الاياقتارعا الدانعاندارعا اراشا كەرەك

دەپۋتات دابىلى

وسى جىلدىڭ قاراشا ايىندا «نۇر وتان» حدپ ماڭعىستاۋ وبلىستىق في­لي­الىندا قوعامدىق قابىلداۋ وتكىزۋ كەزىن­دە ماعان كەلگەن اقتاۋ قالا­سى­نىڭ تۇر­عى­نى م.ك.ماحانوۆانىڭ ارى­زى تومەن­دەگى جايتكە نازار اۋدارتۋعا نەگىز بولىپ وتىر. 2009 جىلدىڭ ناۋرىز ايىندا م.ك.ما­حانوۆا وزىنە جانە وتباسىنىڭ تاعى ەكى ءمۇ­شەسىنە (اكەسىنە جانە اپاسىنا) «Kaspi ۆank» اكتسيونەرلىك قوعامىنىڭ اقتاۋ فيليالىنىڭ قىزمەتكەرلەرى تاراپىنان وزدەرىنىڭ سىرتى­نان جالپى سوماسى 3 ملن. تەڭگە كولەمىندە نە­سيە الۋ جونىندەگى زاڭسىز شارت جاسال­عا­نىن انىقتايدى. بۇل فاكت جونىندە م.ك.ما­حانوۆا ءتيىستى ورگان­دارعا ارىزدانىپ, ونىڭ ارىزى بويىنشا ماڭعىستاۋ وبلىسى بوي­ىن­شا ەكونو­مي­كا­لىق جانە سىبايلاس جەم­قور­لىق قىل­مىس­قا قارسى كۇرەس جونىندەگى دەپارتامەنتى (قارجى پوليتسياسى) تەرگەۋ ءجۇر­گىزىپ, ونىڭ با­رىسىندا بانك قىزمەتكەرلەرى تاراپى­نان وسىنداي الاياقتىق جولمەن 40-قا جۋىق ادام ۇستىنەن جالعان نەسيەلىك شارت جاسالىپ, قارجى الىنعانىن انىقتايدى. جاسالعان قولجازبا ساراپتاماسى (پوچەركوۆەدچەسكايا ەكسپەرتيزا) ناتيجەسىندە م.ك.ما­حانوۆا مەن ونىڭ وتباسى مۇشە­لەرى اتىنان قۇجاتتاردا قويىلعان قول ولاردىڭ قولى ەمەستىگى دە بەلگىلى بولادى. الاياقتىقپەن ولاردىڭ ۇستىنەن نەسيە العان «Kaspi ۆank» اق اف «حارد كوللەكشەن» ءبولىمىنىڭ باس مامانى ن.­و.اب­­دوللاەۆانىڭ ۇستىنەن 25.05.2009 ج. جانە 10.06.2009 ج. قازاقستان رەسپۋبليكاسى قىل­مىستىق كودەكسىنىڭ 177-بابى 3-ءبو­لى­گى­نىڭ ب) تارماقشاسى بويىنشا قىل­مىس­تىق ءىس قوز­عالعان. 29.07.2009 ج. ن.و.اب­دوللاەۆا قىل­مىستىق كودەكستىڭ اتالعان بابى بويىنشا «ءىرى مولشەردە جاساعان الاياقتىعى» ءۇشىن ايىپتالعان جانە اقتاۋ قالالىق سوتى سۋدياسىنىڭ سانكتسياسى بويىنشا «قاماۋ» تۇرىندەگى بۇلتارتپاۋ شاراسى الىنعان. الايدا, بەلگىسىز سەبەپتەرمەن ن.­و.اب­­دوللاەۆانىڭ قاشىپ كەتۋىنە بايلانىستى بۇگىنگى تاڭدا وعان ىزدەۋ سالىنىپ, قازاق­ستان رەس­پۋبليكاسى قىلمىستىق ءىس ءجۇر­گى­زۋ كو­دەكسى­نىڭ 50-بابى 1-ءبولىمىنىڭ 2-تار­ما­عى بوي­ىنشا قىلمىستىق ءىس جۇرگىزۋ توقتاتىلعان. ال, الاياقتىقتان زارداپ شەككەن م.ك.ما­حانوۆانىڭ جانە ونىڭ وتباسىنىڭ مۇشە­لەرىنە نەسيە الۋ ءۇشىن جاسالعان زاڭسىز شارت­تاردىڭ كۇشى ءالى كۇنگە دەيىن جويىل­ماعان. شارت بويىنشا كورسەتىلگەن نەسيە سوماسىنا ايىپ­پۇل ەسەپتەلۋدە كورىنەدى جانە بانك قىزمەت­كەرلەرى اي سايىن نەسيەنى تولەۋ جونىندەگى ەسكەرتپەلەر مەن حاتتارىن زارداپ شەككەن ازامات­تارعا جولداۋىن دوعارار ەمەس. ارىزدانۋشى وزدەرىنىڭ مورالدىق, ماتەريالدىق زارداپ شەگىپ, كۇندىز كۇلكى, تۇندە ۇيقىسىنان ايىرىلعانىن ايتىپ, وسى زاڭسىز نەسيەلەردى وزدەرىنىڭ موي­نى­نان الىپ تاستاۋدى سۇرايدى. ەلىمىزدىڭ باس پروكۋراتۋراسى وسىنداي زارداپ شەگۋشىلەردىڭ سانىنىڭ كوپ بو­لۋى­نا بايلانىستى قازاقستان رەسپۋب­لي­كا­سى زاڭ­ناماسى اياسىندا وسى ماسەلەمەن اينا­لى­ساتىن ءتيىستى مەملەكەتتىك ورگانداردىڭ جۇمىسىنا قاداعالاۋ جاساپ, پروكۋرورلىق تەكسەرۋ جۇرگىزىپ, ادىلدىكتىڭ ورناۋىنا ىقپال ەتسە, نۇر ۇستىنە نۇر بولار ەدى. گۇلنار سەيىتماعانبەتوۆا, ءماجىلىس دەپۋتاتى.