«اق جولدىڭ» جولى تالدىقورعانعا ءتۇستى

«اق جول» دەموكراتيالىق پار­تياسىنىڭ ۇگىت-ناسيحات جۇ­مىس­تارىن جۇرگىزۋى بەلسەندى باعىت الۋدا. اپتانىڭ اياعى, دەم­الىستىڭ العاشقى كۇنىنە تۇسكەن ۇگىت شارالارى ورال قالاسىنان باس­تالىپ, ودان ەلوردانىڭ تورىندە كاسىپكەرلەرمەن كەزدەسۋلەر وتكىزىلىپ, كەيىن­گىدە اتباسى تالدىقورعان قالاسىنا بۇرىلدى. اقجولدىقتار ەل ەكونو­ميكاسىن جاقسارتۋ تۇرعىسىندا وتاندىق ءونىم وندىرۋشىلەردى قولداۋ ءۇشىن تالدىقورعانعا ارنايى كەلگەن ەدى. تالدىقورعان قالاسىنداعى 740-تان استام ادام جۇمىس ىستەيتىن «قاينار» اككۋمۋلياتور زاۋىتىنا بەت بۇرعان پارتيا وكىلدەرى جىلىنا 1 800 000 دانا اككۋمۋلياتور شىعاراتىن زاۋىت جۇمىسشىلارىمەن جۇزدەستى. پارتيا توراعاسى ازات پەرۋاشەۆ پەن ونىڭ ورىنباسارى, «قازاق ءۇنى» گازەتىنىڭ پرەزيدەنتى قازىبەك يسا جانە ءماجىلىس دەپۋتاتتىعىنان ۇمىتكەرلەر قاتارىنداعى نۇرلان جازىلبەكوۆ پەن دميتري ۆاسيلەۆ قاتىسقان كەزدەسۋدىڭ ءمانى پارتيانىڭ سايلاۋالدى باعدارلاماسىن ءتۇسىندىرۋ جانە ونى جان-جاقتى تالقىلاۋ جۇمىستارىمەن ايقىندالدى. اسىرەسە, بيزنەستi قورعاۋ جانە كاسiپكەرلiك سالاسى, نارىقتىق رەفورمالار جانە ەكونوميكا, بiلiم بەرۋ مەن دەنساۋلىق ساقتاۋ, جۇمىسپەن قامتۋ, تۇرعىن ءۇي قۇرىلىسى, اگروونەركاسiپتiك كەشەن, رۋحاني-مادەني سالا, سىبايلاس جەمقورلىققا قارسى كۇرەس جانە سوت-قۇقىقتىق رەفورمالارى سىندى باسىم باعىتتار باعدارى بەلگىلى بولدى. بۇل رەتتە, وتاندىق ءونىم وندىرۋشىلەردى قولداۋ ماڭىزدى ەكەندىگى اتاپ كورسەتىلدى. سونىمەن قاتار, ەلباسى ساياساتىنىڭ ءبىر ناتيجەسى رەتىندە ەۋرازيالىق ەكونوميكالىق وداقتىڭ جۇمىسىن اتاۋعا بولاتىنىن جەتكىزگەن پارتيا توراعاسى بۇگىنگى كۇننىڭ باستى تالابى – جۇمىسشىلاردى قىسقارتپاق تۇگىلى, ولاردىڭ ايلىق جالاقىلارىن كوتەرۋ قاجەت ەكەندىگىن اتاپ ءوتتى. سوندىقتان دا ەلىمىزدە زاماناۋي تەحنولوگياسى بار, باسەكەلەستىككە قابىلەتتى كومپانيالاردى كوبەيتە ءتۇسۋ قاجەت. سوندا عانا ءبىز ەكونوميكامىزدى ودان ءارى دامىتامىز. ەگەر ءوز ەكونوميكامىزدى دامىتىپ, ىشكى سۇرانىستى وتەيتىن بولساق, ياعني قۋاتتىلىعى تالاپقا ساي اككۋمۋلياتوردى, ءارتۇرلى اياق كيىم بولسىن, سان الۋان ازىق-ت ۇلىكتى ءوزىمىز شىعارار بولساق, ەڭسەمىزبەن كوك تىرەيتىن بولامىز, دەدى ا.پەرۋاشەۆ. جالپى العاندا, ەلدەگى ەكونوميكانىڭ دامۋى, تەڭگە تۇراقتىلىعى مەن وتاندىق ونىمدەردىڭ ارتۋى جانە كاسىپكەرلىك سالاسىنا كەڭ جول اشۋ باعىتتارىن العا قويىپ وتىرعان پارتيانىڭ زاۋىتتارعا كەلىپ, ونداعى جۇمىسشىلاردىڭ جاعدايىمەن تانىسۋى — بەلسەندى جۇمىستاردىڭ ءبىر بەلەسىن ءبىلدىرىپ وتىر. بۇل رەتتە پارتيا وكىلدەرىنىڭ اتقارىپ جاتقان جۇمىستارىنا, بايىپتى باعىتى مەن ماقساتتارىنا ريزا بولعان زاۋىت قىزمەتكەرلەرى ءبىراۋىزدان وسى پارتياعا داۋىس بەرەتىندىگىن جەتكىزدى. نۇربول الدىباەۆ, «ەگەمەن قازاقستان». الماتى وبلىسى.