الماتى. 22 اقپان. الماتى قالاسىنداعى نازارباەۆ زياتكەرلىك مەكتەبىندە 23 اقپان كۇنى Audiokitap ءموبيلدى قوسىمشاسىنىڭ سالتاناتتى تانىستىرىلىمى وتەدى. بۇل تۋرالى egemen.kz ءتىلشىسى حابارلادى.
ءموبيلدى قوسىمشانى WikiBilim قوعامدىق قورى «شەۆرون» كومپانياسىنىڭ قولداۋ كورسەتۋىمەن جاساپ شىعاردى. جوبانىڭ نەگىزگى يدەياسى – كىتاپتاردى ءموبيلدى قۇرىلعىلار ارقىلى اۋديوفورماتتا قولجەتىمدى ەتۋگە باعىتتالعان, ماقساتى – ۇلتتىق ادەبيەت, عىلىم, مادەنيەتكە قاتىستى تۋىندىلاردى جيناقتاۋ جانە اۆتورلىق قۇقىقتى ساقتاي وتىرىپ كوپشىلىك اراسىندا تاراتۋ.
جوبا WikiBilim قوعامدىق قورىنىڭ دامىتىپ جاتقان «قازاقستاننىڭ اشىق كىتاپحاناسى» اتتى ونلاين جوبا نەگىزىندە جۇزەگە اسىرىلىپ وتىر.
قازىرگى تاڭدا kitap.kz – قازاقستاننىڭ اشىق كىتاپحاناسى قازاق مادەنيەتىنە قاتىستى تۋىندىلاردىڭ ەڭ تولىق ەلەكتروندىق توپتاماسىن, سونداي-اق, الەمدىك كوركەم جانە عىلىمي-كوپشىلىك ادەبيەت تۋىندىلارىنىڭ قازاق تىلىندەگى اۋدارمالارىن ۇسىنىپ وتىر.
«قازاقستاننىڭ اشىق كىتاپحاناسىندا» 500-دەن اسا اۆتوردىڭ 4000-نان اسا كىتابى, 130 اۆتوردىڭ 1500-دەن اسا اۋديوكىتابى جيناقتالعان. جوباعا ءىلياس جانسۇگىروۆ, ساكەن سەيفۋللين, مۇحتار اۋەزوۆ, عابيدەن مۇستافين, قاسىم امانجولوۆ, باۋىرجان مومىش ۇلى, زەيىن شاشكين, جۇبان مولداعاليەۆ, قاليجان بەكحوجين, ساعي جيەنباەۆ, عافۋ قايىربەكوۆ, سافۋان شايمەردەنوۆ, زەينوللا قابدولوۆ, قالتاي مۇحامەدجانوۆ, ساكەن ءجۇنىسوۆ, ءابىش كەكىلباەۆ سەكىلدى اۆتورلاردىڭ كىتاپتارى ەندى. سونىمەن قاتار, مۇحتار شاحانوۆ, سوفى سماتاەۆ, قابدەش ءجۇمادىلوۆ, شەرحان مۇرتازا, تولەن ابدىكوۆ, دۋلات يسابەكوۆ سىندى قالامگەرلەرىمىز دە ءوز تۋىندىلارىن جاريا ەتۋگە كەلىسىمىن بەردى.
Audiokitap ءموبيلدى قوسىمشاسى «قازاقستاننىڭ اشىق كىتاپحاناسىنداعى» بارلىق اۋديوكىتاپتى تەگىن تىڭداۋعا مۇمكىندىك بەرەدى. قوسىمشانى تەك ونلاين عانا ەمەس, سونداي-اق, اۋديوكىتاپتاردى قوسىمشاداعى جەكە كىتاپحاناعا جۇكتەۋ ارقىلى وففلايندا دا تىڭداۋعا بولادى. Audiokitap سمارتفونداردىڭ ەڭ تانىمال Android جانە iOS جۇيەلەرىنە بەيىمدەلىپ, قولجەتىمدى بولىپ وتىر.
ايناش ەسالي.
دەرەك, سۋرەت: egemen.kz.
