزى, «ەگەمەن قازاقستان».