ماڭىزدى باعىتتارعا – باستى نازار

مەملەكەت باسشىسى نۇرسۇلتان نازارباەۆ «قا­زاقستان تەمىر جولى» ۇلتتىق كومپانياسى» اق پرەزيدەنتى اسقار ءماميندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ا.مامين ەلباسىنا «قتج» ۇك» اكتسيونەرلىك قوعامىنىڭ 2015 جىل^­عى قىزمەتىنىڭ ءناتي­جە­لەرى مەن بيىلعى جوسپارلارى, سون­داي-اق, ۇلتتىق كومپانيا وپەرا­تور­لىق ەتەتىن «نۇر­لى جول» باعدار­لاماسىنىڭ ينفرا­قۇ­رى­لىمدىق جوبالارىن جۇزەگە اسىرۋ بارىسى تۋرالى باياندادى. مەملەكەت باسشىسى قازاق­ستان­نىڭ ترانزيتتىك جانە ەكس­پورت­تىق الەۋەتىن جۇزەگە اسىرۋ ءۇشىن كولىك-لوگيستيكا كەشە­نىن دامىتۋدىڭ, ەكونوميكانى ءار­تا­راپ­تاندىرۋدىڭ, جاڭا جۇمىس ورىندارىن اشۋدىڭ جانە جيىنتىق ىشكى ءونىمدى ۇلعايتۋدىڭ ماڭىزدىلىعىن ايتتى. قازاقستان پرەزيدەنتى ين­فرا­­قۇ­رىلىمدىق جوبالاردى ءجۇ­زەگە اسىرۋ جانە ەكسپورت­قا باعىت­تالعان جوعارى تەحنولو­گيا­لىق ءون­دىرىس­تەردى دامىتۋ ەلدىڭ ەكو­نو­ميكالىق ساياساتىنىڭ باسىمدىعى بولىپ سانالاتىنىنا نازار اۋداردى. ا.مامين اۆتوموبيل جانە تە­مىر­جول ماگيسترالدارىن قايتا جوندەۋ, كاسپيدەگى پورت ينفرا­قۇ­رىلىمىن جاڭعىرتۋ, «قورعاس» حا­لىق­ارالىق شەكارالىق ىنتى­ماقتاستىق ورتالىعى مەن ارناۋلى ەكونوميكالىق ايماقتى دامىتۋ جونىندەگى جۇمىستار كەستەگە سايكەس ىسكە اسىرىلىپ جاتقانىن ايتتى. «قازاقستان تەمىر جولىنىڭ» پرەزيدەنتى 2015 جىلى «بورجاقتى – ەرساي» تەمىرجول جەلىسى پاي­دا­لانۋعا بەرىلگەنىن, «قورعاس – شى­عىس قاقپاسى» ارناۋلى ەكونومي­كالىق ايماعىنىڭ «قۇرعاق پورتى» ىسكە قوسىلعانىن, اقتاۋ پورتىندا جاڭا نىساندار, استانا قالاسىندا ورتالىق ازياداعى ءىرى كولىك-لو­گيستيكا ورتالىعى جۇمىس ىستەي باستاعانىن مالىمدەدى. سونىمەن قاتار, جىل اياعىنا دەيىن ماڭعىستاۋ وبلىسىنداعى قۇرىق پورتىندا پاروم كەشە­نى­نىڭ, «الماتى-1 – شۋ» تەمىر­جول ۋچاس­كەسىندە ەكىنشى باعىت­تىڭ قۇرى­لىسىن اياقتاۋ, ال ەكسپو-2017 كورمەسىنىڭ اشىلۋى قارساڭىندا ەلوردا اۋەجايىنىڭ حالىقارالىق تەرمينالى مەن جاڭا تەمىرجول ۆوكزالىنىڭ قۇرىلىسىن ءبىتىرۋ جوسپارلانىپ وتىر. ا.مامين, سونداي-اق, كومپا­نيا قىزمەتتى جەتىلدىرۋ جانە شىعىستاردى قىسقارتۋ باعدار­لا­ماسىن جۇزەگە اسىرىپ جاتقانىن, ونىڭ ەكونوميكالىق تيىمدىلىگى 2015 جىلى 169 ميلليارد تەڭگە بولعانىن ايتتى. كومپانيانىڭ جاڭا وكىلەت­تىكتەردى دامىتۋ جانە كونتەينەرلىك پويىزدار قىزمەتىن ىلگەرىلەتۋ باعى­تىنداعى جۇمىستارى قىتاي مەن ەۋروپا اراسىنداعى ترانزيتتىك كونتەينەرلىك جۇك اعىنىن 2014 جىلمەن سالىستىرعاندا بىلتىر ەكى ەسەگە ۇلعايتۋعا, ال ترانزيتتىك تاسىمالدان تۇسەتىن تابىستىڭ ۇلەسىن 28%-عا جەتكىزۋگە مۇمكىندىك بەرگەن. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. سۋرەتتى تۇسىرگەندەر س.بوندارەنكو, ب.وتارباەۆ.