دەپۋتاتتاردىڭ ۇندەۋى

كەشە پارلامەنت سەناتى ەلىمىزدىڭ باستى زاڭ شىعارۋ ورگانى دەپۋتاتتارىنىڭ رەسپۋبليكالىق رەفەرەندۋمدا قازاقستان رەسپۋبليكاسىنىڭ تۇڭعىش پرەزيدەنتى – ۇلت كوشباسشىسى نۇرسۇلتان ءابىش ۇلى نازارباەۆتىڭ پرەزيدەنتتىك وكىلەتتىگىن رەسپۋبليكالىق رەفەرەندۋمدا ۇزارتۋ مۇمكىندىگىن قاراستىراتىن پرەزيدەنتتىڭ قر كونستيتۋتسياسىنا رەسپۋبليكالىق رەفەرەندۋم ماسەلەسى بويىنشا وزگەرىس ەنگىزۋ جونىندە رەفەرەندۋم تاعايىنداۋ تۋرالى ۇسىنىسىن قولدايتىن قاۋلى قابىلدادى. قاۋلى ارقىلى سونداي-اق پارلامەنتتىڭ قازاقستان رەسپۋبليكاسىنىڭ تۇڭعىش پرەزيدەنتى – ۇلت كوشباسشىسى ن.ءا.نازارباەۆقا جانە قازاقستان رەسپۋبليكاسىنىڭ كونستيتۋتسياسىنا ۇسىنىلعان وزگەرىستەرگە ۇندەۋ ءماتىنى ماقۇلداندى. ۇندەۋدە, اتاپ ايتقاندا, بىلاي دەلىنەدى: «قا­زاق­ستان رەسپۋبليكاسىنىڭ پارلامەنتى قا­زاقستان رەسپۋبليكاسى كونستيتۋتسياسى 54-بابى 2-تار­ماعى­نىڭ 3) تارماقشاسىن باسشىلىققا الا وتىرىپ, تاۋەلسىز مەملەكەتتىڭ نەگىزىن قالاۋشى جانە ونى قۇ­رۋ­شى رەتىندە سىزگە, قازاقستاندى ورناتۋ جانە نىعايتۋ ىسىنە ءول­شەۋ­سىز ۇلەس قوسۋشىعا, ءبىزدىڭ وتانىمىزدى پروگرەسس پەن وركەندەۋ جولىمەن سەنىمدى الىپ كەلە جاتقان قازاقستان رەسپۋبليكاسىنىڭ تۇڭعىش پرەزيدەنتى جانە ۇلت كوشباسشىسىنا رەفەرەندۋمعا مى­نا­داي ماسەلە شىعارۋ ارقىلى: «ءسىز قازاقستان رەس­پۋب­لي­كاسىنىڭ كونستيتۋتسياسىنا رەسپۋبليكالىق رەفەرەندۋمدا قازاقستان رەسپۋبليكاسىنىڭ تۇڭعىش پرە­زيدەنتى – ۇلت كوشباسشىسى نۇرسۇلتان ءابىش­ ۇلى نازارباەۆتىڭ پرەزيدەنتتىك وكىلەتتىگىن ۇزارتۋ ءمۇم­كىندىگىن قاراستىراتىن وزگەرىستەر ەنگىزۋ تۋرالى زاڭ قابىلدايسىز با؟» دەگەن رەسپۋبليكالىق رەفەرەندۋم تاعايىنداۋ تۋرالى باستامامەن شىعىپ وتىر. بىزدەر, قازاقستان رەسپۋبليكاسى پارلامەنتىنىڭ دەپۋتاتتارى, قازاقستاننىڭ بارلىق حالقى سەكىلدى ءبىزدىڭ ەلىمىزدىڭ تابىستى بولاشاعىن تەك سىزبەن جانە ءسىزدىڭ ەسىمىڭىزبەن بايلانىستىرادى, دەلىنگەن قۇجاتتا.