استانا. 5 ناۋرىز. قورعانىس ءمينيسترىنىڭ ورىنباسارلارى حالىقارالىق 8 ناۋرىز ايەلدەر كۇنىنە وراي اسكەري قىز-كەلىنشەكتەرى ءۇشىن كونتسەرت ۇيىمداستىردى. بۇل تۋرالى egemen.kz ءتىلشىسى حابارلادى.
«21 عاسىردا ايەل اسكەري قىزمەتشى نەمەسە سارباز ايەلدىڭ بولۋى ەشكىمدى تاڭعالدىرمايدى. ەلباسى – جوعارى باس قولباسشىنىڭ سوزىمەن ايتساق, «بۇگىندە ەر-ازاماتتار سياقتى ايەلدەر دە پوگون تاعۋعا تەڭ قۇقىلى», دەپ قورعانىس ءمينيسترى يمانعالي تاسماعامبەتوۆ اسكەري قىز-كەلىنشەكتەرگە جىلى لەبىزىن ءبىلدىردى.
مەرەكەلىك كونتسەرت ايەل اسكەري قىزمەتشىلەردى شاتتىققا بولەپ, كوڭىلىن ءبىر كوتەرىپ تاستادى. بىردە-ءبىر كورەرمەن بۇل مەرەكەدە نازاردان تىس قالمادى. ولارعا گۇل شوقتارى تارتۋ ەتىلىپ, اياۋلى ارۋلارعا ارناپ ارنايى شىعارىلعان ءان ورىندالدى, ال جاسۇلاندىقتار قىز-كەلىنشەكتەردى بيگە شاقىردى.
الايدا, كونتسەرتتىڭ ەڭ باستى توسىنسىيى قورعانىس ءمينيسترى ورىنباسارلارىنىڭ كورسەتكەن ونەرلەرى بولدى. گەنەرال-لەيتەنانت وقاس ساپاروۆ پەن نۇرلان ساۋرانباەۆ ليريكالىق اندەر ورىنداسا, گەنەرال-مايور تالعات مۇحتاروۆ ساحنادا تەاترلاندىرىلعان قويىلىم كورسەتىپ, بارلىق زالدى ءتانتى ەتتى.
داستان كەنجالين.
دەرەك, سۋرەت: egemen.kz
