وتكەن جىلى اتىراۋدىڭ اۋداندارىندا 600 پاتەر پايدالانۋعا بەرىلدى

اتىراۋ. 26 اقپان. اتىراۋ وبلىسىنىڭ اۋداندارىندا بىلتىرعى جىلدىڭ اياعىندا 600 پاتەر جانە ارقايسىسىندا 1 پاتەرلىك 10 ءۇي پايدالانۋعا بەرىلدى. بۇل تۋرالى اتىراۋ وبلىسىنىڭ اكىمى باقتىقوجا ىزمۇحامبەتوۆتىڭ مالىمدەمەسىنە سىلتەمە جاساعان egemen.kz ءتىلشىسى حابارلادى. ەلىمىزدىڭ وزگە وڭىرلەرى سەكىلدى اتىراۋ وبلىسىندا دا تۇرعىن ءۇي قۇرىلىسى قارقىندى جۇرگىزىلىپ كەلەدى. ءبىر ەرەكشەلىگى, وبلىس ورتالىعى – اتىراۋ قالاسىندا عانا ەمەس, اۋدانداردا دا تۇرعىن ۇيلەر سالۋ قولعا الىندى. ەلىمىز تاۋەلسىزدىگىن العالى بەرى اتىراۋ وبلىسىنىڭ اۋداندارىندا بىردە-ءبىر كوپ قاباتتى تۇرعىن سالىنباعان ەكەن. «بۇرىن-سوڭدى بولماعان جاعداي, اۋدان ورتالىقتارىنان 600 پاتەر تاپسىرىلدى. اۋداندار ورتالىقتارى – قۇلسارى قالاسى مەن يندەربور, اققىستاۋ جانە گانيۋشكيننەن ءۇش قاباتتى 60 پاتەرلىك 9 ءۇي سالىنىپ تاپسىرىلدى. ودان بولەك, قۇلسارىدان باسقا اۋدان ورتالىقتارىنىڭ بارىنەن ارقايسى 1 پاتەرلىك 10 ۇيدەن سالىندى. بۇل جۇمىس جالعاسادى. ماقات, دوسسور, يندەربور, اققىستاۋ, گانيۋشكين جانە ماحامبەتتەن 60 پاتەرلىك تاعى التى تۇرعىن ءۇيدىڭ قۇرىلىسىن NCOC كومپانياسىنىڭ دەمەۋشىلىگىمەن بيىلعى العاشقى جارتى جىلدىقتا باستايمىز», – دەپ ءمالىم ەتتى اتىراۋ وبلىسىنىڭ اكىمى باقتىقوجا ىزمۇحامبەتوۆ. جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.