وڭتۇستىكتە وبلىستىق ارداگەرلەر ۇيىمىنىڭ جيىنى ءوتتى

شىمكەنت. 17 ناۋرىز. شىمكەنتتە لەرمونتوۆ اتىنداعى ورىس دراما تەاترىنىڭ عيماراتىندا وبلىستىق ارداگەرلەر ۇيىمىنىڭ VII كونفەرەنتسياسى ءوتتى. بۇل تۋرالى egemen.kz ءتىلشىسى حابارلادى. وندا وبلىستىق ارداگەرلەر كەڭەسىنىڭ توراعاسى جەڭىسبەك ماۋلەنقۇلوۆ بايانداما جاساپ, اتقارىلعان جۇمىستارعا تالداۋ جاسادى. كونفەرەنتسياعا ارنايى قاتىسقان وبلىس باسشىسى بەيبىت اتامقۇلوۆ قاريالاردىڭ قوعامداعى بەلسەندىلىگىنە جوعارى باعا بەردى. «سىزدەر – سالت-ءداستۇرىمىزدىڭ ساقتالۋىنا اسەر ەتىپ, جاس ۇرپاققا دۇرىس تاربيە بەرۋدىڭ وزىق ۇلگىسىن كورسەتەتىن ادامدارسىزدار. وبلىسىمىز قازىنالى قارتتار مەن ارداقتى انالارعا وتە باي. سوندىقتان دا, وڭتۇستىك ۇلىسىمىزدىڭ ۇيىتقىسى بولىپ وتىر», دەدى وبلىس اكىمى. جيىن سوڭىندا وبلىس اكىمى بىرقاتار ارداگەرلەردى قوعامداعى بەلسەندى قىزمەتى ءۇشىن ماراپاتتاپ, ولارعا ۇزاق ءومىر, زور دەنساۋلىق تىلەدى. ءسوز رەتى كەلگەندە ايتا كەتەيىك, وبلىستا جالپى 214 599 زەينەتكەر ءومىر ءسۇرىپ جاتسا, ولاردىڭ 352-ءسى ۇلى وتان سوعىسىنىڭ ارداگەرى, 209 مىڭنان استامى تىل ەڭبەككەرى. باقتيار تايجان. دەرەك, سۋرەت: egemen.kz