«شەۆروننىڭ» شاكىرتاقىلارى

ق.ساتباەۆ اتىنداعى قازاق ۇلت­تىق تەحنيكالىق ۋنيۆەر­سي­تەتىنىڭ 60 ستۋدەنتىنە «شەۆرون» كومپا­نيا­­سى­نىڭ ار­ناۋلى ستي­پەندياسىن جەڭىپ ال­عانىن راس­تايتىن سەرتيفيكاتتار تاپ­سى­رىلدى. ياعني, «شەۆرون» كومپانيا­سى­نىڭ الەم ۋنيۆەرسيتەتتەرىمەن سەرىكتەستىك باعدارلاماسى ايا­سىندا قازۇتۋ-دىڭ ەڭ ۇزدىك ستۋدەنتتەرى تاڭ­دالىنىپ, ولار­دىڭ تەحنيكا­لىق مامان­دىقتار بويىنشا وقۋى­نا 21 جارتىلاي جانە 39 تو­لىق ستيپەنديا ءبو­لىندى. «بۇل باعدارلاما قازاق­ستاندا 2007 جىلدان بەرى ءجۇ­زەگە اسىپ كەلەدى. بۇل قازاق­ستان­داعى ەڭ ماڭىزدى ماسەلە­لەر­دىڭ ءبىرى بولىپ تابىلا­تىن, رەسپۋب­ليكا­نىڭ مۇناي جانە گاز سالا­سىن­داعى ينجەنەرلەردى كا­سى­بي دا­يىن­­داۋعا با­عىت­تالعان ءبىزدىڭ باس­تاما­­لارى­مىزدىڭ ءبىر بولىگى. وسى­لايشا ءبىزدىڭ «تەڭىز­شەۆ­رويل» بىرلەسكەن كاسىپورنى­مىزدا جەرگىلىكتى قىز­مەت­كەرلەر سانى جالپى قىزمەتكەرلەردىڭ 84 پا­يى­زىن قۇراي­دى جانە ءار دەڭ­گەيدەگى باسشىلىق قىز­مەت­تەردىڭ 77 پايىزىن قازاقستان­دىقتار اتقارادى. «شەۆ­رون­نىڭ» تاعى ءبىر كاسىپورنى – اتى­راۋ پولي­ەتيلەن قۇبىرلار زاۋى­تىندا تو­لىق­تاي قازاق­ستان ازاماتتارى جۇمىس ىستەيدى» دەدى – «شەۆرون» كومپانيا­سىنىڭ قازاقستان­داعى وكىلدىگىنىڭ باس­شىسى زاميرا قا­نا­پيانوۆا. كومپانيا الەمنىڭ 10 مەملەكەتىندەگى 16 ۇزدىك وقۋ ورىن­دارى­مەن تىعىز جۇمىس ىستەيدى. باع­دارلاما ايا­سىندا «شەۆرون» ۋنيۆەرسيتەتتەرگە جاڭا وقۋ باع­دارلا­مالارىن ەنگىزۋگە, ماتە­ريال­­دىق-تەحنيكالىق بازانى جاقسارتۋعا كومەكتەسەدى جانە ۇزدىك ستۋدەنتتەرگە گرانتتار مەن ستيپەنديالار بەرەدى. وسىلايشا, ستيپەنديالىق باع­­­دارلامانى جۇزەگە اسىرۋ بارى­سىندا «شەۆرون» قازۇتۋ ستۋدەنتتەرىنە 150 ستيپەنديا ءبولدى. ءبىلىم بەرۋ باعدارلامالارىن قول­داۋ جانە دامىتۋ «شەۆرون» كوم­پانياسىنىڭ الەۋمەتتىك سايا­سا­تى­­­نىڭ باستى باعىتى بولىپ تا­بىلادى. ءار جىلداردا كومپانيا قازاقستاننىڭ قمەبي, حا­لىق­ارالىق بيزنەس اكا­دەمياسى, قازاق باس ساۋلەت جانە قۇ­رىلىس اكا­دە­مياسى, قازاق مەملەكەتتىك باس­قارۋ اكادە­مياسى, قازاق حا­لىق­­ارالىق قاتى­ناستار جانە الەم ءتىل­دەرى ۋنيۆەرسيتەتى, قا­زاق-بري­تان تەحنيكا­لىق ۋنيۆەرسيتەتى, قازاق مەملەكەتتىك اگرو­تەحنيكا­لىق ۋنيۆەرسيتەتى, قازاق مەملەكەتتىك قىزدار پەدا­گوگي­كالىق ۋنيۆەرسيتەتى سياق­تى جو­عارى وقۋ ورىندارىنا قول­داۋ كور­سەتىپ كەلەدى. ايناش ەسالي. الماتى.