استانا. 22 اقپان. 30153 اسكەري ءبولىمىنىڭ جەكە قۇرامى اقتاۋ قالاسىندا ۇشۋ جاتتىعۋلارىن وتكىزدى. بۇل تۋرالى egemen.kz ءتىلشىسى حابارلادى.
ارمياشى ۇشقىشتار مي-8 تىكۇشاقتارى مەن 4-ءشى ۇلگىدەگى سۋ-27 ۇشاقتارىندا جاتتىقتى. بەرىلگەن تاپسىرمالارعا بايلانىستى اسكەري قىزمەتشىلەر ءارتۇرلى جاتتىعۋلاردى, ياعني, ۇشۋ, قونۋ, پيلوتاج ايماقتارىنداعى ءىس-قيمىلداردى پىسىقتادى.
«وقۋ-جاتتىقتىرۋلار وڭاي بولعان جوق. ۇشقىشتار كۇندىز-ءتۇنى اپتاسىنا قۇرام كەم دەگەندە ءۇش رەت ۇشىپ جاتتىقتى. وقۋ-جاتتىعۋلارعا اۋە قورعانىسى كۇشتەرىاسكەري ينستيتۋتىنىڭ كۋرسانتتارى قاتىستى. ولار ەكىنشى كۋرستان بەرى وقۋ-جاتتعۋعا قاتىسىپ كەلەدى. ۇشقىشتاردىڭ پسيحولوگيالىق جانە دەنە دايارلىعى دا اسا ماڭىزدى. سوندىقتان ۇشۋ الدىندا ولار مىندەتتى تۇردەگى مەديتسينالىق تەكسەرۋدەن وتەدى», دەدى اسكەري-اۋە كۇشتەرى قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پولكوۆنيك ەركىن جۇماعاليەۆ.
ۇشقىشتار وقۋ-جاتتىعۋ بازاسىندا جاتتىقتى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.
