توراعا ورىنباسارىمەن ورنىقتى اڭگىمە

كەشە, سونداي-اق, قازاقستان رەسپۋبليكاسى ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس ارمەنيا رەسپۋبليكاسى ورتالىق سايلاۋ كوميسسياسى توراعاسىنىڭ ورىنباسارى لاۋرا گالستيانمەن كەزدەستى. ۆ.فووس كەزدەسۋگە قاتى­سۋ­­شى­لاردى ورتالىق سايلاۋ كو­ميس­سياسىنىڭ قازاقستان رەس­پۋبليكاسى پارلامەنتى ءماجى­لىسىنىڭ دەپۋتاتتارىن جانە ءماسليحاتتارىنىڭ دەپۋتاتتارىن سايلاۋدى ازىرلەۋ مەن وتكىزۋ جونىندەگى جۇمىسىمەن, سايلاۋ ناۋقانىنىڭ نەگىزگى كەزەڭ­دەرىمەن تانىستىردى, سونداي-اق, بىرقاتار سۇراقتارعا جاۋاپ قايتاردى. ال ل.گالستيان سايلاۋ زاڭناماسىنىڭ پارتيالىق تىزىمدەردى ۇسىنۋ جانە تىركەۋ ءتارتىبىن, ساياسي پار­تيالاردىڭ سايلاۋالدى ۇگىتىن قارجىلاندىرۋدى رەتتەيتىن جەكەلەگەن ەرەجەلەرىمەن ەگجەي-تەگ­جەيلى تانىسۋعا قى­زىعۋ­شىلىق تانىتتى. كەزدەسۋ سوڭىندا ل.گال­ستيان شاقىرۋ ءۇشىن ري­زا­شىلىعىن ءبىلدىرىپ, ساي­لاۋدىڭ ويداعىداي وتۋىنە ءتى­لەكتەستىك ءبىلدىردى. «ءبىز اس­تانا قالاسىنىڭ بىرقاتار ساي­لاۋ ۋچاسكەلەرىنە بارۋدى, وسىنداي ماڭىزدى سايلاۋدى وتكىزۋ ءۇشىن كونستيتۋتسياعا ءجا­نە رەسپۋبليكانىڭ سايلاۋ زاڭ­ناماسىنا سايكەس جاسالعان جاعدايلارمەن تانىسۋدى جوس­پارلاپ وتىرمىز», – دەپ اتاپ ءوتتى ارمەنيا رەسپۋبليكاسى ورتالىق سايلاۋ كوميسسياسى ءتور­اعاسىنىڭ ورىنباسارى. سۋرەتتەردى تۇسىرگەن ەرلان وماروۆ.