شارىنداعى «قىزىل سۋ» ابىگەرى

جەتىسۋ جەرىندە دە قىس قا­ھارى ەرەكشە سەزىلۋدە. قاڭ­تاردىڭ العاشقى اپتاسىنداعى  سۋىق جۇرتتى قىسىپ, اياز 30 گرادۋسقا دەيىن جەتتى. اپتانىڭ باسىندا كۇننىڭ ىزعارى سىنىپ, وڭتۇستىك ايماققا جىلى اۋا جەتكەندەي بولدى. سونىڭ اسە­رى­نەن بە, ۇيعىر اۋدانىنداعى شارىن ەلدى مەكەنىندەگى اتال­عان وزەندەگى «قىزىل سۋ» جا­عالاۋعا جاقىن ورنالاسقان 50 ءۇيدىڭ اۋلاسىنا كىرىپ, الاڭ­داتاتىن وقيعا ورىن الدى. ماسەلەگە  وراي وبلىستىق ءتو­تەن­شە جاعدايلار دەپارتامەنتى جانە اپاتتىق قۇتقارۋ جۇ­مىستارى قىزمەتى مەملەكەتتىك مەكەمەسى ءباسپاسوز قىزمەتىنىڭ باس مامانى ايدوس وڭعاروۆپەن حابارلاسقاندا ول تومەندەگى جاعدايلاردى جەتكىزدى. 10 قاڭتار كۇنى ساعات 18-دەن اسقاندا شونجى اۋى­لىن­داعى №10 ءورت ءسوندىرۋ بولىمىنە شۇعىل حابار تۇسكەن. وندا شارىن وزەنىندەگى مۇز ۇستىنە  كوتەرىلگەن سۋ 15-20 سانتيمەتر بيىكتىكتە ۇيلەردىڭ اۋلا­لارىنا جايىلعانى ايتىل­عان. وقيعا ورىن العان جەرگە اۋدان اكىمى مەن جاۋاپتى سالا ماماندارى بارىپ, جاعدايمەن تانىسىپ, تۇرعىنداردىڭ زارداپ شەكپەۋى ءۇشىن جۇمىس جۇرگىزدى. 200-گە جۋىق تۇرعىن قاۋىپسىز جەرگە كوشىرىلدى.     سەيسەنبى كۇنگى جاعداي بويىنشا, 250 ءۇيدىڭ اۋلاسىنا سۋ جايىلىپ, 350 ادام وسىنداعى ەكى مەكتەپ پەن تۋعان-تۋىستارىنىڭ ۇيلەرىنە ورنالاس­تىرىلدى. قۇتقارۋ جۇمىس­تا­رىنا توتەنشە جاعدايلار سالا­سىنىڭ 36 ادام مەن تۇرعىندار ەسەبىنەن 250 ادام تارتىلىپ, ولار ءۇي م ۇلىكتەرىن سۋ استىندا قال­دىرماۋعا بايلانىستى قۇت­قارۋ شا­رالارىمەن اينالىسۋدا. شا­رىن اۋىلىن 5950 حالىق مەكەندەيدى. «قىزىل سۋدان» زارداپ شەككەندەر تىركەلمەگەن. وب­لىس­تىق توتەنشە جاعدايلار ءجو­نىندەگى دەپارتامەنتتىڭ مالىمە­تىن­شە,  وزەن ارناسىن بۇرىپ, توسقاۋىل قويۋعا  تەحنيكا مەن ادام كۇشى جەتكىلىكتى جۇمىل­دىرىلعان. كۇمىسجان بايجان, الماتى وبلىسى.