01 ناۋرىز، 2016

سالاماتتى ءومىر سالتاناتى

137 رەت كورسەتىلدى
كنپكسايلاۋالدى ۇگىت-ناسيحات شارالارىن وتكىزۋ شەڭ­بەرىنىڭ اياسىندا قازاقستاننىڭ كوممۋنيستىك حالىق پارتياسى (قكحپ) استانانىڭ ورتالىق ساياباعىندا جاس بەلسەندىلەردىڭ قاتىسۋىمەن «ءبىز سالاماتتى ءومىردى قالايمىز!» اتتى اكتسيا وتكىزدى. اكتسياعا جۇزشاقتى پارتيا بەل­سەندىسى قاتىسىپ، سپورتتىق گيمناس­تيكانىڭ جاتتىعۋلارىمەن توپ بولىپ اي­نالىستى. كوممۋنيستەردىڭ بۇل باس­تاماسى سول كۇنى ساياباققا جينال­عان كوپشىلىكتى قىزىقتىرىپ، مۋزى­كا­نىڭ ىرعاعىمەن جاسالىپ جاتقان گيم­ناس­تيكاعا قاتىسۋشىلار كوپ بولدى. ءاسى­رەسە، جاس كورەرمەندەرگە بۇل شارا قات­تى ۇناعانى كورىنىپ تۇردى. ۇيىم­داستى­رۋ­شىلاردان وزدەرىنە قىزىل ءتۇستى سپورت­تىق كوستيۋمدەر سۇراپ، جات­تىعۋ­لاردى بىرگە جاساۋعا قاتىسقىسى كەلگەن ۇلكەندەر دە بولدى. جاتتىعۋلار اياقتالعان سوڭ سول جەرگە جينالعان جۇرتشىلىققا قكحپ بەل­سەن­دىلەرى سالاماتتى ءومىر سالتىن ۇستانۋدىڭ ارتىقشىلىقتارى تۋرالى اڭگىمە وتكىزدى. ءاربىر ازامات سالاماتتى ءومىر سۇرۋگە تىرىسىپ، ءوز دەنساۋلىعىن قاداعالاپ وتىرسا، ءبىز دەنى ساۋ جاقسى قوعام بولار ەدىك. اتا-انالار بالالارىن وسى باعىتتا تاربيەلەۋدە بەلسەندىلىك كورسەتۋلەرى كەرەك. كوممۋنيستىك پارتيا حالىقتىڭ دەنساۋلىعى جاقسى بولىپ، ءومىر سالتى ۇلگىلى بولعانىن قالايدى. ءبىز بارلىعىڭىزدى دا سپورتپەن تۇراقتى اينالىسۋعا شاقىرامىز. وعان بولىنگەن ۋاقىتتارىڭىز سىزدەر ءۇشىن تەك پايدا عانا اكەلەدى. سوندىقتان دا ءبىز سپورتتىق شارالاردى تۇراقتى وتكىزەمىز، دەدى ءوزىنىڭ جينالعان حالىققا ارناعان سوزىندە قكحپ ورتالىق كوميتەتى اپپاراتىنىڭ باسشىسى ۆيكتور سميرنوۆ. ونىڭ ءسوزىن پارتيانىڭ جاستار قاناتىنىڭ وكىلى ەكاتەرينا شايدوۆسكايا قوستاپ، جاستارعا ارناپ ءسوز سويلەدى. قازاقستاندىقتاردىڭ سپورتتىق الەۋەتى وراسان زور ەكەنىن كورىپ ءجۇرمىز. سپورتشى تارلاندارىمىز الەمنىڭ بارلىق بۇرىشتارىنان، ەڭ ءىرى جارىستار مەن چەمپيوناتتاردان ۇلكەن تابىستار اكەلىپ، ءبىزدى قۋانتىپ ءجۇر. ولاردىڭ تابىستارى كوكتەن تۇسكەن جوق. ءبارى دە وسىنداي كوپشىلىك سپورتتان باستالعان. سوندىقتان، اتا-انالاردىڭ ءبارى سپورتتىق جەتىستىكتەرگە بارىنشا ءجىتى قاراۋلارى كەرەك. بالالارىنىڭ بولاشاعى ءۇشىن ولاردىڭ سپورت تۇرلەرىمەن اينالىسۋىن قامتاماسىز ەتكەن ءجون. بارلىق بالالاردىڭ دا سپورتقا قىزىعۋشىلىعى جاس كەزىندە بولادى. سول شاقتا بالانىڭ تالپىنىسىن قولداۋ اتا-انانىڭ قاسيەتتى بورىشى. كوممۋنيستىك پارتيا وسى ءىستىڭ ءساتتى، تابىستى بولعانىن قالايدى. سوندىقتان دا وسىنداي شارالار وتكىزۋدە دەدى ول. سپورتتىق شارادان كەيىن جينال­عان حالىققا قكحپ-نىڭ سايلاۋالدى باعدارلاماسى مەن ۇگىت-ناسيحات پاراق­شالارى تاراتىلدى. ءىس-شارانى قولداپ، كوممۋنيستىك پارتيانىڭ باعىتى دۇرىس ەكەنىن ايتىپ، جينالعاندار اراسىنان بىرنەشە ادام ءسوز سويلەدى. جاقسىباي سامرات، «ەگەمەن قازاقستان».  
سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار