01 ناۋرىز، 2016

20 ادامعا جۇمىس تاۋىپ بەرىپ وتىر

171 رەت كورسەتىلدى
777قۇرىق ۇستاعان اتالارىمىز «مال باققانعا بىتەدى» دەپتى عوي. بىراق بۇل قاعيدا مالدى تاڭەرتەڭ قورادان ورىسكە شىعارىپ، نەسىبەسىن تەرىپ جەگەن سوڭ قايتا قاماپ قوي دەگەنى ەمەس شىعار. مال باسىن كوبەيتۋ، ونىڭ ساپاسىن ارتتىرۋ ءۇشىن قانشاما تىرلىك جاساۋ كەرەكتىگىن مالشىدان سۇرا. قاي مالشىمەن تىلگە كەلسەڭ، الدىمەن مال تۇقىمىن اسىلداندىرۋ كەرەكتىگىن ايتار ەدى. شارۋانىڭ بۇل ويىن مەملەكەت تە ءدوپ باسقانداي، مال شارۋاشىلىعىنداعى وسى ءما­­سەلەگە باسىمدىق بەرىپ وتىر. ەل­باسى جولداۋىندا اگرارلىق سەكتوردا ەتتى جانە ءسۇتتى مال شارۋا­شىلىعىن دامىتۋعا باسا ءمان بەرىپ، اۋىل شارۋاشىلىعىن اياعىنان تۇر­عىزۋدىڭ باسىم مىندەتتەرىن اي­قىنداپ بەردى. اۋقىمدى تاپ­سىر­مانىڭ جۇزەگە اسۋى ءۇشىن قولداعى مالدى اسىلداندىرۋعا ەرەكشە كوڭىل ءبولىنىپ وتىر. وسى ورايدا قولدان ۇرىقتاندىرۋ ءتاسىلىن جانداندىرۋ ۋاقىت تالابىنا اينال­عان. بۇل باعىتتا مەملەكەت تاراپىنان كورسەتىلىپ وتىرعان قوماقتى قولداۋدىڭ ناتيجەسىن تاراندىق شارۋالار دا بىلە باستادى. تاران اۋدانىنداعى «قا­ليەۆ» شارۋا قوجالىعىنىڭ ءبۇ­گىنگى تىنىس-تىرشىلىگى وسى ايت­قا­­­نىمىزدىڭ تولىق دالەلى. شا­رۋاشىلىق 2005 جىلى قۇ­رىلىپ، مال جانە ەگىن شارۋا­شى­لىعىمەن قاتار اينالىستى. مال باسىن ءبىرشاما كوبەيتىپ العان سوڭ، ونى اسىلداندىرۋ جۇمىسىنا وتكەن جىلدان باستاپ كىرىستى. وعان «ىرىس» باعدارلاماسىنىڭ قول­داۋى مۇرىندىق بولدى. «ىرىس» – «اگروبيزنەس – 2020» مەملەكەتتىك سالالىق باعدارلاماسىنىڭ اياسىن­دا جۇزەگە اسىرىلاتىن باع­دار­لاما. «قازاگرو» حولدينگىنىڭ ەن­شىلەس كومپانياسى – «اۋىل شا­رۋا­شىلىعىن قارجىلاي قولداۋ قورى» اكتسيونەرلىك قوعامىنىڭ ءبىر تارماعى بولىپ سانالاتىن وسى باعدارلاما ارقاسىندا شارۋا­شىلىق كومەك جونىنەن ەركىن تى­نىس­تاپ قالدى. – «ىرىس» باعدارلاماسى وتبا­سىلىق تاۋارلى ءسۇت فەرمالا­رىن قۇرۋعا جانە كەڭەيتۋگە باعىتتالعان جوبالاردى قارجىلاندىرادى. 60 ميلليون تەڭگەگە دەيىن قولداۋ كورسەتە الامىز. شارۋاسىن تازا ەڭبەگىمەن دوڭگەلەنتىپ كەتەتىن شارۋا­لار مۇنى 7 جىلدا ازداعان ۇستەمە پايىزىمەن وتەپ شىعادى، – دەيدى «اۋىل شارۋاشىلىعىن قارجىلاي قولداۋ قورى» اكتسيونەر­لىك قوعامىنىڭ قوستاناي وبلى­سىنداعى فيليالىنىڭ ديرەكتورى مارات سالىقباەۆ. وسىنداي ءساتى ءتۇسىپ تۇرعان ىسكە تاۋەكەل ەتكەننىڭ ءبىرى الگى ايتقان «قاليەۆ» شارۋا قوجالىعى بولاتىن. ول «ىرىس» باعدارلاماسى بويىنشا 45،7 ميلليون تەڭگە نەسيە قارجى الدى. «ىرىس» باعدارلاماسىنىڭ قولداۋىمەن بەرىلگەن نەسيەگە سيممەنتال جانە قازاقتىڭ اقباس سيىرىن، سونداي-اق، جىلجىمالى سيىر ساۋاتىن اپپارات، مال بورداقىلاۋعا ارنالعان تەحنيكا الدىم. سيىرلاردى نەمىس بۇ­قاسىنىڭ تۇقىمىمەن قول­دان ۇرىقتاندىرامىز. بۇل ءتا­سىل­دى مەڭگەرگەن مامانىمىز بار. قوس­تاناي، استانا اۋماعىنداعى عا­لىم­دارمەن ءجيى كەڭەسىپ وتىرامىز. بۇگىندە قورادا 400-گە جۋىق ءىرى قارا مال بار، – دەيدى شارۋاشىلىق جەتەكشىسى اسقار قاليەۆ. شارۋا­شىلىق قازىر جىلقى ءوسىرۋدى دە قولعا الدى. اقتوبە وبلىسىنان ءسۇتتى ءارى ەتتى 11 باس جىلقى اكەلدى، ونى جىل سايىن ون باسقا كوبەيتىپ وتىرۋدى مەجەلەگەن. جىلقى جان­ۋار ءبورى مەن ۇرىدان امان بولسا، تەز-اق كوبەيەتىنىن اسقار دا بىلەدى. الداعى ۋاقىتتا قىمىز ءوندىرىسىن قولعا الساق دەگەن جوسپارى دا بار. ىسكە تياناقتى قارايتىن شارۋادا ارمان دا، ماقسات تا، جوسپار دا جەتكىلىكتى. بىراق سونىڭ بارلىعى دا قارجى مەن ادام كۇشىنىڭ ارقاسىندا مۇمكىن بولادى. سوندىقتان اسقار شارۋاشىلىقتى كوپتىڭ نەسىبەسى دەپ بىلەدى. قازىر مالعا 20 ادام قارايدى، ياعني 20 اۋىلداسىن جۇمىسپەن قامتاماسىز ەتتى. – جالاقىنى ۋاقىتىلى بەرىپ تۇرامىز. اۋىلداستارعا وتباسىن اسىرايتىن اقشا، بىزگە ءىستىڭ بىتكەنى كەرەك. ەكى جاقتان دا مامىلە ادال جاسالسا، شارۋاشىلىق العا باسا بەرەدى. بۇل ەشكىمگە دە زيان اكەلمەسى انىق، كوپتىڭ نەسىبەسى، – دەيدى اسقار قاليەۆ. شارۋا قوجالىعى مەملەكەت دە­مەۋىنىڭ ارقاسىندا وسىلاي كە­ڭەيە بەرمەك. اسقاردىڭ دا، اۋىل­داستارىنىڭ دا بۇگىنگى ويى كوكتەمگە مالدى اۋىر قىستان امان، قوڭدى شىعارۋ بولىپ وتىر. – «الماقتىڭ دا سالماعى بار»، دەگەن عوي. العان نەسيەنى قاي­تارعانشا، شارۋانى تۇزەپ كەتكەن­شە ونىڭ جاۋاپكەرشىلىگىن قالاي ۇمىتاسىڭ؟ العان قارجىنى مۇقيات جاراتقاندا عانا كومەكتىڭ ناتيجەسى بولادى، – دەيدى اسقار. ءنازيرا جارىمبەتوۆا، «ەگەمەن قازاقستان». قوستاناي وبلىسى، تاران اۋدانى.
سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار