ۇمىتكەرمەن دەمالىس كۇنگى ۇنقاتىسۋ

پارتيانىڭ الماتىداعى قوعامدىق قابىلداۋ بولمەسىندە سايلاۋشىلار جالپىۇلتتىق سوتسيال-دەموكراتيالىق پارتيانىڭ اتىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديدات تازابەك سامبەتبايمەن كەزدەستى. اۋەلى كەزدەسۋگە كەلگەندەرگە جال­پىۇلتتىق سوتسيال-دەموكرا­تيا­لىق پار­تيانىڭ سايلاۋالدى باعدار­لا­ما­سىنداعى باسىمدىقتار ءتۇسىندىرىلدى. ونىڭ ىشىندە قازاقستاندا جاڭا زامانعا ساي الەمدە قالىپتاسقان ءومىر ءسۇرۋدىڭ ۇزدىك ستاندارتتارىن ەنگىزۋ, ءوندىرىس الەۋەتىن ارتتىرىپ, يننوۆاتسيالىق ەكونوميكاعا جول اشۋ سياقتى قازىرگى زامانعا قاجەتتى ماسەلەلەر قامتىلعانى كولدەنەڭ تارتىلدى. ولار جينالىس ۇستىندە ۇمىتكەردى سۇ­راق­تىڭ استىنا الدى. ءوز كەزەگىندە ءۇمىت­كەر سۇراقتارعا حال-قادەرىنشە جاۋاپ قايتاردى. قالانىڭ جاڭادان قۇرىلعان ناۋ­رىز­باي اۋدانىنان جەتكەن تۇرعىندار ءوز­­دەرىنىڭ ويلارىنداعى كوكەيكەستى دەگەن ماسەلەلەرىن ورتاعا سالدى. پار­لا­مەنت دەپۋتاتتىعىنا كانديداتتان جەر­گىلىكتى اكىمشىلىك كەدەرگىلەردىڭ وڭ شەشىلۋىنە ىقپال جاساۋىن سۇرادى. جاڭا­دان قۇرىلعان اكىمشىلىك اۋماعىنىڭ «شۇعىلا» شاعىن اۋدانىندا جەر داۋى كورىنىس بەرىپ قالىپ تۇرعان سىڭايلى. جەرگىلىكتى شەنەۋنىكتەر تەز-اق ارادا وپ-وڭاي شەشىلەتىن تۇرمىستىق ماسەلەنى سوزبۇيدالىققا سالىپ, بيۋروكراتتىق مىنەز كورسەتىپ وتىرعان كورىنەدى. الماتى قالاسىنىڭ ناۋرىزباي اۋ­دانىنان كەلگەن سايلاۋشىنىڭ ءسوزى­نە مۇقيات قۇلاق تۇرگەن كانديدات تا­زابەك سامبەتباي بۇل ءوتىنىشتى اياقسىز قالدىرماۋعا ۋادە ەتتى. پارتيا بەلسەن­دىلەرى جەرگىلىكتى اكىمدىكپەن بىرلەسىپ, اتالعان ماسەلەنىڭ انىق-قانىعىنا كوز جەتكىزەتىنىن, مۇمكىندىگى بولعانشا ءىستى وڭ شەشىپ بەرەتىندىگىن ايتىپ, سايلاۋشىنى سەندىردى. – تۇرعىندار وسىعان ۇقساس الەۋ­مەتتىك-تۇرمىستىق ماسەلەلەردى كوتەرىپ بىزگە بۇرىن دا كەلەتىن, الداعى ساياسي ناۋ­قان – سايلاۋعا بايلانىستى تاعى دا توبە كورسەتە باستادى, – دەيدى پارلامەنت ءما­جىلىسى دەپۋتاتتىعىنا كانديدات, جال­پىۇلتتىق سوتسيال-دەموكراتيالىق پارتيا الماتى فيليالىنىڭ جەتەكشىسى تازابەك سامبەتباي. – ءبىز ءوز تاراپىمىزدان بىردە-ءبىر كەلۋشىنىڭ ايتقاندارىن نازاردان تىس قالدىرماۋعا تىرىسامىز. ويتكەنى, ءبىز ءوزىمىز سول حالىقتىڭ ءبىر مۇشەسىمىز. قانداي دا ءبىر ماسەلەنىڭ بايىبىنا بارىپ, مازمۇنىن اشۋ ءۇشىن الدىمەن پارتيانىڭ بىلىكتى زاڭگەرلەرىن ىسكە جۇمىلدىرامىز. قوعامدىق قابىلداۋ ۇيىنە وسى كۇنى كانديدات تازابەك سامبەتبايمەن كەزدەسۋگە كەلگەن الماتىلىق قۇرىلىسشىنىڭ دا ماسەلەسى جاريالى تۇردە قارالدى. قۇرىلىس كومپانياسى قول استىندا قىزمەت ەتكەن جۇمىسشىنىڭ جالاقىسىن 6 اي بويى بەرمەگەن بولىپ شىقتى. وسى­عان بايلانىستى كانديداتتىڭ تاپسىرۋى­مەن قوعامدىق قابىلداۋ بولمەسىندە زاڭ­دىق كۇشى بار ءتيىستى قۇجاتتار ازىرلەندى. تالعات ءسۇيىنباي, «ەگەمەن قازاقستان». الماتى.