قوستاناي. 26 اقپان. قوستانايعا ينۆەستيتسيالار جانە دامۋ ءمينيسترى اسەت يسەكەشەۆ كەلدى. ول وبلىس اكىمى ارحيمەد مۇحامبەتوۆپەن كەزدەستى. سونداي-اق, «اگروماشحولدينگ» جانە «سارىاركااۆتوپروم» ماشينا جاساۋ زاۋىتتارىنىڭ وندىرىستىك الاڭىنا كەلىپ, شەتەلدىك ينۆەستورلارمەن كەڭەس وتكىزدى .ولارمەن ەكى جانە ءۇش جاقتى مەموراندۋمعا قول قويىلدى. بۇل تۋرالى egemen.kz ءتىلشىسى حابارلادى.
قوستاناي ماشينا جاساۋ زاۋىتتارىنا مينيسترمەن قاتار وسى سالاعا ينۆەستيتسيا قۇيۋعا دايار فرانتسيا, قىتاي جانە رەسەي كومپانيالارىنىڭ وكىلدەرى دە كەلدى. AllurGroup ديرەكتورلار كەڭەسىنىڭ توراعاسى اندرەي لاۆرەنتەۆ بايانداعانداي, 2016 جىلى قوستانايداعى ماشينا جاساۋ ىسىنە 8,6 ميلليارد تەڭگە قۇيىلادى. جىلىنا 40 مىڭ اۆتوموبيل ساپقا قويىلماق. الايدا, ەۋرازيالىق ەكونوميكالىق وداق ەلدەرى كەدەن شارتى بويىنشا ەكسپورتقا شىعاراتىن تاۋارلاردىڭ 50 پايىزى وتاندىق ءونىم بولۋى ءتيىس. سوندىقتان قوستانايداعى ماشينا قۇراستىرۋ زاۋىتتارىندا شەتەلدىك برەندتەردىڭ 50 پايىزىنا دەيىن جەرگىلىكتى جەردە جاسالۋى شارت. شەتەلدىك ينۆەستورلارمەن وسىنداي كەلىسىمگە كەلۋىمىز كەرەك. بۇعان شەتەلدىك ينۆەستورلار دا كەت ءارى ەمەس.
قوستانايلىق اۆتوموبيلدەر نەگىزىنەن رەسەيگە شىعارىلاتىن بولادى.
ءنازيرا جارىمبەتوۆا.
دەرەك, سۋرەت: egemen.kz.
