قازاقستان مۇسىلماندارى وكىلدەرىنىڭ بارلىق مۇسىلمان جاماعاتقا ۇندەۋى

قولداۋعا شاقىرامىز قازاقستان مۇسىلماندارى وكىلدەرىنىڭ بارلىق مۇسىلمان جاماعاتقا ۇندەۋى ەلىمىزدىڭ بۇكىل مۇسىلمان قاۋىمى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ وكىلەتتىگىن 2020 جىلعا دەيىن ۇزارتۋ جونىندەگى باستامانى تولىق قولدايدى. تاۋەلسىزدىككە قول جەتكىزىلگەن 20 جىلدىڭ ىشىندە ەلباسىمىز ەكونوميكانى وركەندەتىپ, حالىقتىڭ ءال-اۋقاتىن كوتەرىپ قانا قويماي, رەسپۋبليكامىزداعى ۇلتارالىق كەلىسىم مەن دىنارالىق تاتۋلىقتى قالىپتاستىردى. سونىڭ ناقتى كورىنىسى, قازىرگى تاڭدا رەسپۋبليكاداعى 130-دان استام ۇلت پەن ۇلىستىڭ, سونداي-اق 40-تان اسا كونفەسسيانىڭ وكىلدەرى قازاقستان اتتى بەرەكەلى بىرلىكتىڭ ورتاق ۇيىندە تاتۋ-ءتاتتى ءومىر سۇرۋدە. وسى جىلداردا ەلوردامىز استانادا 3 رەت الەمدىك جانە ءداستۇرلى ءدىن ليدەرلەرىنىڭ سەزدەرى بولىپ ءوتتى. جەر جۇزىندەگى الۋان ءتۇرلى ءدىن باسشىلارى الەمنىڭ ءار تۇكپىرىندەگى ۇلت پەن ۇلىستىڭ, ءدىننىڭ اراسىندا قىرعي-قاباق قاقتىعىستار بولىپ جاتقان الماعايىپ زاماندا قازاق ەلىن سۇتتەي ۇيىعان تىنىشتىقتىڭ, تۇراقتىلىق پەن پەن بەيبىتشىلىكتىڭ مەكەنىنە اينالدىرعان ەلباسىمىزعا جانە بۇكىل قازاقستان حالقىنا باتا-شاپاعاتتارىن توگىپ, وزگە مەملەكەتتەردى بىزدەن ۇلگى الۋعا شاقىردى. ەلىمىز ەگەمەندىككە قول جەتكىزگەلى بەرى اسىل ءدىنىمىز – يسلام بارىنشا وركەندەدى. ەگەر تاۋەلسىزدىك العان كەزىمىزدە رەسپۋبليكادا بار-جوعى 68 مەشىت بولعان بولسا, ەلباسىنىڭ قامقورلىعى ناتيجەسىندە قازىر ولاردىڭ سانى 2371-گە جەتتى. ەلىمىزدىڭ وتكەن جىلى عانا ەۋروپاداعى قاۋىپسىزدىك جانە ىنتىماقتاستىق ۇيىمىنا باسشىلىق جاساپ, ونى تاماشا تابىسپەن اياقتاعانى كۇللى الەمگە بەلگىلى. ال بيىل ءبىزدىڭ پرەزيدەنتىمىزگە يسلام كونفەرەنتسياسى ۇيىمىنا توراعالىق ەتۋ ابىرويى بۇيىردى. مۇنىڭ ءوزى نۇرسۇلتان ءابىش ۇلىنىڭ بۇگىندە جەر شارىنىڭ 57 مەملەكەتىندە تۇراتىن 1,5 ميللياردتان استام حالىقتى بىرىكتىرىپ وتىرعان مۇسىلمان دۇنيەسىندەگى اسا بەدەلدى الەمدىك قايراتكەر ەكەندىگىنىڭ ايقىن دالەلى. ەلباسىنىڭ سابىرلى ءھام سارابدال ساياساتى ارقاسىندا قازاقستان باتىس پەن شىعىستىڭ اراسىن جالعاستىراتىن رۋحانيات پەن وركەنيەتتىڭ التىن كوپىرىنە اينالدى. تاۋەلسىزدىك العان جىلداردان بەرى قازاقستاندا ۇلتارالىق كەلىسىم مەن دىنارالىق تاتۋلىقتىڭ بەرىك ورنىعۋى ەلباسىنىڭ كەمەل دە دانا ساياساتىنىڭ ارقاسىندا مۇمكىن بولدى. قۇرمەتتى مۇسىلمان باۋىرلار! ءبىز نۇرسۇلتان نازارباەۆتىڭ ەگەمەن ەلىمىزدىڭ تۇڭعىش پرەزيدەنتى بولۋى اللا تاعالانىڭ ءبارىمىزدىڭ باعىمىزعا بەرگەن زور باقىتى مەن ۇلكەن نىعمەتى دەپ بىلەمىز. سوعان شۇكىرلىك ەتەمىز. سوندىقتان قازاقستانداعى بارلىق مەشىتتەردەگى جۇما نامازدارعا قاتىساتىن نامازحانداردى – مۇسىلمان جاماعاتتى قازاقستان رەسپۋبليكاسىنىڭ پرەزيدەنتى – ەلباسى نۇرسۇلتان نازارباەۆتىڭ وكىلەتتىك مەرزىمىن 2020 جىلعا دەيىن ۇزارتۋ جونىندە بۇكىلحالىقتىق رەفەرەندۋم وتكىزۋدى قولداۋعا شاقىرامىز. ءا.دەربىسالى, قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي, م.-ح. السابەكوۆ, قازاقستان مۇسىلماندارى ءدىني باسقارماسىنىڭ نايب ءمۇفتيى, ق. جولدىباي ۇلى, قازاقستان مۇسىلماندارى ءدىني باسقارماسىنىڭ اپپارات باسشىسى, ق.زاڭقوەۆ, استانا قالاسىنىڭ وكىل يمامى, م.قۇلمۇحاممەد, الماتى قالاسىنىڭ وكىل يمامى, م.ءابساماتوۆ, الماتى وبلىسىنىڭ وكىل يمامى, ق.قىدىرمين, اقمولا وبلىسىنىڭ وكىل يمامى, ب.ەسماحان, اقتوبە وبلىسىنىڭ وكىل يمامى, ن.ەسماعانبەت, اتىراۋ وبلىسىنىڭ وكىل يمامى, س.سەيىتبەكوۆ, باتىس قازاقستان وبلىسىنىڭ وكىل يمامى, ا.كەرىمبەك, جامبىل وبلىسىنىڭ وكىل يمامى, ن.ۋتپينوۆ, قاراعاندى وبلىسىنىڭ وكىل يمامى, د.رىسباي, قىزىلوردا وبلىسىنىڭ وكىل يمامى, ت.جاكيەۆ, ماڭعىستاۋ وبلىسىنىڭ وكىل يمامى, ب.مىرزاگەلديەۆ, وڭتۇستىك قازاقستان وبلىسىنىڭ وكىل يمامى, ە.بالاحمەت, قوستاناي وبلىسىنىڭ وكىل يمامى, ج.بەردىمۇراتوۆ, پاۆلودار وبلىسىنىڭ وكىل يمامى, ق.يساەۆ, سولتۇستىك قازاقستان وبلىسىنىڭ وكىل يمامى, ت.مىرزاەۆ, شىعىس قازاقستان وبلىسىنىڭ وكىل يمامى, س.ماحانبەت, «يسلام جانە وركەنيەت» گازەتىنىڭ باس رەداكتورى, و.ومىربەك, «يمان» جۋرنالىنىڭ باس رەداكتورى.