ەلمەن بىرگە وتكەن ەلۋ جىل

تاحاۋي احتانوۆ اتىنداعى وب­لىستىق دراما تەاترىندا «قازاق­ستان-اقتوبە» وبلىستىق تەلەارنا­سى ءوزىنىڭ جارتى عاسىرلىق مە­رەي­تويىن اتاپ ءوتتى. بۇعان دەيىن التى اۋداندا كورەرمەندەرمەن «التىن ميكروفون» اتتى كەزدەسۋلەر ءوت­كىزىپ, جۇرتشىلىق پەن ەكى اراداعى بايلانىستى نىعايتا تۇسكەن وب­لىستىق تەلەارنانىڭ ەلۋ جىلدىق وتكەن جولى سالتاناتتى كەشكە جي­نالعاندارعا بەينەفيلم ارقىلى تانىستىرىلدى. «ەلۋ جىل سىزدەرمەن بىرگەمىز» اتتى مەرەكەلىك سال­تا­ناتتا «قازاقستان-اقتوبە» تەلە­ارنا­سىنىڭ ديرەكتورى راۋكەن وت­ىن­شين شىعارماشىلىق ۇجىمنىڭ وتكەن جولى, بۇگىنگى تىنىس-ءتىر­شىلىگى جايلى اڭگىمەلەدى. قازىر تەلەارنا وبلىستىڭ 132 ەلدى مەكەنىنە حابار تاراتادى. وب­لىس اكىمى ەلەۋسىن ساعىندىقوۆتىڭ قول­دا­ۋى ناتيجەسىندە اقتوبەلىكتەر وب­لىس­تىق تەلەارنا حابارلارىن بۇ­رىنعىداي تاۋلىگىنە ءبىر ساعات ەمەس, 14 ساعات كورە الادى. سونداي-اق, تە­لەارنانىڭ ستۋديادان تىس جەرلەردەن تىكەلەي حابار بەرەتىن ءمۇم­كىن­دىگى بار. سالتاناتتى ساتتە تەلە­ار­نانىڭ باستاۋىندا تۇرعان اردا­گەر­لەردىڭ ەسىمدەرى قۇرمەتپەن اتالدى. وبلىس اكىمىنىڭ ورىنباسارى رو­زا كەمالوۆا ءبىر توپ قىزمەتكەرگە وبلىس اكىمى ەلەۋسىن ساعىن­دى­قوۆ­تىڭ اتىنان العىس حات پەن اقشا­لاي سىيلىق, ءبىر پاتەردىڭ سەرتي­في­كاتىن تاپسىردى. قالا اكىمى ارحيمەد مۇحامبەتوۆ بىرقاتار قىزمەت­كەرلەرگە سىي-سياپات جاسادى. «سنپس-اقتوبەمۇنايگاز» اكتسيونەر­لىك قو­عامى باس ديرەكتورىنىڭ ورىن­با­سا­رى تاقتاليفۋم ەسەنعۇلوۆ شىعار­ما­شىلىق ۇجىمعا الدا دا تىڭ تا­بىستار تىلەدى. «قازاقستان» تەلە­كوم­پانياسى توراعاسىنىڭ ورىن­با­سارى قاينار ولجاي وبلىستىق تە­لەارنانىڭ وزگە وڭىرلەردەگى فيليالداردان وزىق تۇرعانىنا توقتالا كەلىپ, ۇجىمداعى سوڭعى جىلدار­داعى سونى ىزدەنىستەردى اتاپ ءوتتى.اتى­راۋلىق جۋرناليست ايتقالي نۇر­عاليەۆ مۇنايلى وڭىردە تەلەارنا اشىلعاندا اقتوبەلىك ءارىپ­تەس­تەرى كوپ كومەك بەرگەنىن جۇرت­شىلىق جادىندا جاڭعىرتتى. سالتاناتتى ءسات اسەم انمەن ءاد­­ىپ­تەلىپ, كۇمبىرلەگەن كۇيمەن, كور­كەم بيمەن كومكەرىلدى. ساتىبالدى ءساۋىرباي. اقتوبە وبلىسى.