بۇل نە قىلعان مارعاۋلىق؟

ماسساعان! قازاقستاننىڭ نامىسىن تابىستى قورعاپ جۇرگەن سپورتشىنىڭ نە باسپاناسى, نە قاراجاتى جوق «نۇر وتان» حدپ وبلىستىق فيليالىنىڭ قوعامدىق قابىل­داۋ­ىندا قوستاناي قالاسىنداعى №1 بالالار مەن جاسوسپىرىمدەر سپورت مەكتەبىنىڭ ديرەكتورى ۆ.كۋ­لي­كوۆتىڭ جانە «جاس وتان» جاستار قاناتى مۇشەلەرىنىڭ 1986 جىلى تۋعان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى زاليم كۋۆامباەۆ سياقتى ناق­تى بولاشاعى بار, جاس سپورتشى­لار­دى قولداۋ تۋرالى ءسوز قوزعالدى. ز.كۋۆامباەۆ وبلىستىق ورتالىقتان شالعاي ورنالاسقان قامىستى اۋدا­نىندا تۇرادى, قازاقستاننىڭ چەم­پيونى اتاعىن بەس رەت جەڭىپ العان, 2010 جىلى قازاقستاننىڭ رەكور­دىن جاڭارتقان جانە وسى جىلى ازيا چەمپيوناتىندا ءۇش رەت ازيا رەكوردىن جاڭارتىپ, ەرلەر ارا­سىن­داعى ازيا چەمپيونىندا جە­ڭىم­پاز اتانعان. ءبىز قازاقستاننىڭ ءانۇرانى ويناعاندا, ستاديون ۇستىندە تۋى­مىز جەلبىرەگەندە سپورتشىلارى­مىز­بەن ماقتانامىز. ال ز.كۋۆام­باەۆ­تىڭ ەڭبەكتەرى ءۇشىن ونى وسى ۋاقىتقا دەيىن ەشكىم ماراپات­تا­ماپتى, ءتىپتى وعان راحمەت ايتقان دا ادام جوق ەكەن. پاۋەرليفتينگ بوي­ىنشا ۇلتتىق  قۇرامانىڭ مۇشەسى بولا تۇرا, ول وبلىستىق جانە رەس­پۋبليكالىق بيۋدجەت قاراجاتتا­رى­نان ءتىپتى وقۋ-جاتتىعۋ وتكىزۋگە دە قارجىلاي نەمەسە ماتەريالدىق كومەك الماعان كورىنەدى. باسقا مەملەكەتتەردەن لەگيونەرلەردى, سپورتشىلاردى شاقىرا­مىز, بىراق نەگە ءوزىمىزدىڭ سپورت­شى­لارىمىزدى نازاردان تىس قالدى­رامىز. سپورتتىڭ جەكەلەگەن تۇرلە­رىنە ەرەكشە نازار اۋدارۋ كەزىندە پاۋەرليفتينگپەن اينالىساتىن زاليم كۋۆامباەۆ سياقتى ازياداعى ەڭ ۇزدىك سپورتشىلارىمىز نەلىكتەن نازاردان تىس قالىپ قويا بەرەدى؟ «دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 30-بابىنىڭ 1-تارما­عىن­دا: «دەنە شىنىقتىرۋ جانە سپورت جونىندەگى ۋاكىلەتتى ورگان, سپورت تۇرلەرى بويىنشا قوعامدىق بىرلەستىكتەر, جەرگىلىكتى اتقارۋشى ورگاندار ءارالۋان سپورت تۇرلەرى بوي­ىن­شا قازاقستان رەسپۋبليكاسىنىڭ قۇراما كوماندالارى قۇرامىنا كىر­گەن نەمەسە كىرەتىن «قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى» اتاعى بار اسا كورنەكتى سپورتشىلارعا... بيۋد­جەتتەر, سونداي-اق زاڭدا تىيىم سالىنباعان وزگە دە كوزدەر ەسەبىنەن اي سايىن اقشالاي قارجى تولەي الادى», – دەپ جازىلعان. ارينە, بۇل باپ ەشكىمدى ەش­نار­سەگە مىندەتتەمەيدى, مۇمكىن «تولەي الادى» دەگەن سوزدەردى «تولەيدى» دەگەن سوزبەن اۋىستىرۋ قاجەت بولار. بۇگىن ەلىمىزدىڭ جانە جەرگىلىكتى اتقارۋ ورگاندارى بيۋدجەتىنىڭ ءوز ەلىنىڭ نامىسىن قورعاۋشى پاتريوت بولىپ تابىلاتىن بىرنەشە سپورت­شى­عا جاعداي جاساۋعا مۇمكىندىگى بار. قازىرگى ۋاقىتتا قازاقستاننىڭ نامىسىن قورعاپ جۇرگەن سپورت­شى­نىڭ نە باسپاناسى, نە اقشالاي قاراجاتى جوق. سپورت سالاسىنىڭ شىڭىندا وتىرعان شەنەۋنىكتەر وسىنداي ماڭىزدى ماسەلەگە دەر كەزىندە نازار اۋدارىپ, ادال ەڭبەكتى ءوز دەڭگەيىندە باعالاي بىلۋلەرى اسا قاجەت-اق. جەرگىلىكتى بيلىك تە مۇنداي قادامنان تىس قالماسا, جەڭىستى جولدار جالعاساتىنى انىق. باعيلا بايماعامبەتوۆا, ءماجىلىس دەپۋتاتى.