وڭىردەگى تەڭدەسى جوق زاۋىت

جاڭا جىلدىڭ العاشقى كۇندەرىنەن باستاپ «ENKI» جاۋاپكەرشىلىگى شەكتەۋلى سەرىكتەستىگىنىڭ كەراميكالىق كىرپىش شىعاراتىن جاڭا زاۋىتى ءونىم بەرە باستادى. ول «قازاقستان رەسپۋبليكاسىنىڭ 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ» مەملەكەتتىك باعدارلاماسى شەڭبەرىندەگى اسا ءىرى جوبا سانالادى. ماڭىزدى نىساندى جەرگىلىكتى «ەلەۆاتورمەلمونتاج» جشس قۇرىلىسشىلارى دەر كەزىندە ءارى ساپالى اتقارىپ شىقتى. يسپانيانىڭ «Solinser» فير­ماسىنىڭ وزىق جەلىسى ور­نا­تىلعان زامانالىق زاۋىتتا ءارتۇرلى ءتۇس پەن پىشىندەگى قۇرىلىس ءونىمىنىڭ 30 ءتۇرى شى­عارىلۋدا. جۇمىس تۇگەل­دەي اۆتوماتتاندىرىلعان. ساپا تالاپتارى كومپيۋتەرمەن باقىلانادى. كىرپىش گازبەن كۇيدىرىلەتىندىكتەن, كوكشەنىڭ ەكو­لوگيالىق تازالىعىنا نۇق­سان كەلمەيتىنى اتاپ كورسە­تى­لۋدە. كاسىپورىن ديرەكتورى دانيلا گالامبەتس جوبانىڭ جالپى قۇنى 6 ميلليارد تەڭگەدەن اسىپ تۇسسە, قازاقستاندىق ۇلەس 2,9 ميلليارد تەڭگەنى قۇرايتىن­دى­عىن  ايتادى. كوپتەن كۇتكەن زاۋ­ىت­تا جاڭا 250 جۇمىس ورنى قۇرىلىپ وتىر. سونداي-اق, كا­سىپ­ورىن تولىق قۋاتىندا جۇمىس ىستەيتىن الداعى كەزدە كوكشەتاۋ قالاسىنىڭ بيۋدجەتىنە جىلىنا 400 ميلليون تەڭگە قارجى اۋدارىلادى دەپ جوسپارلانۋدا. تەحنولوگيالىق سىناقتان ويداعىداي وتكەن «ENKI» ءونىم­دەرى ىشكى قاجەتتىلىكپەن قاتار, ەكسپورتتىق باعدار ۇس­تا­نادى. قازىردىڭ وزىندە رە­سەيدىڭ سەگىز وبلىسى مەن التاي ولكەسىنە كوكشەتاۋ كىرپىش­تەرىن جونەلتۋ تۋرالى ءما­مىلە پىسىقتالۋدا. باقبەرگەن امالبەك. اقمولا وبلىسى.