ءبىلىم-عىلىم-ءوندىرىس ۇشتاعانى ۇيلەسكەندە

پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتى ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىندە «عىلىمنىڭ ەكونوميكا سالالارى مەن ينتەگراتسيا­لانۋى جانە كادر دايارلاۋ ۇدەرىستەرىندە جوعارى وقۋ ورىندارىنىڭ ءرولىن ارتتىرۋدى قازاقستان پرەزيدەنتىنىڭ جولداۋىن ىسكە اسىرۋ اياسىندا قۇقىقتىق قامتاماسىز ەتۋدى جەتىلدىرۋ شارالارى تۋرالى» تاقىرىبىنا ارنالعان كونفەرەنتسيا وتكىزدى. كونفەرەنتسيانى اشقان پارلامەنت سەناتىنىڭ سالالىق كوميتەتىنىڭ ءتور­اعاسى اقان بيجانوۆ ەلىمىزدە ىسكە اسىرىلاتىن زەرتتەۋلەرگە دە, حالىقارالىق اۋقىمدى عىلىمي-زەرتتەۋ جوبالارعا دا قازاقستاندىق عالىمداردىڭ تولىق ءارى ءتيىمدى قاتىسۋىن قامتاماسىز ەتۋ قاجەتتىگىن اتاپ ءوتتى. بۇل رەتتە عىلىمي زەرتتەۋلەردىڭ ناتيجەلەرىن ەنگىزۋ ءۇشىن تەحنولوگيالاردى كوممەرتسيالاندىرۋ تەتىكتەرى قولدانىلۋى ءتيىس. سول ءۇشىن زاڭناماعا ءبىلىم بەرۋ ماسەلەلەرىن جانە دەربەس ءبىلىم بەرۋ ۇيىمدارىنىڭ قىزمەتىن رەتتەيتىن تۇزەتۋلەر ەنگىزىلدى, «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى» زاڭ قابىلدانعانى ايتىلدى. كونفەرەنتسيادا نەگىزگى باياندامانى ءبىلىم جانە عىلىم ءمينيسترىنىڭ ورىنباسارى تاحير بالىقباەۆ جاسادى. ونىڭ ايتۋىنشا, ەلىمىزدىڭ يندۋستريالىق-يننوۆاتسيالىق دامۋ جاعدايىندا عىلىمنىڭ ەكونوميكا مەن ماماندار دايارلاۋ سالالارىن ىقپالداستىرۋ ۇدەرىستەرىندە جوعارى وقۋ ورىندارىنىڭ ءرولى ارتا تۇسەدى. مي­نيسترلىك بۇل سالادا قازاقستان رەس­پۋبليكاسىنىڭ 2016-2019 جىلدارعا ارنالعان ءبىلىم بەرۋ جانە عىلىمدى دامىتۋدىڭ مەملەكەتتىك باعدارلاماسى جوباسىنىڭ اياسىندا شارالاردىڭ تۇتاستاي كەشەنىن ازىرلەۋدە. ينجەنەر ماماندارىن دايارلاۋدىڭ ۇلتتىق جۇيەسىن جەتىلدىرۋ, ءبىلىم بەرۋ ۇدەرىستەرىنىڭ ساپاسىن ارتتىرۋ, وقۋ-وندىرىستىك ورتالىقتارى جۇمى­سىنىڭ تيىمدىلىگى مەن جوعارى وقۋ ورىن­دارىنىڭ عىلىمي جانە ءبىلىم بەرۋ قىزمەتىندە دە ىلگەرىلەۋ بار. كەم­شى­لىكتەر دە جوق ەمەس. بۇل تۋرالى ق.ي.ساتباەۆ اتىنداعى قازاق ۇلتتىق تەحني­كالىق زەرتتەۋ ۋنيۆەرسيتەتىنىڭ پرورەكتورى ن.قالاباەۆ, ءال-فارا­بي اتىنداعى قازاق ۇلتتىق ۋنيۆەرسي­تەتىنىڭ رەكتورى ع.مۇتانوۆ, ا.باي­تۇر­سىنوۆ اتىنداعى قوستاناي مەملە­كەت­تىك ۋنيۆەرسيتەتىنىڭ رەكتورى ق.ءۋا­ليەۆ, الماتى تەحنولوگيالىق ۋنيۆەر­سيتە­تىنىڭ رەكتورى ت.قۇلاجانوۆ جانە باسقالار كەڭىنەن باياندادى. كونفەرەنتسيادا ينجەنەر-تۇلەك­تەر­دىڭ ەڭبەك نارىعىنداعى باسەكەگە قابىلەتتىلىگى جانە ءوندىرىس پەن وقۋ مەكەمەلەرىنىڭ اراسىنداعى ارىپتەستىك قاتىناستارىن جاڭعىرتۋ تۋرالى «ال­ماتى اۋىر ماشينا جاساۋ زاۋىتى» اق باس ديرەكتورى ج.ەدىگەنوۆ قىزىقتى پىكىر ءبىلدىردى. كونفەرەنتسيانى سەنات كوميتەتىنىڭ توراعاسى ا.بيجانوۆ قورى­تىندىلاپ, باسقوسۋدا تالقىلانعان كوكەيكەستى ماسەلەلەر بويىنشا ءتيىستى ۇسىنىستار قابىلداندى. تالعات ءسۇيىنباي, «ەگەمەن قازاقستان». الماتى.