قىمىز قىستا دا ۇزىلمەيدى

بەلگىلى كاسىپكەر ناعاشىباي بارلىباەۆ جەتەكشىلىك ەتەتىن «ارقالىق» جشس قىمىز ءوندىرىسىن جولعا قويىپ, جۇرتشىلىقتى شيپالى سۋسىنمەن قىستا دا قامتاماسىز ەتىپ وتىر. بۇگىندە شارۋاشىلىقتىڭ ونىمدەرىن دۇكەن سورەلەرىنەن ءجيى كورۋگە بولادى.تاۋلىگىنە ءبىر مىڭ ليتر قىمىز دايىندايتىن زاۋىتتا «تەنتەك», «قىمىز», «قىزىلوي» سەكىلدى  بىرنەشە سۋسىن تۇرلەرى شىعارى­لادى. ءونىم وبلىسپەن قاتار, ەلىمىزدىڭ بىرنەشە وڭىرلە­رىنە دە جونەلتىلەدى. سەرىكتەستىك پەتروپاۆل قالاسىندا  جەرگىلىكتى سازبالشىقپەن جانە  قىمىزبەن ەمدەيتىن ساۋىق­تىرۋ ورتالىعىن سالۋدى اياقتاپ قالدى. ن.بارلىباەۆتىڭ باسشىلىعىنداعى شارۋاشىلىق  بىلتىر  رەسپۋبليكالىق «پارىز» بايقاۋىندا توپ جارعان بولاتىن. شاعىن كاسىپكەرلىك سۋبەكتىلەرى اراسىندا «ۇزدىك الەۋمەتتىك جۋاپكەرشىلىكتى كاسىپورىن» نوميناتسياسى بويىنشا   جەڭىمپاز اتانعان-دى. ءومىر ەسقالي. سولتۇستىك قازاقستان وبلىسى, مامليۋت اۋدانى.