پارتيا باسشىسى 7 قاڭتار كۇنى ءوزىنىڭ سەرىكتەرىمەن اۆتوكولىكتە كەلە جاتقاندا ۇستالعان. پوليتسەيلەردىڭ ايتۋىنشا, تۇتقىنداۋ كەزىندە سامەدوۆ پەن ونىڭ سەرىكتەرى قۇقىق قورعاۋ ورگاندارى قىزمەتكەرلەرىنە قارسىلىق كورسەتكەن. پارتيا باسشىسى ءوزىنىڭ باۋىرى دايانات سامەدوۆكە قوعامدىق ءتارتىپتى بۇزىپ, تارتىپسىزدىك ۇيىمداستىرۋ جونىندە تاپسىرما بەرگەن. م.سامەدوۆتىڭ اكەسىنىڭ ەلەكترتاۋارلار ساتاتىن دۇكەنىن ءتىنتۋ كەزىندە ونداعى سەيفتەن 3 گراناتا, سونداي-اق اۆتومات وقتارى تابىلعان.
سابىر راحيموۆتىڭ ەسكەرتكىشى الىندى. فەرعانا اقپارات اگەنتتىگىنىڭ حابارلاۋىنشا, وزبەكستان استاناسى – تاشكەنتتەگى كەڭەس وداعىنىڭ باتىرى, گەنەرال-مايور سابىر راحيموۆتىڭ ەسكەرتكىشى تۇعىرىنان الىنىپ, بۋلدوزەرمەن تەگىستەلدى. بەتون جانە گرانيت سىنىقتارى جۇك ماشينەسىمەن اكەتىلدى. بۇدان بۇرىن, ياعني وتكەن جىلدىڭ 5 قاراشاسىندا تاشكەنتتەگى سابىر راحيموۆ ەسىمىندەگى مەتروپوليتەن ستانساسىنىڭ اتى دا وزگەرتىلگەن بولاتىن. ودان سوڭ وزبەكستان پارلامەنتى تاشكەنت قالاسىنداعى سابىر راحيموۆ اۋدانىنىڭ اتىن وزگەرتۋ تۋرالى زاڭ قابىلداعان ەدى. وزبەكستان باسشىلىعىنىڭ بۇل ارەكەتىن كوپشىلىك ارقالاي قابىلداۋدا.
ون ەكى مىڭ ءۇي سۋ استىندا قالدى. اسا اۋقىمدى سۋ باسۋدىڭ سالدارىنان اۆستراليادا 12 مىڭنان استام ءۇي مەن باسقا دا عيماراتتار سۋ استىندا قالدى جانە ءب ۇلىندى. اسسوشيەيتەد پرەسس اگەنتتىگىنىڭ حابارلاۋىنشا, 4 مىڭعا جۋىق تۇرعىن باسقا جەرگە كوشىرىلدى. مۇنداي سۋ باسۋ وقيعاسى اۆستراليادا وتكەن جىلعى جەلتوقساننىڭ سوڭىندا باستالعان بولاتىن. وندا ەلدىڭ سولتۇستىك شىعىسى تاش اتالاتىن تروپيكالىق داۋىلعا ۇشىراعان ەدى. كەيبىر دەرەكتەرگە قاراعاندا, سۋ باسقان اۋماق گەرمانيا مەن فرانتسيانىڭ اۋماعىنان اسىپ تۇسەدى. اپات سالدارىنان ونداعان ادام قازا تاپتى.
سولتۇستىك كورەيانىڭ ۇسىنىسىن قابىلدامادى. فرانس-پرەسس اگەنتتىگىنىڭ حابارلاۋىنشا, دۇيسەنبى كۇنى وڭتۇستىك كورەيا ۇكىمەتى كحدر باسشىلىعىنىڭ كەلىسسوزدەردى قايتا جالعاستىرۋ تۋرالى ۇسىنىسىن رەسمي تۇردە قابىلدامادى. رەسمي سەۋل كەلىسسوزدەردى كحدر-ءدىڭ قارۋسىزدانۋ جونىندە قادام جاساعاندا عانا باستاۋ قاجەتتىگىن العا تارتىپ وتىر. بۇل جەردە ەڭ باستى ماسەلە, سولتۇستىك كورەيانىڭ يادرولىق قارۋدان ارىلۋ جايى بولىپ تابىلادى. ەكى ەل اراسىنداعى جانجال ەنپحەندو ارالىنداعى وقيعادان كەيىن ءتىپتى ناشارلاپ كەتكەن بولاتىن.
ينتەرنەت ماتەريالدارى نەگىزىندە ازىرلەندى.
