جامبىل وبلىسى قىزىلشا ءوسىرۋدى كوبەيتپەك

تاراز. 26 اقپان. جامبىل وبلىسى باعالى تەحنيكالىق داقىل ەگۋدى قايتا جاڭعىرتپاقشى. 2015 جىلى جامبىلدىق اگرارشىلار 5,3 مىڭ گەكتار قىزىلشا ەكتى, 2016 جىلى ونى 12 مىڭ گەكتارعا جەتكىزۋ جوسپارلانۋدا. بۇل تۋرالى egemen.kz ءتىلشىسى حابارلادى. «بۇل داقىلدان تۇسەتىن پايدا كوپ. قىزىلشا قىزاناق, قيار سياقتى تەز بۇزىلمايدى. شارۋاشىلىقتى دامىتۋ حالىقتى جۇمىسپەن قامتۋ سىندى ماڭىزدى مىندەتتى دە شەشەدى. قىزىلشانى كوپ ەكسەك, سونشا جۇمىس كۇشى بولادى. ءتاتتى داقىلدى جيناۋعا ءتىپتى مەملەكەتتىك مەكەمە قىزمەتكەرلەرىن جۇمىلدىرعان كەزەڭ ەستەرىڭدە بولار», – دەدى جامبىل وبلىسىنىڭ اكىمى كارىم كوكىرەكباەۆ. وبلىس باسشىسى اۋدان اكىمدەرىنە وڭىردە قانت قىزىلشاسىنىڭ الاڭىن ودان ءارى كەڭەيتۋدى قولعا الۋىن, تاراز, مەركە قانت زاۋىتتارىن ءوزىمىزدىڭ شيكىزاتپەن قامتاماسىز ەتۋدى تاپتسىردى. بيىل قىزىلشا ەگۋ شارۋاشىلىعى ءۇشىن بيۋدجەتتەن 420 ملن. تەڭگە ءبولىندى, ونىڭ 220 ملن. تەڭگەسى تۇقىم ساتىپ الۋعا, ال 200 ملن. تەڭگە تەحنيكا ساتىپ الۋعا جۇمسالادى. جامبىل وبلىسى اكىمىنىڭ ورىنباسارى ابدالى نۇراليەۆتىڭ ايتۋىنشا, بيىل ءتاتتى تۇقىم ءوسىرۋ ءۇردىسىن ەككەننەن جيناعانعا دەيىن ارنايى كوميسسيا باقىلايتىن بولادى. «جۇمىس جۇرگىزىلۋدە. ارنايى تەحنيكا ساتىپ الىپ جاتىرمىز. قانت زاۋىتتارىنىڭ ساتىپ الۋ باعاسى سۋبسيديالانۋدا», – دەپ اتاپ ءوتتى ول. ورالحان ءداۋىت. دەرەك: egemen.kz. سۋرەت: kaztrk.kz.