قوس شارا – ءبىر مۇددە

«قازمۇنايگاز» ۇلتتىق كومپانياسى» اق-تىڭ استاناداعى باس كەڭسەسى ورنالاسقان عيماراتتا جۋىردا ەكى بىردەي ەلەۋلى شارا ءوتتى. ونىڭ ءبىرى – اكتسيونەرلىك قوعامنىڭ باسقارما توراعاسى ساۋات مىڭباەۆتىڭ «ۇزدىك مامان» بايقاۋىنىڭ جەڭىمپازدارىمەن كەزدەسۋى بولسا, ەكىنشىسى – «قازمۇنايگاز» ۇك» اق جاس ماماندارىنىڭ وتكەن جىلى باستالعان ۇزدىك يننوۆاتسيالىق جوبالارى بايقاۋىنىڭ مارەگە جەتۋىنە بايلانىس­تى ماراپاتتاۋ ءراسىمى. كەزدەسۋدى جۇرگىزگەن «قازمۇنايگاز» اق ادام رەسۋرس­تارىن باسقارۋ جانە ەڭبەكاقى تولەۋ جونىندەگى باسقارۋشى ديرەكتورى سەرىك ابدەنوۆ «ۇزدىك مامان» بايقاۋىنىڭ قمگ كومپانيالار توبى اراسىندا جىل سايىن وتكىزىلىپ كەلە جاتقانىن اتاپ ءوتتى. وتكەن جىلى «قازمۇنايگاز» كومپانيالار توبى 16 كوم­پانياسىنىڭ قىزمەتكەرلەرى كاسىبي بىلىكتىلىكتەرى بويىنشا سىنعا تۇسكەن. ولاردىڭ اراسىندا «قازمۇنايگاز» بارلاۋ ءوندىرۋ» اق پەن ونىڭ ەنشىلەس كاسىپورىندارى, «قازترانسويل» اق, «ماڭعىستاۋمۇنايگاز» اق, «قازترانسگاز» اق, «قازمۇنايگاز-سەرۆيس» جشس, «KMG-Security» جشس, «اقتاۋمۇنايسەرۆيس» اق جانە باسقا دا ۇيىمدار بار. «بايقاۋ بارىسىندا وپەراتور, ەلەكترومونتەر, سلەسار جانە دانەكەرلەۋشى سىندى وننان استام ماماندىقتار بويىنشا ۇزدىكتەر انىقتالدى. قاتىسۋشىلار ءوز­دەرىنىڭ كۇندەلىكتى اتقارىپ ءجۇر­گەن جۇمىستارىن تەوريالىق جانە تاجىريبەلىك جاعىنان كورسەتۋگە مۇمكىندىك الدى. جەڭىم­پاز­داردى انىقتاۋداعى باس­تى ءول­شەم رەتىندە ولاردىڭ كاسىبي ماشىعى, تاپسىرمالاردى ورىنداۋ جىلدامدىعى مەن قاۋىپسىزدىك تەحنيكاسىن ساقتاۋى نازارعا الىندى. جەڭىمپازدارعا ىنتالاندىرۋ رەتىندە مەدالدار مەن ماقتاۋ قاعازدار, سونداي-اق ەڭبەكاقىعا ۇستەمە قارجىلاي سىياقى بەرىلدى. جالپى, بايقاۋعا كەلەتىن بولساق, «قازمۇنايگازعا» قاراستى مەكەمەلەردىڭ ىشىندە «ۇزدىك مامان» وندىرىستىك كاسىبي بايقاۋلارىن وتكىزۋ داستۇرگە اينالعان, ءارى بۇل سايىستىڭ 18 جىلدان بەرى وتكىزىلىپ كەلە جاتقاندىعىنا قاراماستان, ما­ڭىزى جىلدان-جىلعا ارتىپ كەلە جاتىر. بۇل – قۋانتارلىق جايت. سونداي-اق, اتاپ ءوتۋ كەرەك, وتكەن جىلى «ترانسگازپايپلاين» كوم­پانياسىنىڭ ۇيىمداستىرۋىمەن قىتاي حالىق رەسپۋبليكاسىنىڭ دەچجوۋ قالاسىندا وتكەن ۇزدىك ماماندار سايىسىنا «ازيالىق گاز قۇبىرى» مەكەمەسىنىڭ كوماندالارى قاتىسىپ, جۇلدەلى ورىندارعا يە بولدى», دەگەن مودەراتور ءتۇرلى اتالىمدار بويىنشا بايقاۋدا جەڭىمپاز اتانعان 17 ۇزدىك ماماندى تانىستىرىپ ءوتتى. «قازمۇنايگاز» ۇك» اق باسقارما توراعاسى ساۋات مىڭ­باەۆ كەزدەسۋگە كەلگەن جەڭىم­پازداردى قۇتتىقتاپ, ءبىرشاما وي-پىكىرلەرىمەن ءبولىستى. «ءوز ءىسىنىڭ ۇزدىگى» اتانعان سىزدەرمەن كەزدەسكەنىمە قۋانىشتىمىن. جەڭىستەرىڭىز قۇتتى بولسىن! ەلدىڭ الەۋمەتتىك-ەكونوميكالىق دامۋىنا قىزمەت ەتىپ كەلە جات­قاندارىڭىز ءۇشىن العىسىمدى بىلدىرگىم كەلەدى. 80 مىڭعا جۋىق جۇمىسشى مامانداردىڭ اراسىنان ۇزدىك اتانۋ ۇلكەن مارتەبە دەپ ەسەپتەيمىن. جالپى, «ۇزدىك مامان» بايقاۋىنىڭ جەڭىمپازدارىنا كومپانيا باسشىلىعى تاراپىنان ۇلكەن كوڭىل بولىنۋدە. بۇل باعىتتا الداعى ۋاقىتتا دا جۇيە­لى جۇمىستار جۇرگىزۋ جوسپارلانۋدا», دەدى ول. س.مىڭباەۆ ءوز سوزىندە كوم­پا­نيا ءۇشىن قىزمەتكەرلەر مەن ولاردىڭ شەبەرلىك تالانتى تابىستى بيزنەستىڭ باستى كورسەتكىشى بولىپ سانالاتىنىن, سوندىقتان «قازمۇنايگاز» ءوز قىزمەتكەرلەرىن ماڭىزدى رەسۋرس رەتىندە قاراستىرىپ, ولاردىڭ تۇرمىسى مەن ەڭبەك جاعدايلارىن جاقسارتۋ ساياساتىن جۇرگىزىپ كەلە جاتقانىن اتاپ ءوتتى. بۇل كۇندە كومپانيادا ەڭبەك-الەۋمەتتىك قارىم-قاتىناس بويىنشا بىرەگەي ستاندارت ەنگىزۋ ماقساتىندا جۇمىستار اتقارىلىپ جاتىر. وتكەن 2015 جىلى «قازمۇنايگاز» كومپانياسىندا جۇمىسشىلار توبىن الەۋمەتتىك قولداۋ بويىنشا تيپتىك ەرەجە جۇمىس ىستەي باستاعان. ال, «قازمۇنايگاز» بارلاۋ ءوندىرۋ» اق كومپانيالارى اراسىندا بيز­نەس-باعىت بويىنشا ەڭبەكتى ءادىل سىياقىمەن قامتاماسىز ەتۋ ماقساتىندا بىرىڭعاي ەڭبەكاقى جۇيەسى ەنگىزىلىپ, ناتيجەسىندە بىردەي ماماندىقتار ءۇشىن تاريف­تىك كوەففيتسيەنتتەر ءبىرىز­دەندىرىلگەن. «سىزدەر بىلەسىزدەر, الەمدىك داعدارىسقا جانە مۇناي باعا­سىنىڭ تۇراقسىزدىعىنا بايلانىستى ءبىزدىڭ سالا ۇلكەن قيىن­دىقتى باستان كەشىرۋدە. بىراق قانداي قيىن جاعداي بولسا دا, قمگ وندىرىستىك كاسىپورىندارى ەڭبەكاقىعا جۇيەلى تۇردە يندەكساتسيا جۇرگىزەدى. الەۋمەتتىك قولداۋدىڭ اعىمدىق دەڭگەيىن ساقتاپ وتىرادى. بۇل قمگ كومپانيالار توبىنىڭ كوبىندە بيزنەس-باعىت بويىنشا جەتكەن وڭ ناتيجەسىنە سايكەس مۇمكىن بولۋدا. اتاپ ءوتۋ كەرەك, بۇل سونداي-اق, باسشىلىقتىڭ, جۇمىسشىلاردىڭ جانە كاسىپوداقتاردىڭ ۇيلەسىمدى ءارى كاسىبي ءجۇمىسىنىڭ دا زاڭدى ناتيجەسى», دەدى س.مىڭباەۆ. اعىمداعى جىلى ەلىمىزدىڭ مۇناي سالاسى جاڭا سىن-قاتەر­لەرگە بەتپە-بەت كەلۋى مۇمكىن. الەمدىك ەكونوميكاداعى سوڭ­عى ترەندتەر سولاي دەگىزەدى. «قازمۇنايگازدىڭ» بولاشاعى دا مۇناي باعاسىنا تاۋەلدى. مۇناي باعاسىنىڭ ءتۇسۋى قارجىلىق-شارۋاشىلىق قىزمەتتىڭ قۇلدى­راۋىنا الىپ كەلۋى مۇمكىن. ەلباسى ن.نازارباەۆتىڭ سوڭعى كەزدە ءاردايىم ىشكى قورلاردى ىزدەستىرۋ قاجەتتىگى تۋرالى ويلارى دا نازار اۋدارتادى. ول ءوندىرىستىڭ تيىمدىلىگىن ارتتىرىپ, ءار ماماننىڭ ءوز ورنىندا جاۋاپكەرشىلىگىن ارتتىرۋ قاجەتتىگىن دە اتاپ وتكەن بولاتىن. ارينە, تەك داعدارىستى سىل­تاۋراتىپ, اۋىزدى قۋ شوپپەن ءسۇرتىپ وتىرۋدىڭ ورىنسىز ەكەنىن قازىر اركىم دە شامالايدى. بۇل ورايدا «قازمۇنايگاز» ۇك» اق قانداي شارالار اتقارىپ جاتىر دەگەن ساۋالدىڭ توبەسى كورىنەدى. كەزدەسۋ بارىسىندا باسقارما توراعاسى وتكەن جىلى باستالعان بيزنەستى ترانسفورماتسيالاۋ باعدارلاماسىنان كومپانيا ۇلكەن ءۇمىت كۇتەتىنىن تىلگە تيەك ەتتى. ۇزدىك ماماندارعا ترانسفورماتسيانىڭ نە ەكەنىن بىلايشا ءتۇسىندىردى. «ترانسفورماتسيا دەگەنىمىز – شى­عىنداردى نەمەسە قىزمەتشىلەردى قىسقارتۋدى ماقسات ەتەتىن قاي­تا قۇرىلىمداۋ ەمەس. سىزدەر ونى ناقتى تۇسىنۋلەرىڭىز كەرەك. بۇل كومپانيانىڭ ءاربىر جۇ­مىسشىسىنىڭ ەڭبەگىنە باع­دار­لانعان ستراتەگيالىق جوس­پار, جاڭا وندىرىستىك يدەولوگيا. باعدارلاما بويىنشا بيزنەس-ۇدەرىستىڭ ءاربىر قاتىسۋشىسى ورىندالاتىن جۇ­مىسقا ءوزى­نىڭ قارىم-قاتىناسىن وي-ەلە­گىنەن وتكىزۋى قاجەت», دەدى ول. باع­دار­لامانى جۇزەگە اسىرۋ ءۇشىن جاس مامانداردىڭ بەلسەندى قاتىسۋى قاجەتتىگىن اتاپ ءوتىپ, قمگ كومپانيالار توبى بويىنشا جاس­تار ساياساتىن قالىپتاستىرىپ كەلە جاتقان جاستار ءىسى جونىندەگى كەڭەسكە ءۇمىت ارتاتىنىن, سونداي-اق, قمگ توبىنىڭ مەنەدجمەنتىنە ەڭ ءبىلىمدى جانە تاجىريبەلى جاس­تاردى تارتۋعا مۇمكىندىك بە­رەتىن بىرىڭعاي كادرلىق رەزەرۆ باعدارلاماسىنان قايتارىم كۇتە­تىندىكتەرىن جاسىرمادى. جالپى العاندا, جىل سايىن ءداستۇرلى تۇردە وتكىزىلىپ ءجۇر­گەن «ۇزدىك مامان» بايقاۋى ەڭبەك­كەرلەردىڭ كاسىبي بىلىكتىلىكتەرىن شىڭداۋعا كومەكتەسەدى. كاسى­بي ماماندار ءوندىرىستىڭ ءتيىم­دىلىگىن ارتتىرۋعا ىقپال ەتەدى, ءوز كاسىپورىندارىنىڭ ۇجىم­دارىنا جاڭا يدەيالار مەن ۇسى­نىستار ەنگىزەدى. بۇل ورايدا باسقارما توراعاسىمەن كەزدەس­كەن ون جەتى ۇزدىك ماماننىڭ دا وندىرىسكە بەرگەندەرىنەن بەرەرى كوپ ەكەنى بايقالادى. ءويت­كەنى, بايقاۋىمىزشا كوپ­شىلىگى – جاستار مەن ورتا جاس مولشەرىندەگى ءتۇرلى ماماندىق يەلەرى. ولار دا ءوز كەزەكتەرىندە باسشىلىققا العىستارىن ءبىلدىرىپ, جۇمىستارىنا قاتىستى وي ءبولىستى. قمگ-نىڭ بارلىق ەنشىلەس جانە تاۋەلدى ۇيىمدارىندا جۇمىس­شىلاردىڭ جۇمىس ىستەۋ ۋاقىتىن, سوعان سايكەس ەڭبەكاقىنى ءبىرىز­دەندىرۋ, دۋالدى وقىتۋ ماسەلەلەرى ءسوز بولدى. كەزدەسۋ سوڭىندا ۇزدىك ماماندار ارنايى توسبەلگىلەرمەن ماراپاتتالدى. ۇزدىك ماماندار سونداي-اق, بيزنەس-باعىتتار جونىندەگى باسشىلارمەن كەزدەسىپ, ءتۇرلى وندىرىستىك, الەۋمەتتىك ماسەلەلەر بويىنشا وي ءبولىستى. «قازمۇنايگاز» ۇك» اق جاس ماماندارىنىڭ يننوۆاتسيالىق جوبالار بويىنشا وتكەن جى­لى باستالعان بايقاۋىنىڭ قورى­تىندىسى جۋىردا شىعارىلدى. قمگ-نىڭ ەنشىلەس جانە تاۋەلدى كومپانيالارىنان تۇسكەن 30 جوبانىڭ ىشىنەن 3 جەڭىمپاز انىقتالدى. اتاپ ايتقاندا «قاراجانباسمۇناي» اق تەحنيك-گەولوگى ايدىن قوجاش 1-ءشى ورىنعا, «قاراجانباسمۇناي» اق ۇڭ­عىلاردى زەرتتەۋ جونىندەگى اعا ين­جەنەر رۋسلان اقمۇحانوۆ 2-ءشى ورىنعا جانە «پاۆلودار مۇناي-حيميا زاۋىتى» جشس 3-رازريادتى زەرتحاناشىسى ايكەرىم يزۋەۆا 3-ءشى جۇلدەلى ورىنعا يە بولدى. سايىس جەڭىمپازدارى ءبىلىم­دەرىن جەتىلدىرۋگە ارنالعان سەرتيفيكاتتارمەن جانە ەس­كەرتكىش سىيلىقتارمەن ماراپاتتالدى. بۇل يننوۆاتسيالىق بايقاۋ­دىڭ ماقساتى – جاستاردىڭ ين­نوۆاتسياعا جاڭاشا كوزقاراسىن قالىپتاستىرۋ, ولاردىڭ زيات­كەرلىك داعدىسىن دامىتۋ, عى­لىمدى جاستار اراسىندا ناسيحاتتاۋ جانە تۇپتەپ كەلگەندە جاڭا تەحنولوگيالارعا نە­گىزدەلگەن جوبالار ارقىلى ءوندىرىستى دامىتۋ. جۇلدەگەرلەردى ماراپاتتاۋ راسىمىندە «قازمۇنايگاز» اق ادام رەسۋرستارىن باسقا­رۋ جانە ەڭبەكاقى تولەۋ ءجو­نىندەگى باسقارۋشى ديرەكتورى سەرىك ابدەنوۆ ءسوز سويلەپ, جۇلدەگەرلەردى قۇتتىقتادى. «بۇگىن ءبىز «قازمۇنايگاز» ۇك» اق-تىڭ جاس جۇمىسشىلارى اراسىندا جاستار ساياساتىن جۇزەگە اسىرۋ اياسىندا جاريالانعان العاشقى يننوۆاتسيالىق جوبالار بايقاۋىنىڭ قورىتىندىسىن شىعارۋ ءۇشىن جينالىپ وتىرمىز. بايقاۋعا ءتۇرلى سالا بويىنشا 30 جوبا ۇسىنىلدى. قمگ-عا تاپسىرىلعان بار­لىق جوبالاردى ءبىز ءVىىى-ءشى KAZENERGY جاستار فورۋمىنا جولدادىق. سىزدەر يننوۆاتسيالىق جوبالار بويىنشا بايقاۋ كوميسسياسى جۇمىس ىستەگەنىن جاقسى بىلەسىزدەر. جاستار فورۋمىنىڭ قورىتىندىسىندا جۇلدەلى ورىندار انىقتالدى. سونداي-اق, قمگ دەڭگەيىندە قاتىسۋشىلاردىڭ جوبالارىن قاراپ, باعالاۋ ءۇشىن قمگ باسقارما توراعاسىنىڭ بۇيرىعىمەن جەكە كوميسسيا قۇرىلىپ, جوبالارعا كريتەري بەكىتىلدى. بۇل كوميسسيا قۇرامىنا قمگ وندىرىستىك قۇرىلىمدىق بولىمشەلەرىنىڭ جەتەكشىلەرى, «قازمۇنايگاز» ءوندىرۋ جانە بۇرعىلاۋ تەحنولوگيالارى عى­لىمي-زەرتتەۋ ينستيتۋتى» جشس وكىلدەرى جانە قمگ جاستار كەڭەسىنىڭ وكىلدەرى ەنگەنىن ايتا كەتۋ كەرەك», دەدى ول. س.ابدەنوۆ يننوۆاتسيالىق جوبالار بايقاۋىنىڭ بۇدان بىلاي جىل سايىن وتكىزىلەتىنىن مالىمدەدى. جاستار كەڭەسىنىڭ كۇن­تىزبەلىك جوسپارىنا سايكەس بيىلعى جىلى بايقاۋ وتكىزۋ 3-4 توقسانعا جوسپارلانعان. بۇگىنگى كۇنى «قازمۇنايگاز» ۇك» اق كاسىبي مامانداردى دايارلاۋ ماقساتىندا «ەمبىمۇنايگاز» اق بازاسىنداعى قۇلسارى كەن ورنىن وقۋ-تاجىريبەلىك سىناق الاڭىنا اينالدىرۋ تۋرالى تۇجىرىمداما جاساعانى بەلگىلى. سوعان وراي يننوۆاتسيالىق بايقاۋدا جەڭىسكە جەتكەن جوبالار وسى كەن ورنى­نىڭ بازاسىندا سىناقتان وتكى­زىلەتىن بولادى. سونىمەن قا­تار, ۇسىنىلعان جۇمىستار KAZENERGY قاۋىمداستىعى 2015 جىلى وتكىزگەن «Innovation Man» بايقاۋىنىڭ ۇزدىك وندىعىنا ەنگەنىن دە اتاپ وتۋگە تۇرارلىق. شارا بارىسىندا تەڭىز, قارا­شىعاناق, قاشاعان كەن ورىندارىن وڭدەۋ جونىندەگى باس ديرەكتور ەۆگەني وگاي يننوۆاتسيالىق بايقاۋدا جۇلدەلى ورىندارعا يە بولعان جوبالار جايىندا ءاڭ­­گى­مەلەپ, ولاردى وندىرىسكە ەن­گىزۋ, جەتىلدىرۋ, ودان ءارى قانداي باعىتتا جۇمىس ىستەۋ ماسەلەسىن قوزعادى. قمگ ءوندىرىس جونىندەگى دەپارتامەنت ديرەكتورىنىڭ ورىنباسارى رينات يزمۇحانبەت ساراپشىلىق كوزقاراسىن ءبىل­دىردى. سونداي-اق, جۇلدەلى ورىن­دارعا يە بولعان جاس ماماندار ارقايسىسى ءوز جوبالارىنىڭ ەرەكشەلىكتەرىنە توقتالىپ ءوتتى. جيىن سوڭىندا «قازمۇنايگاز» اق ادام رەسۋرستارىن باسقارۋ جانە ەڭبەكاقى تولەۋ جونىندەگى باسقارۋشى ديرەكتورى سەرىك ابدەنوۆ ءجۇل­دەگەرلەردى ماراپاتتادى. جالپى, بۇل ەكى شارادان تۇيگەنىمىز, «قازمۇنايگاز» ۇك» اق الدىندا مىناداي الماعايىپ زاماندا شىنىندا دا زور مىندەتتەر تۇر. سول مىندەتتەردى ابىرويمەن جۇزەگە اسىرىپ, كومپانيانىڭ ودان ءارى دامۋى جولىندا تالماي قىزمەت اتقارۋ, جاڭا مۇمكىندىكتەر ىزدەستىرۋ ونىڭ ءاربىر مۇشەسىنىڭ قاسيەتتى بورىشى. سونداي-اق, ماقسات-مۇددەنىڭ ورتاقتىعى ءاردايىم يگىلىكتى ىستەرگە باستاماق. سونىمەن قاتار, مۇنداي شارالار «قازمۇنايگاز» ۇك» اق كومپانيالار توبىنىڭ مەكەمەلەرى مەن ەڭبەك ۇجىمدارىنىڭ اراسىنداعى كاسىبي قارىم-قاتىناستىڭ دامۋىنا جول اشارى ءسوزسىز. مارات اققۇل, «ەگەمەن قازاقستان».