ءوزى تۋرالى دەرەكتەردى تەكسەرە الادى

4 ناۋرىزدان باستاپ سايلاۋشىلار تىزىمدەرى تانىسۋ ءۇشىن ۋچاسكەلىك سايلاۋ كوميسسيالارىنىڭ ءۇي-جايلارىندا ۇسىنىلادى. ورتالىق سايلاۋ كوميسسياسىنىڭ كەشە وتكەن وتىرىسىندا وسك مۇشەسى ءلاززات سۇلەيمەن وسى ماسەلەگە توقتالدى. ونىڭ ايتۋىنشا, ناۋرىزدان باستاپ سايلاۋشىلار تىزىمدەرى تانىسۋ ءۇشىن ۋچاسكەلىك سايلاۋ كوميسسيالارىنىڭ ءۇي-جايلارىندا ۇسىنىلادى, ودان ءاربىر سايلاۋشى داۋىس بەرۋ كۇنىنە دەيىن جانە سايلاۋ كۇنى ءوزى تۋرالى دەرەكتەردى تەكسەرە الادى. ول ءۇشىن ۋچاسكەلىك سايلاۋ كوميسسياسىنا جەكە باسىن كۋالاندىراتىن, سونداي-اق, تۇرعىلىقتى جەرى بويىنشا تىركەلگەنىن راستايتىن (مەكەنجاي انىقتاماسى) قۇجاتتارمەن كەلىپ, سايلاۋشىلار تىزىمىمەن مۇقيات تانىسۋى قاجەت. «سايلاۋشىنىڭ تەگى تىزىمدە بولماعان نەمەسە ول ءوزى تۋرالى دەرەكتەردە دالسىزدىكتەردى انىقتاعان جاعدايدا, سايلاۋشى اتالعان قۇجاتتاردىڭ نەگىزىندە تىزىمگە ەنگىزۋدى نەمەسە قاجەتتى تۇزەتۋلەردى ەنگىزۋدى تالاپ ەتە الادى, – دەدى ل.سۇلەيمەن. – سايلاۋشىلار تىزىمدەرىنە ەنگىزۋ, ولاردان شىعارۋ نە سايلاۋشىلار تىزىمدەرىندە تۇزەتۋلەر جاساۋ قاجەتتiگi تۋرالى ارىزداردى ۋچاسكەلىك سايلاۋ كوميسسياسى سايلاۋ كوميسسياسىنا ارىز كەلiپ تۇسكەن كۇنi قارايدى. ارىز ماقۇلدانباعان جاعدايدا سايلاۋ كوميسسياسى ارىزدانۋشىعا ونىڭ ارىزىنىڭ ماقۇلدانباعانى تۋرالى دالەلدi شەشiمنiڭ كوشiرمەسiن كەشiكتiرمەي بەرەدi. بۇل شەشىمگە سايلاۋشى سوتتا شاعىمدانا الادى». سونىمەن قاتار, وسك مۇشەسى ەسەپتەن شىعارۋ كۋالىگىنە قاتىستى ماسەلەگە دە توقتالدى. ل.سۇلەيمەننىڭ اتاپ وتۋىنشە, قازاقستان رەسپۋب­ليكاسىنىڭ اۋماعىندا ءوزى تۇراتىن ەلدى مەكەننەن تىسقارى شىققان جاعدايدا, داۋىس بەرۋ قۇقىعىن بەرەتىن ەسەپتەن شىعارۋ كۋالىگى ساي­لاۋشىعا داۋىس بەرۋ مۇمكىندىگىن بەرەدى. ول سايلاۋشىعا نە ونىڭ وكىلىنە سەنىمحات بويىنشا جازباشا ءوتىنىش نەگىزىندە 4 ناۋرىزدان باس­تاپ 19 ناۋرىز كۇنگى ساعات 18.00-گە دەيىنگى كەزەڭدە بەرىلەدى. ەسەپتەن شىعارۋ كۋالىگىن ۋچاسكەلىك سايلاۋ كوميسسياسىنىڭ توراعاسى نەمەسە مۇشەسى سايلاۋشىنىڭ تىلەگى بويىنشا مەملەكەتتىك تىلدە نەمەسە ورىس تىلىندە تولتىرادى. «بۇل رەتتە ۋچاسكەلىك سايلاۋ كو­­ميس­­سياسىنىڭ ەسەپتەن شىعارۋ كۋالىگىن بەرگەن مۇشەسى سايلاۋشىلار تىزىمىندەگى ءوزىنىڭ تەگىنىڭ تۇسىندا «ەسكەرتۋ» دەگەن باعاندا ەسەپتەن شىعارۋ كۋالىگىنىڭ بەرىلگەنى جونىندە, ونىڭ بەس تاڭبالى سەريالى ءنومىرىن, بەرىلگەن كۇنىن جازباشا ەنگىزىپ, ءوزىنىڭ قولىن قويۋى ءتيىس, – دەپ جالعاستىردى ءسوزىن وسك مۇشەسى. – سايلاۋشىنىڭ ەسەپتەن شىعارۋ كۋالىگىن الۋعا ءوتى­نى­شى سايلاۋشىلار تىزىمىنە قوسا تىركەلەدى جانە سايلاۋشىنى اتالعان سايلاۋ ۋچاسكەسى بويىنشا تىزىمنەن شىعارۋ ءۇشىن نەگىز بولىپ تابىلادى. ەسەپتەن شىعارۋ كۋالىگى باسقا سايلاۋ وكرۋگىندە نەمەسە ءبىر ەلدى مەكەن شەگىندە باسقا سايلاۋ ۋچاسكەسىندە داۋىس بەرۋگە قاتىسقىسى كەلگەن ادامدارعا بەرىلمەيدى. جوعالعان ەسەپتەن شىعارۋ كۋالىكتەرى قايتا قالپىنا كەلتىرىلمەيدى جانە كوشىرمە نۇسقالارى بەرىلمەيدى». بۇدان سوڭ ل.سۇلەيمەن داۋىس بەرۋ كۇنى ەسەپتەن شىعارۋ كۋالىگىن ۇسىنعاندا ۋچاسكەلىك سايلاۋ كوميسسياسى ونى كەلگەن ورنى بويىنشا سايلاۋ ۋچاسكەسىندەگى سايلاۋ­شىلار تىزىمىنە ەنگىزەتىنىنەن حاباردار ەتتى. «وبلىستىق, قالالىق, اۋداندىق ءماسليحاتتارىنىڭ دەپۋتاتتارىن سايلاۋدا ەسەپتەن شىعارۋ كۋالىگىن باسقا سايلاۋ وكرۋگىنىڭ ۋچاسكەلىك سايلاۋ كوميسسياسى بەرگەن جاعدايدا, سايلاۋشى سايلاۋشىلار تىزىمىنە ەنگىزىلمەيدى, – دەدى ول وسى تۋرالى. – سونداي-اق, ەسەپتەن شىعارۋ كۋالىگىن ءبىر ەلدى مەكەن شەگىندەگى باسقا سايلاۋ ۋچاسكەسى بەرگەن جاع­دايدا, سايلاۋشى سايلاۋشىلار تىزىمىنە ەنگىزىلمەيدى. ال اۋداندىق, قالالىق, قالاداعى اۋداندىق سايلاۋ كوميسسيالارى ەسەپتەن شىعارۋ كۋالىكتەرىنىڭ پايدالانىلعانى تۋرالى ەسەپتەردى ءتيىستى وبلىستىق, استانا جانە الماتى قالالارىنىڭ سايلاۋ كوميسسيالارىنا پايدالانىلماعان ەسەپتەن شىعارۋ كۋالىكتەرىن جويۋ تۋرالى اكتىلەرىمەن قوسا بەرۋى ءتيىس». ءاليسۇلتان قۇلانباي, «ەگەمەن قازاقستان».