زاڭ نۇسقاسىندا جاقسىلىق كوپ

جاڭا جوبا جايىندا

پارلامەنت سەناتىندا پالاتا توراعاسىنىڭ ورىنباسارلارى مۇحامبەت كوپەەۆ پەن الەكساندر ءسۋديننىڭ قاتىسۋىمەن «عىلىم تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم ماسەلەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭ جوبالارىنىڭ تۇساۋكەسەرى بولدى. وتىرىستى اشقان الەۋمەتتىك-مادەني دامۋ كوميتەتىنىڭ ءتور­اعا­سى اقان بيجانوۆ ءتورتىنشى شا­قى­رىلعان پارلامەنتتىڭ ءىىى سەس­سيا­سىن اشقان كەزدە مەملەكەت باس­شىسى العا قويعان تاپسىر­ما­لار­دى جانە باسەكەگە قابىلەتتى ادام كاپيتالىن قالىپتاستىرۋ ءجونىن­دە­گى سترا­تە­گيالىق ماقساتتاردى جۇزەگە اسى­رۋعا قاتىستى زاڭ جو­بالارىنىڭ ماڭىزدىلىعىن اتاپ ءوتتى. جۇرتشىلىق كۇتىپ وتىرعان «عى­لىم تۋرالى» زاڭ جوباسىندا وتاندىق عىلىمدى دامىتۋدىڭ نەگىزگى ماسەلەلەرى جانە ەكونو­مي­كانىڭ يندۋستريالىق-يننوۆاتسيا­لىق سەكتورىندا عىلىمي جاڭا­لىق­تاردى ەنگىزۋ تەتىكتەرى بەلگىلەنگەن. سەناتور اتاپ وتكەندەي, زاڭ جو­با­سىندا جوعارى وقۋ ورىن­دا­رى مەن عىلىمي ورتالىقتاردا جۇرگىزىلگەن عىلىمي, عىلىمي-تەحنيكالىق زەرتتەۋلەر ناتيجەسىن ءىس جۇزىندە قولدانۋعا قاتىستى ۇي­ىمداردىڭ قۇرۋ قۇقىقتارى قا­راس­تىرىلعان. عىلىمي-تەحني­كا­لىق قىزمەتتى دامىتۋدىڭ باسىم باعىتتارىن بەلگىلەيتىن القالى ورگان رەتىندەگى ۇلتتىق عىلىمي كەڭەستەردىڭ ءرولى ارتا تۇسەدى. نەگىزگى بايانداما جاساعان ءبىلىم جانە عىلىم ءمينيسترى ب.جۇ­ما­عۇلوۆ وسى زاڭ جوبالارىندا بەكىتىلگەن عىلىمدى باسقارۋ جۇيەسىندەگى جاڭا ۇلگىنىڭ نەگىزگى ەرەكشەلىكتەرى تۋرالى اڭگىمەلەدى. ءمينيستردىڭ ايتۋىنشا, عالىم­دار­دىڭ ءرولى ارتا ءتۇسىپ, جوبالار مەن باعدارلامالاردى ورىنداۋ تۋ­رالى شەشىمدى عىلىمي قوعام­داس­تىقتىڭ وزدەرى قابىلدايتىن بولادى. بۇل ماقساتتا عىلىم سا­لا­سىن باسقارۋ جۇيەسىندەگى سترا­تەگيالىق, اكىمشىلىك جانە ساراپ­شىلىق قىزمەتتەردىڭ اراجىگىن اجىراتۋ قاراستىرىلىپ وتىر. قوسىمشا زاڭ جوباسىندا عى­لىمي قىزمەتتى جۇزەگە اسىراتىن, كىرىسى سالىق سالۋعا جاتپايتىن تۇل­عالار (عىلىمدار, عىلىمي ۇجىم, جوعارى وقۋ ورىندارى) اياسى كە­ڭە­يە تۇسەدى, سونداي-اق عىلىمي قىز­مەتكەرلەردى الەۋمەتتىك قولداۋ ەرەجەلەرى بەلگىلەندى. زەرتتەۋلەردى قارجىلاندىرۋ­دا­عى جاڭالىق: بازالىق, گرانتتى جانە ماقساتتى باعدارلامالىق جۇيە ەنگىزىلەتىن بولادى. ءسويتىپ, ستراتەگيالىق ماڭىزدى مەملەكەتتىك مىندەتتەردى شەشۋ ماقساتتى باعدارلامالىق قارجىلان­دىرۋ­مەن قولداۋ تابادى, گرانتتار عى­لىمي-زەرتتەۋلەردى دامىتۋعا جانە باسەكەگە قابىلەتتىلىگىن ارت­تى­رۋعا باعىتتالادى. وعان قوسا عىلىمي زەرتتەۋلەر «مەملەكەتتىك ساتىپ الۋ تۋرالى» زاڭ اياسىنان شىعارىلاتىن بولادى. تانىستىرىلىم بارىسىندا عىلىم سالاسىن باسقارۋدىڭ جاڭا جۇيەسىن قالىپتاستىرۋعا, قازاق­ستاندىق عىلىمنىڭ تيىمدىلىگىن ارتتىرۋعا, ونىڭ مەملەكەت پەن قوعامدى دامىتۋداعى ءرولىن نى­عايتۋعا قاتىستى دەپۋتاتتاردىڭ كوپتەگەن ساۋالدارىنا جاۋاپ بەرىلدى. «ەگەمەن-اقپارات».