ايماننىڭ الەمى

وبلىس ورتالىعىنداعى سۇلتانماحمۇت تورايعىروۆ اتىنداعى ۋنيۆەرسيتەتتە تاۋەلسىزدىكتىڭ 25 جىلدىعىنا ارنالىپ «ءسوز ونەرى جانە تىلدىك تانىم تابيعاتى» تاقىرىبىندا عىلىمي-تاجىريبەلىك جيىن ءوتتى. بۇل كۇنگى جيىننىڭ قۇرمەتتى قوناعى قازاق ءتىلى كافەدراسىنىڭ مەڭگەرۋشىسى, فيلولوگيا عىلىمدارىنىڭ كانديداتى, پروفەسسور ايمان زەينۋلينا بولدى. ايمان فايزوللاقىزى جەل­توقسان وقيعاسىنا قاتىسۋشى جاس­تاردىڭ ءبىرى, ستۋدەنت كەزىندە تاۋەلسىزدىك تاڭى ءۇشىن, قازاق ءتىلىنىڭ اسقاق مارتەبەسى ءۇشىن الاڭعا شىقتى. 2009 جىلى ف. دوستوەۆسكي اتىنداعى ومبى مەملەكەتتىك ۋنيۆەرسيتەتىندە اشىل­عان «قازاق ءتىلى مەن مادە­نيەتى» اتتى ورتالىقتىڭ سىرتتاي كۋرس جەتەكشىسى بولىپ كەلەدى. ومبىدا 100 مىڭعا جۋىق قازاق تۇرادى. قالاداعى 11 مەكتەپتە قازاق سىنىپتارى بار. 1989 جىلدان بەرى جۇمىس اتقارىپ كەلە جاتقان «ءمولدىر» قازاق مادەنيەتىنىڭ ورتالىعى, «شوقان جولى», «ومبى قازاقتارى», «بىرلىك» جانە 2011 جىلى اشىلعان ف.دوستوەۆسكي اتىنداعى ومبى مەملەكەتتىك ۋنيۆەرسيتەتىندەگى قازاق ءتىلى مەن مادەنيەتى ورتالىقتارى قازاق جاس­تارىنا انا ءتىلىن ۇمىتتىرماي, ءتۇرلى شارالار وتكىزەدى. قازاق جاس­تارى پاۆلوداردىڭ جوعارى وقۋ ورىندارىنا تەگىن وقۋعا ءتۇسىپ, قازاق ءتىلى مەن ادەبيەتى ءپانى ما­ماندىعىن العان سوڭ ومبىدا ساباق بەرە الادى. عالىمنىڭ جازعان 3 مونوگرافيا, 5 وقۋلىق, 3 وقۋ ادىستەمەسى, 1 ەلەكتروندى وقۋلىق, 200 عىلىمي ماقالالارى جارىققا شىقتى. كون­فەرەنتسيا بارىسىندا كوپشىلىك نازارىنا «ءسوز ونەرىنىڭ ساردارى» اتتى كىتاپ كورمەسى ۇسىنىلدى. ءبى­لىم مەن عىلىم سالاسىندا جارىق كور­­گەن «ءبىلىم كوكجيەگىندە» اتتى كە­­زەك­تى كىتاپ جيناعىنىڭ تۇساۋى كەسىلدى. وقۋ ورنىندا اشىلعان «قىز جىبەك» كلۋبى تانىمدىق, عىلىم-ءبىلىم, قىز بالا تاربيەسى, ۇلتتىق قازاقى تاربيە, بولاشاق ايەل-انا سياقتى قوعامدىق باعىتتارداعى يگى ىستەر اتقارىپ كەلەدى. قىزدا­رىمىزدىڭ سالت-ءداستۇر, ءتىل, ءدىن, ۇلت­تىق كيىم, اس-ءمازىرى سىندى قۇندى­لىقتارىمىزدى تانىتاتىن ءىس-شارالاردى ۇيىمداستىرۋدا. وسى تۇستا ستۋدەنتتەردىڭ ءدىني ساۋات­تىلىعىن ارتتىرۋعا باعىت­تالعان «ءبىلىم +» جوباسى دا بار. فاريدا بىقاي, «ەگەمەن قازاقستان». پاۆلودار.