بىلىكتى كادر – ءتيىمدى جۇمىس تەتىگى

«سامۇرىق-قازىنا» ۇلتتىق ءال-اۋقات قورىنىڭ شتات قۇرامى جاڭارۋدا. وعان وتكەن جىلى جاريا ەتىلگەن جاڭا ۇيىمداستىرۋ قۇرىلىمىن جاساقتاۋ شارالارى سەپتىگىن تيگىزۋدە. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە حولدينگتىڭ جاڭا كادرلىق ساياساتى تۋرالى وتكەن ءباسپاسوز ءماسليحاتىندا ايتىلدى. «ۇيىمداستىرۋ قۇرىلىمىن وڭتايلاندىرۋ جۇمىسى جۇرگى­زىلىپ جاتىر. ءبىز باسقارۋشى قۇ­رام­دى 16 ادامنان 9 ادامعا دەيىن قىسقارتتىق, سونداي-اق, قىز­مەت­كەرلەر سانىن 15 پايىزعا دەيىن قىس­قارتۋدى كوزدەپ وتىرمىز», دەدى قوردىڭ باسقارما مۇشەسى – ادام رەسۋرستارىن باسقارۋ ءجو­نىندەگى باسقارۋشى ديرەكتور ۇلان تاجىباەۆ. ونىڭ ايتۋىنشا, بىلىكتىلىك تالاپتارىنىڭ كۇ­شەيۋىنە بايلانىستى سوڭعى ەكى جىلدا قور شتاتى 65 پايىزعا جاڭارعان. جاقىن ارادا 22 پايىزعا دەيىن جاڭارتۋ جوسپارلانىپ وتىر. «قوردىڭ جاڭارعان قىزمەت- كەرلەرى حالىقارالىق تاجىريبە مەن ستاندارتتاردى يگەرگەن جو­عارى بىلىكتى ماماندار بولۋى ءتيىس. سونىمەن قوسا, ەلدىڭ الدىندا تۇرعان, حالىقارالىق اۋقىمداعى كۇردەلى مىندەتتەردى ورىنداۋعا بىلىگى مەن قۇلشىنىسى بولۋى شارت», دەدى ۇ.تاجىباەۆ. قورداعى باسشىلىق قىزمەتكە ۇمىتكەرلەردى ىرىكتەۋ ءۇش باعىت بويىنشا جۇرگىزىلىپ جاتىر. ياعني, كوم­پانيالار توبىنىڭ ءوز ىشىنەن, قازاقستان نارىعىنان جانە شەتەلدەن تالانتتى, بىلىكتى قىزمەتكەرلەردى ىزدەپ تابۋ. شەتەل­دىك مامانداردى جۇمىسقا تارتۋ­داعى ماقسات ولاردىڭ قازاق­­ستان­­دىق ارىپتەستەرىمەن ءتاجىري­بەسىن, ءبى­لىمىن ءبولىسۋ بولىپ تابىلادى. بۇگىنگى تاڭدا «سامۇرىق- قازىنا» ۇلتتىق ءال-اۋقات قو­رىن­دا ءتورت شەتەلدىك مامان قىز­مەت اتقارادى ەكەن. ونىڭ ەكەۋى توپ دەڭگەيىندە, ەكەۋى كە­ڭەس­­شى قىزمەتىندە. بۇل تۋرالى كوم­پا­نيا­نىڭ باسقارۋشى ديرەكتورى دارحان قالەتاەۆ اتاپ ءوتتى. «ءبىز شەتەلدىك مامانداردى جۇمىسقا العان كەزدە الدىمەن ولاردىڭ دەڭ­گەيىنە ءمان بەرەمىز. نەگىزىنەن, ونداي مامان قازاقستاندا جوق بولسا عانا شەتەلدىكتەردىڭ قىزمەتىنە جۇگىنەمىز. ولارعا قويىلاتىن تالاپ – جەرگىلىكتى مامانداردى ءۇي­رەتۋ, ءوسىرۋ. وزدەرى كەتكەن سوڭ, ور­نى­نا ادام قالدىرۋ. حالىقارالىق دەڭ­گەيدەگى تاجىريبەنى «سامۇرىق-قازىناعا» ەنگىزۋ», دەدى د.قالە­تاەۆ. سونداي-اق, ونىڭ ايتۋىنشا, شەتەلدىكتەرگە ءوز جۇمىسى بويىن­شا ناقتى تالاپتار قويىلادى. وتان­دىق مامانداردى جۇمىسقا تار­تۋ كەزىندە قور شەتەلدىك وقۋ ورىن­دارى تۇلەكتەرىن بىرىكتىرەتىن «بولا­شاق» اسسوتسياتسياسىمەن جانە «قازاليانس» ۇيىمىمەن تىكەلەي بايلانىس ورناتىپ وتىر. ال باسقارما توراعاسىنىڭ كەڭەسشىسى دەنيەل كريۋسبەرگ ءوز كەزەگىندە قورعا قىزمەتكەرلەردى الۋ كەزىندە اشىقتىق پەن ءادىل­دىكتى باسشىلىققا الاتىندارىن جەتكىزدى. «ءبىز رەسمي سايتىمىزدا بوس ورىنداردىڭ بار­لى­عىن دا اشىق جاريا ەتىپ وتىرمىز جانە كەز كەلگەن ۇمىتكەردىڭ وسى ۆاكانسيالارعا ءوتىنىش بەرۋى­­نە بولادى. سايتتا ءار كونكۋرس­تىڭ ناتيجەسى تۇراقتى جاريا­لانىپ وتىر. سوندىقتان, جۇرت­شى­­لىق ادىلدىك قاعيداسىنىڭ ساق­­تالعانىنا, بوس ورىندارعا كون­كۋرس­تىق ىرىكتەۋدىڭ 8 ساتىسىنان وتكەن كانديداتتاردىڭ جۇمىسقا تۇر­عانىنا كوز جەتكىزە الادى», دەدى د.كريۋسبەرگ. قور توبىنداعى جۇمىسقا ورنالاسۋ ۇدەرىسىنىڭ اشىقتىعىنىڭ ارقاسىندا بوس ورىندارعا قاتىسۋ كورسەتكىشى دە بارىنشا جاقسارعان. مىسالى, 2015 جىلى جاريا ەتىلگەن 19 بوس ورىنعا 982 ۇمىتكەر تىركەلسە, سولاردىڭ ىشىندە 211 ۇمىتكەر تەستىلەۋگە قا­تىس­تى. 104 ۇمىتكەر كاسىبي ءبىلى­گىن انىقتاۋ تەستىنەن سۇرىنبەي وتسە, 65 ادام تىلدەردى مەڭگەرۋ تەس­تىنەن, 62 ادام قابىلەتتىلىك تەستى­نەن جاقسى ناتيجە كورسەتكەن. 42 ءۇمىت­كەر القالىق تالقىلاۋعا جىبەرىلىپ, 19 ادام قورعا جۇمىسقا الىنعان. دينارا بىتىكوۆا, «ەگەمەن قازاقستان».