الەم-جالەم الەم
لاتىن امەريكاسىنداعى بۇل ەلدەگى مار-دە-احو اتتى كۋرورتتى مەكەندە ءتاۋراتتا ايتىلاتىن «قوڭىزداردىڭ كەڭ اۋقىمداعى شابۋىلى» باستالىپ كەتكەن.
The Daily Mirror گازەتىنىڭ جازۋىنشا, جاعاجايلارعا تارپا باس سالعان جاندىكتەردىڭ سانى الدەنەشە مىڭنان اسادى. مۇنى ماماندار قازىر ءارتۇرلى قابىلداپ, باعالاپ جاتىر. سونىڭ ىشىندە اقىرزاماننىڭ كەلىپ قالعانىن ايتىپ, جۇرتتىڭ ۇرەيىن ۇشىرىپ جاتقاندار دا بار. تاعى بىرەۋلەر قوڭىزداردىڭ جەر سىلكىنىسىنەن قاشىپ كەلگەندەرىن العا تارتادى. ال ەندىگى ءبىر پىسىق بىرەۋلەر جاندىكتەردى توپتاپ جيناپ الىپ, ونلاين ساۋداسىن قىزدىرىپ جاتقانعا ۇقسايدى. ولاردىڭ ايتۋلارىنشا, مۇنى جەگەندەر راك, دەمىكپە جانە سۋسامىر سەكىلدى كەسەلدەردەن قۇلان-تازا ايىعىپ كەتەدى-ءمىس.
گوللانديا گۇل وسىرۋشىلەرىنىڭ باستى مەرەكەسى
الداعى 8 ناۋرىزدى الەم ايەلدەرى عانا ەمەس, سونىمەن قاتار نيدەرلاند ەلىنىڭ گۇل وسىرۋشىلەرى دە وزدەرىنىڭ جىل ىشىندەگى ەڭ باستى مەرەكەسى سانايدى.
مۇنىڭ سەبەبى دە تۇسىنىكتى. وسى مەرەكە قارساڭىندا جانە سول كۇنى جۇرتشىلىق تاراپىنان ولار وسىرگەن القىزىل قىزعالداقتارعا دەگەن سۇرانىس بىرنەشە ءجۇز ەسەلەپ ارتادى. ماسەلەن, ەلدەگى اتاقتى ناالدۆيك اۋكتسيونانىندا جاي ۋاقىتتا ايىنا 20 ملن. ەۋرونىڭ گۇلدەرى ساتىلاتىن بولسا, 8 ناۋرىز كۇنى بۇل كورسەتكىش 60 ملن. ەۋروعا جەتەدى ەكەن. ال گۇلدەردى ەۋروپا مەن ازيانىڭ كوپتەگەن ەلدەرى توننالاپ الدىرادى.
30 مىڭ شاقىرىمدىق ساياحاتقا جاياۋ اتتاندى
بەلارۋستىڭ گرودنو قالاسىنىڭ تۇرعىنى سەرگەي موروز 4 جىلعا سوزىلاتىن, 30 مىڭ شاقىرىمدىق قاشىقتىقتى تۇزەتىن جاياۋ ساپار ءۇشىن جولعا شىعىپ كەتتى.
ناۋرىزدىڭ ءبىرىنشى كۇنى ساياحاتىن باستاپ كەتكەن جيھانكەز 48 ايدىڭ ىشىندە بەلارۋس, رەسەي, موڭعوليا, قازاقستان, وزبەكستان جانە قىرعىزستان مارشرۋتىمەن ءجۇرىپ, التى مەملەكەتتىڭ تەرريتورياسىنا ايالداۋدى جوسپارلاپ وتىر. تىلەۋلەستەرى ونى مينسكىدەگى وكتيابر الاڭىنان ارنايى شىعارىپ سالىپتى. وسى كەزگە دەيىن كۇنىنە 25 شاقىرىم قاشىقتىقتى باعىندىرىپ كەلەدى. بەلارۋس جىگىتى جاياۋ جۇرگىنشىلىگىنىڭ جۇرىمىندە, مۇمكىندىك بولىپ جاتسا, رامزان كادىروۆپەن ءبىر كەزدەسىپ قالۋدى ارماندايدى ەكەن.
ىلميگەن ينەلىك اتلانت مۇحيتىن كوكتەي ءوتتى
اتلانت مۇحيتىنىڭ ۇستىنەن توقتاماستان كوكتەي ۇشىپ وتكەن قۇيتتاي ينەلىك ءوزى تەكتەستەر اراسىندا ۇزاق قاشىقتىققا ۇشۋدان رەكورد جاڭارتتى.
ينەلىكتىڭ Pantala flavescens دەپ اتالاتىن تۇرىنە جاتاتىن قاناتتى جاندىكتىڭ بۇل جولعى ساپارىن رۋتگەر ۋنيۆەرسيتەتىنىڭ ماماندارى ارنايى باقىلاۋعا العان. جالپى, ينەلىكتىڭ اتالعان ءتۇرى جەتى مىڭنان استام شاقىرىمعا ۇشىپ بارا الاتىن كورىنەدى. بۇل جاعىنان ول 5800 شاقىرىمعا جۋىق قاشىقتىقتى قۇرايتىن نيۋ-يورك پەن ءپاريجدىڭ اراسىن جالعىز ۇشىپ وتكەن امەريكالىق ۇشقىش چارلز ليندبەرگتىڭ رەكوردىنان دا كوپ اسىپ كەتىپ تۇر.
ياگر ۇحل-دا جيناعان ۇپايى جاعىنان گوردي حوۋمەن تەڭەستى
ۇلتتىق حوككەي ليگاسىندا ونەر كورسەتەتىن «فلوريدا پانتەرس» كومانداسىنىڭ شابۋىلشىسى يارومير ياگر «كولورادو ەۆەلانشپەن» كەزدەسۋدە ءبىر ءساتتى پاس بەرىپ, 1850 ۇپاي جينادى.
44 جاستاعى چەح حوككەيشىسى وسىلايشا ليگاداعى ماتچتارىندا جيناعان ۇپايلارى جاعىنان اتاقتى كانادالىق گوردي حوۋمەن تەڭەستى. ءسويتىپ, ليگانىڭ بارلىق ۋاقىتتاردان بەرگى ۇزدىك شابۋىلشىلار تىزىمىندە ونىمەن بىرگە ءۇشىنشى ورىندى ءبولىستى. ال ءبىرىنشى-ەكىنشى ورىنداردا ۋەين گرەتتسكي (2857) جانە مارك مەسسە (1887) ەسىمدى ەكى كانادالىق حوككەيشى تۇر.
ەرجۇرەك جىگىتتەر ەڭ جىرتقىش اكۋلالارمەن سۋ استىندا كەزدەستى
اقش-تىڭ GoPro كومپانياسى كورەرمەندەر ءۇشىن شوۋدىڭ ءبىر ءتۇرى – ەرجۇرەك جىگىتتەردىڭ سۋ استىندا بالعاباستى اكۋلالارمەن كەزدەسۋىن تىكەلەي جازبا ارقىلى كورسەتۋدى قولعا الدى.
مۇنداي تاۋەكەلگە بارعان ەكى سپورتشى – دجەب كورليسس پەن روبەرتو مانچينو باگام ارالدارى شوعىرىنا جاتاتىن بيميني ارالىنىڭ تۇبىندە وسى جوبانى جۇزەگە اسىردى. ولار اكۋلانىڭ اتالعان ءتۇرى قاپتاپ جۇرەتىن مۇيىستە ءتۇسىرىلىم جاساتقان. بىراق بۇلارعا جاقىن كەلگەن مۇحيت جىرتقىشتارى تيىسە قويماعان. نەگىزىندە بالعاباستى اكۋلالار ادام ءۇشىن ەڭ قاۋىپتىلەردىڭ بىرىنەن سانالادى.
امەريكالىق فۋتبولشى قىز ءوز ميىن امانات ەتتى
امەريكالىق فۋتبولشى قىز, وليمپيالىق ويىنداردىڭ جەڭىمپازى جانە الەمنىڭ ەكى دۇركىن چەمپيونى برەندي چەستەين جاقىندا وسيەت جازىپ, ءوزىنىڭ ميىن زەرتتەۋشىلەرگە امانات ەتىپ قالدىردى.
جازىلعان وسيەتكە ساي, فۋتبولشى قايتىس بولعاننان كەيىن ونىڭ ورگاندارى بوستون ۋنيۆەرسيتەتىنە تاپسىرىلادى. ال ونداعى وقىمىستىلار قىزدىڭ باسىنا ۇدايى دوپ تيە بەرگەننەن ميى قانشالىقتى قوزعالىسقا تۇسكەنىن, ونىڭ دەنساۋلىققا قانشالىقتى اسەرى بولعانىن انىقتايدى. وسى ماتەريالدىڭ كومەگىمەن دارىگەرلەر مۇنداي جاراقاتتاردان قالاي ەمدەلۋگە بولاتىنىن ىزدەستىرەدى.
اقپارات اگەنتتىكتەرىنىڭ ماتەريالدارى
نەگىزىندە دايىندالدى.
گوللانديا گۇل وسىرۋشىلەرىنىڭ باستى مەرەكەسى
الداعى 8 ناۋرىزدى الەم ايەلدەرى عانا ەمەس, سونىمەن قاتار نيدەرلاند ەلىنىڭ گۇل وسىرۋشىلەرى دە وزدەرىنىڭ جىل ىشىندەگى ەڭ باستى مەرەكەسى سانايدى.
مۇنىڭ سەبەبى دە تۇسىنىكتى. وسى مەرەكە قارساڭىندا جانە سول كۇنى جۇرتشىلىق تاراپىنان ولار وسىرگەن القىزىل قىزعالداقتارعا دەگەن سۇرانىس بىرنەشە ءجۇز ەسەلەپ ارتادى. ماسەلەن, ەلدەگى اتاقتى ناالدۆيك اۋكتسيونانىندا جاي ۋاقىتتا ايىنا 20 ملن. ەۋرونىڭ گۇلدەرى ساتىلاتىن بولسا, 8 ناۋرىز كۇنى بۇل كورسەتكىش 60 ملن. ەۋروعا جەتەدى ەكەن. ال گۇلدەردى ەۋروپا مەن ازيانىڭ كوپتەگەن ەلدەرى توننالاپ الدىرادى.
30 مىڭ شاقىرىمدىق ساياحاتقا جاياۋ اتتاندى
بەلارۋستىڭ گرودنو قالاسىنىڭ تۇرعىنى سەرگەي موروز 4 جىلعا سوزىلاتىن, 30 مىڭ شاقىرىمدىق قاشىقتىقتى تۇزەتىن جاياۋ ساپار ءۇشىن جولعا شىعىپ كەتتى.
ناۋرىزدىڭ ءبىرىنشى كۇنى ساياحاتىن باستاپ كەتكەن جيھانكەز 48 ايدىڭ ىشىندە بەلارۋس, رەسەي, موڭعوليا, قازاقستان, وزبەكستان جانە قىرعىزستان مارشرۋتىمەن ءجۇرىپ, التى مەملەكەتتىڭ تەرريتورياسىنا ايالداۋدى جوسپارلاپ وتىر. تىلەۋلەستەرى ونى مينسكىدەگى وكتيابر الاڭىنان ارنايى شىعارىپ سالىپتى. وسى كەزگە دەيىن كۇنىنە 25 شاقىرىم قاشىقتىقتى باعىندىرىپ كەلەدى. بەلارۋس جىگىتى جاياۋ جۇرگىنشىلىگىنىڭ جۇرىمىندە, مۇمكىندىك بولىپ جاتسا, رامزان كادىروۆپەن ءبىر كەزدەسىپ قالۋدى ارماندايدى ەكەن.
ىلميگەن ينەلىك اتلانت مۇحيتىن كوكتەي ءوتتى
اتلانت مۇحيتىنىڭ ۇستىنەن توقتاماستان كوكتەي ۇشىپ وتكەن قۇيتتاي ينەلىك ءوزى تەكتەستەر اراسىندا ۇزاق قاشىقتىققا ۇشۋدان رەكورد جاڭارتتى.
ينەلىكتىڭ Pantala flavescens دەپ اتالاتىن تۇرىنە جاتاتىن قاناتتى جاندىكتىڭ بۇل جولعى ساپارىن رۋتگەر ۋنيۆەرسيتەتىنىڭ ماماندارى ارنايى باقىلاۋعا العان. جالپى, ينەلىكتىڭ اتالعان ءتۇرى جەتى مىڭنان استام شاقىرىمعا ۇشىپ بارا الاتىن كورىنەدى. بۇل جاعىنان ول 5800 شاقىرىمعا جۋىق قاشىقتىقتى قۇرايتىن نيۋ-يورك پەن ءپاريجدىڭ اراسىن جالعىز ۇشىپ وتكەن امەريكالىق ۇشقىش چارلز ليندبەرگتىڭ رەكوردىنان دا كوپ اسىپ كەتىپ تۇر.
ياگر ۇحل-دا جيناعان ۇپايى جاعىنان گوردي حوۋمەن تەڭەستى
ۇلتتىق حوككەي ليگاسىندا ونەر كورسەتەتىن «فلوريدا پانتەرس» كومانداسىنىڭ شابۋىلشىسى يارومير ياگر «كولورادو ەۆەلانشپەن» كەزدەسۋدە ءبىر ءساتتى پاس بەرىپ, 1850 ۇپاي جينادى.
44 جاستاعى چەح حوككەيشىسى وسىلايشا ليگاداعى ماتچتارىندا جيناعان ۇپايلارى جاعىنان اتاقتى كانادالىق گوردي حوۋمەن تەڭەستى. ءسويتىپ, ليگانىڭ بارلىق ۋاقىتتاردان بەرگى ۇزدىك شابۋىلشىلار تىزىمىندە ونىمەن بىرگە ءۇشىنشى ورىندى ءبولىستى. ال ءبىرىنشى-ەكىنشى ورىنداردا ۋەين گرەتتسكي (2857) جانە مارك مەسسە (1887) ەسىمدى ەكى كانادالىق حوككەيشى تۇر.
ەرجۇرەك جىگىتتەر ەڭ جىرتقىش اكۋلالارمەن سۋ استىندا كەزدەستى
اقش-تىڭ GoPro كومپانياسى كورەرمەندەر ءۇشىن شوۋدىڭ ءبىر ءتۇرى – ەرجۇرەك جىگىتتەردىڭ سۋ استىندا بالعاباستى اكۋلالارمەن كەزدەسۋىن تىكەلەي جازبا ارقىلى كورسەتۋدى قولعا الدى.
مۇنداي تاۋەكەلگە بارعان ەكى سپورتشى – دجەب كورليسس پەن روبەرتو مانچينو باگام ارالدارى شوعىرىنا جاتاتىن بيميني ارالىنىڭ تۇبىندە وسى جوبانى جۇزەگە اسىردى. ولار اكۋلانىڭ اتالعان ءتۇرى قاپتاپ جۇرەتىن مۇيىستە ءتۇسىرىلىم جاساتقان. بىراق بۇلارعا جاقىن كەلگەن مۇحيت جىرتقىشتارى تيىسە قويماعان. نەگىزىندە بالعاباستى اكۋلالار ادام ءۇشىن ەڭ قاۋىپتىلەردىڭ بىرىنەن سانالادى.
امەريكالىق فۋتبولشى قىز ءوز ميىن امانات ەتتى
امەريكالىق فۋتبولشى قىز, وليمپيالىق ويىنداردىڭ جەڭىمپازى جانە الەمنىڭ ەكى دۇركىن چەمپيونى برەندي چەستەين جاقىندا وسيەت جازىپ, ءوزىنىڭ ميىن زەرتتەۋشىلەرگە امانات ەتىپ قالدىردى.
جازىلعان وسيەتكە ساي, فۋتبولشى قايتىس بولعاننان كەيىن ونىڭ ورگاندارى بوستون ۋنيۆەرسيتەتىنە تاپسىرىلادى. ال ونداعى وقىمىستىلار قىزدىڭ باسىنا ۇدايى دوپ تيە بەرگەننەن ميى قانشالىقتى قوزعالىسقا تۇسكەنىن, ونىڭ دەنساۋلىققا قانشالىقتى اسەرى بولعانىن انىقتايدى. وسى ماتەريالدىڭ كومەگىمەن دارىگەرلەر مۇنداي جاراقاتتاردان قالاي ەمدەلۋگە بولاتىنىن ىزدەستىرەدى.
اقپارات اگەنتتىكتەرىنىڭ ماتەريالدارى
نەگىزىندە دايىندالدى.
