جان-جاعىڭا جاقسىلىق تىلە

«شاڭىراق» وتباسى كلۋبىنىڭ مۇشەلەرى ەڭ الدىمەن ەلباسىنا العىس ايتۋدى ۇيعاردى «قۇرمەتتى نۇرسۇلتان ءابىش ۇلى, – دەلىنگەن 16 ادامنىڭ قولى قويىلعان العىس ايتۋ حاتىندا, – ءبىز, «شاڭىراق» وتباسى كلۋبى ءسىزدىڭ 2015 جىلى 23 ساۋىردە استانا قالاسىندا وتكەن قازاقستان حالقى اسسامبلەياسىنىڭ ءححىى سسەسسياسىندا جىل سايىن ەلى­مىز­دە العىس ايتۋ كۇنىن اتاپ ءوتۋ ءجونىن­دەگى ۇسىنىسىڭىزدى قۋانا قارسى ال­عان بولاتىنبىز. ءسىزدىڭ يدەياڭىزدى ءبىراۋىزدان قولداي وتىرىپ, بۇل مەرە­كەنىڭ ادامداردى ءبىر-بىرىنە بارىنشا جاقىنداستىراتىن ايرىقشا مەيرام بولىپ قالىپتاسۋىنا اتسالىسا بەرەمىز. «بارلىق ۇلتتار ءبىر-بىرىنە جانە وسى ادامداردى قابىلداعان, اياۋ­شىلىق بىلدىرگەن قازاقتارعا العىس ايتۋ كۇنى دەپ بەلگىلەنسە ادىلەتتى بو­لار ەدى» دەگەن وسيەتىڭىزدى ەلدى ەل­دىك­كە, بىرلىككە ۇندەگەن باسشىنىڭ پاراساتى دەپ بىلەمىز... مەرەكەلىك ءىس-شارالارعا قاتىسقان تاجىك, كورەي, ورىس, ازەربايجان, تاعى باسقا ەتنوس وكىلدەرى «قازاقستان ءوز ەلى­مىز!», ««العىس ايتۋ كۇنى مەرەكەسى – ەلى­­مىزدەگى بارلىق ۇلت پەن ۇلىستى ءبىر شا­ڭى­راق استىنا توپتاستىراتىن, بىرىك­تىرەتىن مەرەكە», «العىس ايتۋ كۇنى مەرە­كەسى ءار قازاقستاندىقتىڭ جۇرە­گىنە جا­قىن, جارقىن مەرەكە», دەگەن پىكىر­لەرىن جەتكىزدى. ماقتاارالداعى ءتۇرلى ەتنوس وكىل­دە­رى­نىڭ ءوزارا سەنىمى مەن تاتۋلىعىنا شۇكىرشىلىك ەتە وتىرىپ, ءبىز سىزگە وتە ريزامىز. قازاقستاندى بەيبىتشىلىك پەن تىنىشتىقتىڭ ورداسىنا اينالدىرا العانىڭىز ءۇشىن. جانە دە ەكونوميكانى دامىتۋعا, تۇرمىسىمىزدى جاقسارتۋعا بارىنشا اتسالىسىپ جاتقانىڭىز ءۇشىن ءبىز سىزگە شىنايى العىسىمىزدى بىلدىرەمىز. بۇكىل الەمدە قارجى داع­دارىسىنىڭ بولىپ جاتقانىنا قارا­ماستان 2015 جىلعى 30 قاراشاداعى قازاقستان حالقىنا جولداۋىڭىزدان كەيىن 2016 جىلى قاڭتار ايىنان باس­تاپ زەينەتاقىمىز, جالاقىمىز كو­بەيدى. ءسىزدىڭ ساياساتىڭىزدى قولداپ, قۋاتتاپ, حالىققا جاساپ جاتقان ءىس-ارەكەتتەرىڭىزدى, ەلدىڭ ىنتىماعىن, تاتۋ­لىعىن ساقتاۋ جانە نىعايتۋ باعى­تىن­داعى جۇمىستارىڭىزدى باعا­لاپ, ءبىز, «شاڭىراق» وتباسى كلۋبى ەڭ العاشقى العىسىمىزدى سىزگە ايتۋدى جانە «ال­عىس ايتۋ كۇنىمەن» قۇتتىقتاۋدى ءجون سانا­دىق. قازاقستاندى وركەندەتۋ جو­لىن­دا ايانباي ەڭبەك ەتە بەرىڭىز, سىزگە مىق­تى دەنساۋلىق, قاجىماس قايرات تىلەيمىز...». «شاڭىراق» وتباسى كلۋبىنىڭ جە­تەك­شىسى كاميرا ءومىرباي العىس ايتۋ كۇنىنە وراي ۇيىمداستىرىلعان شارادا: «ساياسي قۋعىن-سۇرگىن جىلدارىندا قازاقستانعا جەر اۋدارىلعان ءتۇرلى ۇلت پەن ۇلىس وكىلدەرىنە حالقىمىزدىڭ سون­داعى قولداۋى مەن كەڭپەيىلىن ۇلگى-ونەگە رەتىندە بايانداپ, باۋىرمالدىقتى بارىن­شا ناسيحاتتاۋدىڭ ءجونى بولەك. قا­زاق حال­قىنىڭ قيىن-قىستاۋ زاماندا ولار­دىڭ باسىنا تۇسكەن اۋىرتپالىقتى قايىس­پاي بىرگە كوتەرىسكەنى بۇگىنگى تاڭدا ەلى­مىزدەگى ءتۇرلى ەتنوس وكىلدەرى قا­رىم-قاتى­ناسىنداعى ادامگەرشىلىك قاسيەت­تەردىڭ ونەگەلى ولشەمىنە اينالۋدا. وتا­نىمىزدىڭ بولاشاعى – قا­شاندا قازاقستان حالقىنىڭ ءبىر­لىگىندە. سوندىقتان مەيىرىم مەن ىزگىلىككە نەگىز­دەلگەن العىس ايتۋ كۇنى مەرەكەسى ءتۇرلى ەتنوس وكىلدەرىنىڭ, سون­داي-اق, اتا-انا مەن بالانىڭ, باۋىر مەن باۋىردىڭ, دوس پەن دوستىڭ, كورشى مەن كورشىنىڭ اراسىنداعى مىزعىماس ىنتىماق پەن بىرلىكتى, تاتۋلىقتى نىعايتاتىن ەڭ ءبىر ەرەكشە قادىرلى مەيرام», – دەدى. مەرەكەلىك شارادا دىلدابەكوۆ اۋىل­دىق وكرۋگى «جاڭا دالا» ەلدى مەكە­نىنىڭ تۇرعىنى, قاراماعىنداعى القاپ­تان ءبىر جىلدا ەكى رەت ءونىم الاتىن شارۋا قوجالىعىنىڭ توراعاسى, ءبىر شا­ڭى­راق­تا ءۇش كەلىن جۇمساپ وتىر­عان ۇلتى تاجىك ابدىقادىر حۋداي­قۇلوۆتىڭ وتباسىنا, اتاكەنت اردا­گەر­لەر كەڭەسىنىڭ توراعاسى ەركىن جان­تورەگە, ىنتىماق اۋىلدىق وكرۋ­گىندەگى «دومالاق انا ء–نۇريلا» بوبەك­جاي با­لا­لار باقشاسىنىڭ مەڭگەرۋشىسى بال­جان تولەمەتوۆاعا, نۇرلىباەۆ اۋىل­دىق وكرۋگى, قاراقىر ەلدى مەكەنى­نىڭ تۇر­عىنى, ارميان ۇلتىنىڭ وكى­لىنە تۇر­مىسقا شىققان ورىس قىزى اننا ماي­تيسياننىڭ ۇلگىلى وتباسىنا «شاڭى­راقتىڭ» اتىنان العىس ءبىلدىرىلدى. سونىمەن قاتار, شاراعا قاتى­سۋ­شىلار اتاكەنتتەگى مۇراجايدى ارا­­لاپ تاماشالادى. اسىقاتا كەن­تىن­دە­گى «جەڭىس» مەكتەپ گيمنازيا­سىندا مۇرا­­جايدىڭ كوشپەلى ەكسپوزي­تسياسى ۇيىمداستىرىلدى. مەرەكەلىك ءىس-شارا­عا قاتىسقان كورەي, ازەربايجان, تاجىك ۇلتىنىڭ وكىلدەرى قازاقستاندى ءوز ەلىمىز دەپ سانايتىنىن, قونىس اۋدارعان اتا-بابالارى دا سولاي قۇرمەت تۇتقانىن تىلگە تيەك ەتتى. «شاڭى­راق جاراستىعى» تاريحي, تانىم­دىق, اقپاراتتىق ءىس-شارادا شاڭى­راق جاراستىعى, سىيلاستىعى تۋرالى ساباق­تار ءوتىلىپ, مەيىرىمدىلىككە, قايى­رىمدىلىققا تاربيەلەۋ ماسەلەلەرى, وتباسى قۇندىلىقتارى ورتاعا سالىندى. سونىمەن قاتار, ەڭبەكقور, ۇلگىلى, تاتۋ وتباسىلارعا نازار اۋدارىلىپ, جاس ۇرپاقتى وتباسىلىق ومىرگە دايىن­داۋ ماقساتىندا قوعامدىق ۇيىم­دار­دىڭ, ەلدى مەكەندەردەگى اۋىل, كوشە بي­لەرىنىڭ, مەكتەپتەردەگى جانە بالا­لار باق­شاسىنداعى اتا-انالار كومي­تەتتەرىنىڭ ءرولىن ارتتىرۋعا ايرىقشا كوڭىل ءبولىندى. بۇل رەتتە قاراپايىم ەڭبەك يەسى اجدار يبراگيموۆ ەلباسىنا ءوز العىسىن بىلدىرسە, تىل ارداگەرى ءجۇنىس ۇسەنتاەۆ «ۇلگىلى وتباسى», «ەڭ­بەك­­قور وتباسى» نومي­ناتسياسىنىڭ يەگەر­­لەرى ناحا­نوۆ پەن يبراگيموۆ وتبا­­سى­­لارىنا, ىنتىماعى جاراسقان جاس وت­­با­سىلار رەگينا مەن الەكسەي بوگ­دا­­نوۆقا, جانىبەك اسانوۆ پەن ەكاتە­رينا چيچاي­كينا­عا اق باتاسىن ار­نادى. ال, «التىن القا» يەگەرى, اسپازشى, قازاق جىگى­­تىنە تۇرمىسقا شىققان ورىس قىزى نادەجدا سەرداليەۆا قازاقتىڭ كەلىنى رە­تىندە كوپشىلىككە سالەم سالىپ, العىس ايتۋ كۇنى مەرەكەسىنە وراي حالقى­­مىز­­دىڭ سالت-ءداستۇرى بويىنشا «ءسۇيىن­شى سۇراۋ», «قوناق كادە» جاساۋ ءداس­تۇرلەرىن جاڭعىرتتى, قاسىم امان­جولوۆتىڭ «تۋعان جەر» ولەڭىن ناقى­شىنا كەلتىرىپ وقىپ بەر­دى. العىس ايتۋ كۇنىنە وراي ءىس-شارا­لار وتكىزۋ با­رى­سىندا «ءوزارا كومەك­تەسۋ» قايى­رىمدىلىق اكتسياسى ۇيىم­داستى­رىلدى. وسى اكتسياعا اسى­قاتا كەنتى­نىڭ, ىنتىماق اۋىلدىق وكرۋگ­تەرىنىڭ كاسىپكەرلەرى جاعدايى تومەن 15 وتباسىن ازىق-ت ۇلىكپەن قامتاماسىز ەتۋ­گە, وقۋشىلارعا تەگىن تۇرمىستىق قىز­مەت كورسەتۋگە كومەكتەستى. قارشىعا كۇلەن. وڭتۇستىك قازاقستان وبلىسى.