الەم-جالەم الەم
اۋستراليانىڭ جاڭا وڭتۇستىك ۋەلس جەرىندە سۇمدىق وقيعا ورىن الدى. جوعارعى كەرۋەتتە ۇيىقتاپ جاتقان التى جاسار تايلەرگە پيتون شابۋىل جاسادى.
الىپ جىلان ونىڭ بەتى مەن قولىنا جابىسا كەتكەن. سول كەزدە بالانىڭ ايقايىنان ويانىپ كەتكەن اناسى تامارا بولمەگە كەلىپ, ۇلىن اجداھانىڭ ارانىنان امان الىپ قالادى. بالا اۋىر جاراقاتپەن اۋرۋحاناعا تۇسكەن.
سوتقار حوككەيشى مۇز ۇستىندە تورەشىمەن توبەلەستى
كانادا حوككەيشىسى وليۆە ماركوتت ماتچ كەزىندە مۇز ايدىنى ۇستىندە تورەشىمەن توبەلەسىپ, سونىڭ سالدارىنان بىردەن پوليتسەيلەردىڭ تۇتقىنىنا ءتۇستى.
وقيعا ۇيەڭكى جاپىراعى ەلىنىڭ جاستار ليگاسىنداعى شەربرۋكتىڭ «حوكي-ەكسپەرتس» جانە نيكولانىڭ «پەترولەۋم ا.ا.» كوماندالارى اراسىنداعى ماتچ كەزىندە ورىن العان. قاپتالداعى ءاربيتردىڭ شەشىمىنە ريزا بولماعان شەربرۋكتىڭ 21 جاستاعى ويىنشىسى وعان بىردەن تاپ بەرەدى. بىراق رەفەري دە قاراپ تۇرا قويماپتى. ال حوككەيشىنى پوليتسەيلەر قولىنا كىسەن سالىپ الىپ كەتتى.
اپەلسين فەستيۆالىنەن 70 ادام زارداپ شەكتى
يتاليانىڭ يۆرەا قالاسىندا وتكەن جىل سايىنعى ءداستۇرلى اپەلسينمەن شايقاس فەستيۆالىنىڭ سوڭى وعان قاتىسقان 70 ادام ءۇشىن اۋرۋحانا توسەگىنە جاتۋمەن اياقتالدى.
ولاردىڭ بارلىعى دا اپەلسينمەن ۇرىپ, شايقاسۋ بارىسىندا باستارىنان قاتتى سوققىلار العان بولىپ شىقتى. تاعى 28 ادام گلينتۆەين مەن شاراپتى شامادان تىس ءىشىپ, ونىڭ دوزاسىن ارتتىرىپ العاندارى ءۇشىن توسەككە تاڭىلىپتى. بۇلاردىڭ اراسىندا 12 جاسار بالا دا بار. جالپى, بيىل قالادا اپەلسين شايقاسىنا 7 مىڭنان استام بيلەت ساتىلىپتى.
«قۇس جولىنىڭ» ارعى جاعى – جاڭا گالاكتيكالار
استرونوم-عالىمدار «قۇس جولى» جۇلدىزدار شوعىرىنىڭ ارعى جاعىندا كوپتەگەن گالاكتيكالاردىڭ جاتقانىن انىقتادى.
مۇنى 1969 جىلى ايعا العاشقى ادام اياعىنىڭ قادام باسقانىن كورسەتكەن تەلەسكوپ تاپتى. عالىمدار بۇل ماڭايدان 833 گالاكتيكانىڭ تابىلعانىن مالىمدەدى. بۇلاردىڭ ۇشتەن ءبىرىن ولار ەشقاشان كورمەگەن ەكەن. جاڭالىق راديوتولقىنداردى ولشەيتىن يننوۆاتسيالىق قابىلداعىشتىڭ ارقاسىندا اشىلىپتى.
مەيرامحانادا مولليۋسكا اراسىنان جاقۇت تابىلدى
امەريكالىق ءبىر ايەل رەستوراندا مولليۋسكا جەپ وتىرىپ, ونىڭ ىشىنەن تابيعاتتا وتە سيرەك كەزدەسەتىن جاقۇت تاس تاۋىپ الىپتى.
مۇنداي قازىناعا تاپ كەلگەن ۆاشينگتون شتاتىنداعى يسااك قالاسىنىڭ تۇرعىنى ليندسەي حاستس سول ساتتە كۇيەۋىمەن بىرگە يتاليا تاعامدارىنىڭ Montalcino Ristorante Italiano مەيرامحاناسىندا تاماقتانىپ وتىرعان ەكەن. ول ءبىر ءسات اۋزىنا قاتتى بىردەڭەنىڭ تيگەنىن بايقايدى. ونى قولىمەن اقىرىن الىپ شىعارعان كەلىنشەك سوسىن قىزىق ءۇشىن قاعازعا وراپ, قالتاسىنا سالىپ الادى. ال ۇيىنە كەلىپ زەرتتەپ كورگەنىندە, حاستس اسا قىمبات باعالى مارجان تاسقا كەزىككەنىن بىلە قويادى.
وقۋشى اتىن بۇركەنىپ كەلىپتى
اقش پوليتسياسى كەيىن انىقتالعانداي, 23 جاسار ۋكراين جىگىتى بولىپ شىققان «وقۋشىنى» قاماۋعا الدى. سويتسە, ول ۆيزاسىنىڭ مەرزىمى ءوتىپ كەتكەندىكتەن, جاساندى قۇجاتتاردى پايدالانىپ كەلىپتى.
اڭگىمە امەريكاعا قىسقا مەرزىمدى ۆيزامەن كەلگەن ۋكراينالىق ارتۋر سامارين تۋرالى بولىپ وتىر. پەنسيلۆانيا شتاتىنداعى حارريسبۋرگ قالاسىنىڭ مەكتەبىندە ول ەشەر پوتتس دەگەن اتپەن تىركەلىپ كەلىپتى. ونىڭ قۇجاتتارىنىڭ جالعان ەكەنىن بىلگەن پوليتسيا ۋكراين ازاماتىن قاماۋعا العان. قازىر جىگىتكە مالىمەتتەردى ۇرلادى جانە قۇجاتتاردى قولدان جاسادى دەگەن ايىپ تاعىلىپ وتىر.
اقپارات اگەنتتىكتەرىنىڭ ماتەريالدارى نەگىزدە دايىندالدى.
اۋستراليانىڭ جاڭا وڭتۇستىك ۋەلس جەرىندە سۇمدىق وقيعا ورىن الدى. جوعارعى كەرۋەتتە ۇيىقتاپ جاتقان التى جاسار تايلەرگە پيتون شابۋىل جاسادى.
الىپ جىلان ونىڭ بەتى مەن قولىنا جابىسا كەتكەن. سول كەزدە بالانىڭ ايقايىنان ويانىپ كەتكەن اناسى تامارا بولمەگە كەلىپ, ۇلىن اجداھانىڭ ارانىنان امان الىپ قالادى. بالا اۋىر جاراقاتپەن اۋرۋحاناعا تۇسكەن.
سوتقار حوككەيشى مۇز ۇستىندە تورەشىمەن توبەلەستى
كانادا حوككەيشىسى وليۆە ماركوتت ماتچ كەزىندە مۇز ايدىنى ۇستىندە تورەشىمەن توبەلەسىپ, سونىڭ سالدارىنان بىردەن پوليتسەيلەردىڭ تۇتقىنىنا ءتۇستى.
وقيعا ۇيەڭكى جاپىراعى ەلىنىڭ جاستار ليگاسىنداعى شەربرۋكتىڭ «حوكي-ەكسپەرتس» جانە نيكولانىڭ «پەترولەۋم ا.ا.» كوماندالارى اراسىنداعى ماتچ كەزىندە ورىن العان. قاپتالداعى ءاربيتردىڭ شەشىمىنە ريزا بولماعان شەربرۋكتىڭ 21 جاستاعى ويىنشىسى وعان بىردەن تاپ بەرەدى. بىراق رەفەري دە قاراپ تۇرا قويماپتى. ال حوككەيشىنى پوليتسەيلەر قولىنا كىسەن سالىپ الىپ كەتتى.
اپەلسين فەستيۆالىنەن 70 ادام زارداپ شەكتى
يتاليانىڭ يۆرەا قالاسىندا وتكەن جىل سايىنعى ءداستۇرلى اپەلسينمەن شايقاس فەستيۆالىنىڭ سوڭى وعان قاتىسقان 70 ادام ءۇشىن اۋرۋحانا توسەگىنە جاتۋمەن اياقتالدى.
ولاردىڭ بارلىعى دا اپەلسينمەن ۇرىپ, شايقاسۋ بارىسىندا باستارىنان قاتتى سوققىلار العان بولىپ شىقتى. تاعى 28 ادام گلينتۆەين مەن شاراپتى شامادان تىس ءىشىپ, ونىڭ دوزاسىن ارتتىرىپ العاندارى ءۇشىن توسەككە تاڭىلىپتى. بۇلاردىڭ اراسىندا 12 جاسار بالا دا بار. جالپى, بيىل قالادا اپەلسين شايقاسىنا 7 مىڭنان استام بيلەت ساتىلىپتى.
«قۇس جولىنىڭ» ارعى جاعى – جاڭا گالاكتيكالار
استرونوم-عالىمدار «قۇس جولى» جۇلدىزدار شوعىرىنىڭ ارعى جاعىندا كوپتەگەن گالاكتيكالاردىڭ جاتقانىن انىقتادى.
مۇنى 1969 جىلى ايعا العاشقى ادام اياعىنىڭ قادام باسقانىن كورسەتكەن تەلەسكوپ تاپتى. عالىمدار بۇل ماڭايدان 833 گالاكتيكانىڭ تابىلعانىن مالىمدەدى. بۇلاردىڭ ۇشتەن ءبىرىن ولار ەشقاشان كورمەگەن ەكەن. جاڭالىق راديوتولقىنداردى ولشەيتىن يننوۆاتسيالىق قابىلداعىشتىڭ ارقاسىندا اشىلىپتى.
مەيرامحانادا مولليۋسكا اراسىنان جاقۇت تابىلدى
امەريكالىق ءبىر ايەل رەستوراندا مولليۋسكا جەپ وتىرىپ, ونىڭ ىشىنەن تابيعاتتا وتە سيرەك كەزدەسەتىن جاقۇت تاس تاۋىپ الىپتى.
مۇنداي قازىناعا تاپ كەلگەن ۆاشينگتون شتاتىنداعى يسااك قالاسىنىڭ تۇرعىنى ليندسەي حاستس سول ساتتە كۇيەۋىمەن بىرگە يتاليا تاعامدارىنىڭ Montalcino Ristorante Italiano مەيرامحاناسىندا تاماقتانىپ وتىرعان ەكەن. ول ءبىر ءسات اۋزىنا قاتتى بىردەڭەنىڭ تيگەنىن بايقايدى. ونى قولىمەن اقىرىن الىپ شىعارعان كەلىنشەك سوسىن قىزىق ءۇشىن قاعازعا وراپ, قالتاسىنا سالىپ الادى. ال ۇيىنە كەلىپ زەرتتەپ كورگەنىندە, حاستس اسا قىمبات باعالى مارجان تاسقا كەزىككەنىن بىلە قويادى.
وقۋشى اتىن بۇركەنىپ كەلىپتى
اقش پوليتسياسى كەيىن انىقتالعانداي, 23 جاسار ۋكراين جىگىتى بولىپ شىققان «وقۋشىنى» قاماۋعا الدى. سويتسە, ول ۆيزاسىنىڭ مەرزىمى ءوتىپ كەتكەندىكتەن, جاساندى قۇجاتتاردى پايدالانىپ كەلىپتى.
اڭگىمە امەريكاعا قىسقا مەرزىمدى ۆيزامەن كەلگەن ۋكراينالىق ارتۋر سامارين تۋرالى بولىپ وتىر. پەنسيلۆانيا شتاتىنداعى حارريسبۋرگ قالاسىنىڭ مەكتەبىندە ول ەشەر پوتتس دەگەن اتپەن تىركەلىپ كەلىپتى. ونىڭ قۇجاتتارىنىڭ جالعان ەكەنىن بىلگەن پوليتسيا ۋكراين ازاماتىن قاماۋعا العان. قازىر جىگىتكە مالىمەتتەردى ۇرلادى جانە قۇجاتتاردى قولدان جاسادى دەگەن ايىپ تاعىلىپ وتىر.
اقپارات اگەنتتىكتەرىنىڭ ماتەريالدارى نەگىزدە دايىندالدى.
