جاسالعان جاعدايعا – قايتارىمدى قىزمەت

ەلباسى نۇرسۇلتان نازارباەۆ رەسپۋبليكالىق بيۋد­­جەتتىڭ ورىندالۋىن با­قى­لاۋ جونىندەگى ەسەپ كومي­تەتىنىڭ توراعاسى قوزى-كور­پەش ءجاڭ­بىرشيندى قابىلدادى, دەپ حابارلادى پرەزيدەنتتىڭ ءباس­پاسوز قىزمەتى. ق.جاڭبىرشين مەملەكەت باس­شىسىنا ەسەپ كوميتەتىنىڭ 2015 جىلعى جۇمىسىنىڭ نەگىزگى ناتي­جەلەرى, بيۋدجەت قاراجاتىن جوس­پارلاۋ مەن پايدالانۋدا ۇنەمى كەزدەسەتىن پروبلەمالار, سونداي-اق, الداعى كەزەڭگە ارنالعان مىندەتتەر تۋرالى باياندادى. قازاقستان پرەزيدەنتى وتكەن جىلى قابىلدانعان «مەملەكەتتىك اۋ­ديت جانە قارجىلىق باقىلاۋ تۋرالى» زاڭدى جۇزەگە اسىرۋدى جانە مەملەكەتتىك اۋديتكە ءتيىمدى تۇردە كوشۋدى قامتاماسىز ەتۋدى تاپ­سىردى. نۇرسۇلتان نازارباەۆ بۇعان قاجەتتى جاعدايلار جا­سال­عانىن, كوميتەت مارتەبەسى كوتەرىلىپ, ماقساتتارىنىڭ اياسى كەڭەيتىلگەنىن, ءتيىستى مامانداردى قايتا دايارلاۋ جۇرگىزىلىپ جاتقانىن ايتتى. سونىمەن قاتار, مەملەكەت باس­شىسى ءاۋديتتىڭ قارجى ماسە­لە­لەرىن عانا ەمەس, ورگان قىزمەتىنىڭ تيىمدىلىگىن بارلىق باعىتتا باعا­لاۋدى دا قامتۋى تيىستىگىنە نازار اۋداردى. ق.جاڭبىرشين وتكەن جىلى ەسەپ كوميتەتى 303 نىساندا 29 باقىلاۋ شاراسىن جۇرگىزگەنىن مالىمدەدى. انىقتالعان قار­جى­لىق زاڭ بۇزۋ­شى­لىقتار قۇنى­نىڭ كولەمى 2014 جىلمەن سالىس­تىرعاندا 3 ەسە ۇل­عايىپ, 1,3 تريلليون تەڭگە بولعان. باقىلاۋ شارالارىنىڭ ناتيجەسى بويىنشا ورنى تولتىرىلۋعا ءتيىس 128,8 ميلليارد تەڭگەنىڭ 87,2 ميلليارد تەڭگەسى وتەلگەن. ەسەپ كوميتەتىنىڭ توراعاسى جۇر­­گىزىلگەن تەكسەرۋلەر مەن باقى­لاۋ-تالداۋ شارالارى قورى­تىن­دىسى بويىنشا ۇكىمەتكە جانە باس­قا دا باقىلاۋ نىساندارىنا 46 ۇسى­نىم مەن 180 تاپسىرما جولدان­عانىن ايتتى. بۇل ورايدا ۇسى­نىمدار مەن تاپسىرمالاردىڭ ورىن­دالۋى تيىسىنشە 98% جانە 95,8% بولدى. ق.جاڭبىرشين بيۋدجەتتىك جانە باسقا زاڭنامالاردى بۇزعا­نى ءۇشىن 75 زاڭدى تۇلعا جانە 66 لاۋا­زىمدى تۇلعا اكىمشىلىك جاۋاپ­­كەرشىلىككە, 271 لاۋازىمدى تۇلعا تارتىپتىك جاۋاپكەرشىلىككە تار­­تىل­عانىن اتاپ ءوتتى. قۇقىق قور­­عاۋ ورگاندارىنا باقىلاۋ شا­را­­لارىنا قاتىستى 40 ماتەريال بەرىلدى. ەسەپ كوميتەتىنىڭ توراعاسى اس­تانا جانە الماتى قالا­لارى­نىڭ, سونداي-اق, وبلىستاردىڭ رەۆيزيالىق كوميسسيالارىنىڭ 2015 جىلعى قىزمەتىنىڭ نەگىزگى ناتيجەلەرى تۋرالى دا باياندادى. مەملەكەت باسشىسى كەزدەسۋ قورىتىندىسى بويىنشا مەم­لەكەتتىك اۋديت جانە قارجىلىق باقىلاۋ ورگاندارى قىزمەتىن جەتىلدىرۋ جونىندە بىرقاتار ناقتى تاپسىرما بەردى. سۋرەتتى تۇسىرگەندەر س.بوندارەنكو, ب.وتارباەۆ.