ەلباسىنىڭ ەڭبەگىمەن بايلانىستىرادى

پرەزيدەنت پوشتاسىنان مەملەكەت باسشىسى نۇر­سۇل­تان نازارباەۆ­تىڭ اتىنا ەقىۇ ءسامميتىنىڭ استانادا تا­بىس­تى وتۋىنە بايلانىستى قا­زاقستان ازاماتتا­رى­نان كەلىپ جاتقان قۇتتىقتاۋ حاتتارى جالعا­سۋ­دا, دەپ حابارلادى قا­زاقستان رەسپۋبليكاسى پرەزي­دەنتىنىڭ ءباسپاسوز قىزمەتى. رۋدنىي قالاسىنداعى قالالىق ارداگەرلەر كەڭەسىنىڭ مۇشەسى ا.اح­مەتوۆ ءوز حاتىندا مەملەكەت باسشىسىن ەقىۇ ءسامميتىنىڭ استانادا جوعارى دەڭگەيدە ۇيىم­داستىرىلۋىمەن جانە تابىستى وتۋىمەن قۇتتىقتايدى. «قازاق­ستان حالىقارالىق ارەنادا ۇلكەن بەدەلگە يە بولۋدا. حالقىمىزدىڭ ءال-اۋقاتىنىڭ ۇنەمى ارتۋى, ساياسي تۇراقتىلىقتىڭ ساقتالۋى, الەم­دىك قوعامداستىقتىڭ قۇرمەتتەۋى – وسىنىڭ ءبارى ءسىزدىڭ ەڭبەگىڭىزدىڭ, ءسىزدىڭ دانا ساياساتىڭىزدىڭ ءنا­تيجەسى», دەپ اتاپ وتىلگەن حاتتا. ۇلى وتان سوعىسىنىڭ ارداگەرى, ليساكوۆ قالا­سى­نىڭ تۇرعىنى ي.ولەينيكوۆا حاتىندا ەقىۇ ءسامميتى قازاقستاننىڭ جانە تىكەلەي مەملەكەت باس­شىسىنىڭ ورا­سان زور بەدەلىنىڭ تانىلۋى ەكە­نىن اتاپ كورسەتتى. «مەن جە­ڭىستىڭ 65 جىلدىعىن ءبارى ءبىز ءۇشىن – ارداگەرلەر ءۇشىن جوعارى دەڭ­گەيدە ۇيىمداستىرىلعان استانادا قارسى الدىم. مەن استانادا العاش رەت بولدىم. مەن ەۋرو­پا­نىڭ قالالارىن كوردىم, بىراق ءبىز­دىڭ ەلوردامىز – ول اي­رىقشا قالا, ول – بارلىق قازاقستاندىقتاردىڭ ماق­تانىشى. پرەزيدەنتكە بىزگە كورسەتكەن قامقور­لى­عى ءۇشىن زور العىسىمدى ايتقىم كەلەدى. بۇگىندە قازاقستاننىڭ الەمدىك دەڭگەيدەگى وسىنداي بيىككە جەتكەنىنە وتە قۋا­نىشتىمىن ءارى ونى ماقتان تۇ­تامىن جانە جەڭىستىڭ مۇراگەرلەرى ءبىزدىڭ تولقىن ساق­تاپ قالعان جەر بەتىندە بەيبىتشىلىكتى نىعايتۋ ءۇشىن مۇمكىن بولعاننىڭ ءبارىن جا­ساي­تىنىنا تو­لىق سەنىمدى ەكەنىن اتاپ وتكىم كەلەدى», دەلىنگەن حاتتا. «اراي حولدينگ» جشس باس ديرەكتورى ۆ.سولوجەنكوۆ ءوز حاتىن­دا كاسىپورىن ۇجىمى اتىنان مەملەكەت باسشىسىن الەمدىك اۋقىم­داعى جانە تا­ريحي وقيعا – ەقىۇ ءسامميتىنىڭ استانادا وتۋىمەن شىن نيەتتەن قۇتتىقتايدى. «ءبىز, وتان­دىق بيزنەس­تىڭ وكىلدەرى, سىزگە, نۇرسۇلتان ءابىش­ ۇلى, سامميتكە قاتىسۋشىلاردىڭ نازارىن ەكونو­مي­­كالىق جانە ەنەرگەتيكالىق ق­اۋىپ­­سىزدىكتىڭ پروب­لەمالارىن شە­شۋ­دىڭ قاجەتتىگىنە اۋدار­عا­نىڭىزعا ءدان ريزامىز. ءبىزدىڭ بيزنەس-قوعام­داس­تىق تۇ­راقتىلىق, بەيبىتشىلىك جانە كەلىسىم ورنىق­قاندا عانا كاسىپ­كەر­لىكتىڭ تابىستى دامۋى مۇمكىن ەكەنىن جاقسى بىلەدى. ءاربىر قازاق­ستان­دىق تەرەڭ سەزىنەتىن, ەرتەڭگى كۇنگە سەنىمدىلىگىمىز ءۇشىن, سىزگە راحمەت!», دەپ اتاپ كور­سەتىلگەن حاتتا. قازاقستان مۇسىلماندارى ءدىني باسقارماسىنىڭ قوستاناي وب­لى­سىنداعى وكىل يمامى ەرتاي قاجى بالاحمەت ەلباسىنا جول­­داعان حاتىندا وتكەن جىل ەلىمىز ءۇشىن ۇمىتىلماستاي كەزەڭ بول­عانىن, قا­زاق­ستان ەۋروپاداعى قاۋ­ىپسىزدىك جانە ىنتىماقتاستىق ۇي­ىمىنا توراعا رەتىندە ءوز ابى­روي­ىن اسقاق­تات­قانىن اتاپ كور­سەت­كەن. ودان ءارى اۆتوردىڭ حا­تىن­دا: «بۇل سامميت داۋىرلىك اۋقىم­داعى تاريحي وقيعا بولدى. ءويت­كە­نى, بۇعان دەيىن تمد-دان, يسلام الەمىنەن, ءتىپتى ازيادان ەشقان­داي ەل ەقىۇ-عا توراعا بولعان جوق. ءبىزدىڭ ەلىمىز تاۋەلسىزدىگىن ال­عان 19 جىلدىڭ ىشىندە قاي سالادا بولسىن قارىش­تاپ دامىعا­نىن وسى جولى ناقتى ىسىمەن كور­سەتە ءبىلدى. مۇنىڭ ءبارى ەلباسى ن.ءا.نازارباەۆتىڭ الەم­دەگى ءۇل­كەن بەدەلى مەن كورەگەن ساياسا­تى­نىڭ ناق­تى ناتيجەسى. اتاپ وتەر­لىك ءجايت, الاش جەرىندە الەم قاۋىپ­سىزدىگىنە قاتىستى باستى قۇ­جاتقا – استانا دەكلاراتسياسىنا قول قويىلدى. قازاقستان ەقىۇ-عا توراعا بولعان 2010 جىل تاريحتا التىن ءارىپ­تەرمەن جازىلىپ قالدى», دەلىنگەن.