«اقسەلەۋ وقۋلارى» ءوتتى

ل.ن.گۋميلەۆ اتىنداعى ەۋرازيا ۇلتتىق ۋني­ۆەرسيتەتىندە مەم­لەكەتتىك سىيلىقتىڭ لاۋ­رەا­تى, قازاقستاننىڭ ەڭبەك سىڭىرگەن قاي­راتكەرى ا.سەيدىمبەكتى ەسكە الۋعا ارنال­عان ءداستۇرلى «اقسەلەۋ وقۋلارى» ءوتتى. ونى جۋرناليستيكا جانە ساياساتتانۋ فاكۋلتەتى باسپا­سوز جانە باسپا ءىسى كافەدراسىنىڭ ۇجىمى ۇيىمداستىرۋىنىڭ وزىندىك زاڭدى­لىعى بار. ويتكەنى, ىرگەتاسى 1998 جىلى قالانعان جۋرناليستيكا كافەدراسىنىڭ نەگىزىندە 2009 جى­لى اشىلعان ءباسپاسوز جانە باسپا ءىسى كافەد­راسىنىڭ قالىپتاسۋى مەن ءوسىپ-وركەندەۋىنە فيلولوگيا عىلىمدا­رى­نىڭ دوكتورى, پروفەسسور اقسەلەۋ سەيدىمبەكتىڭ قوسقان ۇلەسى ولشەۋسىز ەكەنى ەل ەسىندە. «اقسەلەۋ وقۋلارىنىڭ» اشىلۋ سالتانا­تىندا ءباسپاسوز جانە باسپا ءىسى كافەدرا­سىنىڭ مەڭگەرۋشىسى قايرات ساق قايراتكەر-قالامگەر­دىڭ قازاق قوعامىنداعى ۇلتتىق يدەيانى دامى­تۋعا قوسقان ولشەۋسىز ۇلەسىنە توقتالا كەلىپ, اقسەلەۋدىڭ ەسىمىن ۇرپاق جادىندا جاڭعىرتۋ ماقساتىندا اتقارىلىپ جاتقان ءىس-شارالاردى اتاپ ءوتتى. ۋنيۆەر­سيتەتتىڭ «وتىرار كىتاپحا­ناسى» عىلىمي-زەرتتەۋ ورتالىعىندا ا.سەيدىمبەك اتىندا­عى عىلىم زالى اشىلعانىن, باق باس­شى­لارى مەن جەتەكشى جۋرناليستەر اراسىندا بيلياردتان اقسەلەۋ اتىنداعى تۋرنير ۇيىمداستىرىلعانىن, جۋرناليستيكا ما­گيس­­تر­لارىنىڭ وقۋ جوسپارىنا «پروفەسسور ا.سەيدىمبەكتىڭ شىعارماشىلىق زەرتحاناسى» اتتى ارنايى ءپان ەنگىزىلگەنىن جانە «اق­سەلەۋ وقۋلارى» ءداستۇرلى تۇردە جىل سايىن جالعا­سىن تاباتىنىن كوپشىلىك ۇلكەن قوشەمەتپەن قابىلدادى. «اقسەلەۋ وقۋلارىنىڭ» العاشقى كۇنى مەم­لەكەتتىك سىيلىقتىڭ لاۋرەاتى, جازۋشى ق.سالعارا ۇلى مەن تاريح عىلىمدارىنىڭ دوكتورى, پروفەسسور ج.ارتىقباەۆ ۇستاز­دار, ماگيسترانتتار جانە ستۋدەنتتەر الدىن­دا «ا.سەي­دىمبەك – ەتنوگراف-عالىم» دەگەن تاقى­رىپتا ءدارىس وقىدى. ال ەكىنشى كۇنى پارلامەنت ءماجىلىسىنىڭ دەپۋتاتى, مەملەكەتتىك سىيلىقتىڭ لاۋرەا­تى بەكبولات تىلەۋحان «ا.سەيدىمبەك – ءون­ەر­تانۋشى» اتتى سازدى كەش وتكىزىپ, الاش اق­سەلەۋىنىڭ قازاق ونەرى مەن مادەنيەتىنە قوسقان ولشەۋسىز ۇلەسى تۋرالى كەڭىنەن اڭگىمە ءوربىتتى. اتادان بالاعا ميراس بولىپ كەلە جاتقان قاسيەتتى قارا شاناق دومبى­رامەن كۇمبىرلەتە كۇي توگىپ, اقاڭ اندەرىن اۋەلەتتى. ءۇشىنشى كۇنى جازۋشى-عالىمنىڭ ۇزەڭگى­لەس دوستارى بەكسۇلتان نۇرجەكە ۇلى, كادىر­بەك سە­گىزباي ۇلى جانە قۋانىشباي قۇرمان­عا­لي ۇلى «اقسەلەۋ وقۋلارىنا» قاتىسۋ ءۇشىن الماتى قا­لاسىنان ات تەرلەتىپ, استاناعا ارنايى كەلدى. قازاق قالامگەرلەرىنىڭ «اق­سەلەۋ – جۋرناليست, جازۋشى, اۋدارماشى» دەگەن تاقىرىپتاعى ءدا­رىس­تەرى مەن ايتقان ەستەلىكتەرىن جينالعان قاۋ­ىم ۇيىپ تىڭدادى. گۇلجازيرا ەرتاسوۆا,  ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ اعا وقىتۋشىسى.