تاۋەلسىزدىك شارالارى ەلىمىزدىڭ بارلىق اۋماعىن قامتيدى

«نۇر وتان» حدپ 2011 جىلدىڭ 10 قاڭتارىندا بارلىق جەرلەردە ەلىمىز تاۋەلسىزدىگىنىڭ 20 جىلدىعىنا ارنالعان «تاۋەلسىزدىك جەتىستىكتەرى» اكتسياسىن باستادى. وسىعان بايلانىستى پارتيا ور­تا­لىق اپپارات جەتەكشىسىنىڭ ورىن­­باسارى مۇحتار ەرمان ار­نايى بريفينگ وتكىزدى. بريفينگ با­رىسىندا تاۋەلسىزدىك مەرەي­تويى­­نىڭ اۋقىمى مەن ماڭىز­دى­لىعىن ەسكەرە وتىرىپ, پارتيا ءبۇ­گىنگى كۇن­نىڭ وزىندە «ءتاۋ­ەلسىزدىك جەتىستىكتەرى» اكتسياسىن باستاپ وتىر­عانىن جانە وسى اكتسيا ايا­سىن­دا تاۋەلسىز قازاقستان تاريحى­نىڭ 20 جىلدىق كەزەڭىن قورىتىن­دى­لاۋعا, ءارى قاراي دامۋىنىڭ ۆەكتورىن انىقتاۋعا, رەس­پۋبليكانىڭ الەۋ­مەتتىك, ەكونو­مي­كالىق جانە ساياسي باستامالارىن حا­لىقارالىق قو­عام­داستىقتىڭ مويىن­داۋىن كورسە­تۋ­گە باعىتتالعان كونفەرەنتسيالار, دوڭگە­لەك ۇستەلدەر, فورۋمدار, كورمەلەر, بايقاۋلار مەن كوپتەگەن باسقا دا ءىس-شارالار جانە اكتسيالار وتكىزىلەتىنىن اتاپ كورسەتتى. جالپى, وسى جىلى پارتيا وبلىس ورتالىقتارىندا, قالا­لار­­دا, ەلدىڭ اۋداندارى مەن اۋىل­­دارىندا 7 مىڭنان استام ءىس-شارا وتكىزۋدى جوسپارلاپ وتىر. بۇل ءىس-شارالار حالىقتىڭ بارلىق سا­ناتىن قامتيدى, ياعني قاراپايىم ازاماتتاردىڭ, جاس­تار­دىڭ, بيزنەس قاۋىمداس­تىق­تار­دىڭ جانە ۇەۇ-لاردىڭ قاتى­سۋى­مەن الەۋ­مەت­تىك سالانىڭ ءما­سەلەلەرىن شەشۋگە جانە حالىق­تىڭ ءومىر ساپا­سىن جاقسارتۋعا باعىتتالعان ءار­تۇرلى جۇمىستار ۇيىمداستى­رىلادى. بۇل كۇندەرى ەلىمىزدىڭ بارلىق ايماقتارىندا وسى اكتسيا اياسىندا ءتۇرلى شارالار قولعا الىندى. «ەگەمەن-اقپارات».