استانا. 5 ناۋرىز. بۇگىن بەلگراد قالاسىندا تەننيستەن دەۆيس كۋبوگىنىڭ 1/8 فينالى شەڭبەرىندە قازاقستان مەن سەربيا تەننيسشىلەرى جۇپتىق سايىستا سىنعا ءتۇستى. بۇل تۋرالى egemen.kz ءتىلشىسى حابارلادى.
اتالعان ماتچتا كورت يەلەرى ساپىنان الەمنىڭ ءنومىرى ءبىرىنشى راكەتكاسى نوۆاك دجوكوۆيچ پەن نەناد زيمونيچ شىقسا, قازاقستان قۇراماسىنىڭ كاپيتانى دياس دوسقاراەۆ اندرەي گولۋبەۆ پەن الەكساندر نەدوۆەسوۆكە سەنىم ارتتى. تارتىستى ويىن ناتيجەسىندە ءبىزدىڭ جىگىتتەر قارسىلاستارىن 6:3, 7:6, 7:5 ەسەبىمەن جەڭدى. وسىلايشا, قازاقستان ەكى كۇننىڭ قورىتىندىسى بويىنشا كوماندالىق ەسەپتە 2:1 ەسەبىمەن العا شىقتى.
ايتا كەتەيىك, كەشە بولعان جەكەلەي سايىستا الدىمەن, كورتقا دجوكوۆيچ پەن نەدوۆەسوۆ شىققان ەدى. ول ويىندا سەرب تەننيسشىسى جەڭدى. ال ەكىنشى كەزدەسۋدە قازاقستاندىق ميحايل كۋكۋشكين ۆيكتور ترويتسكيدەن باسىم ءتۇسىپ, كوماندالىق ەسەپتە تارازى باسىن تەڭەستىردى.
ەندى ەرتەڭ قوس قۇراما تاعى دا جەكەلەي سايىستاردا شەبەرلىك بايقاسادى.
ەلامان قوڭىر.
دەرەك: egemen.kz.
سۋرەت: daviscup.com.
