قىتايدا كوك تۇتىننەن ارىلۋ ءۇشىن جەلدەتكىشتەر ورناتىلادى

استانا. 21 اقپان. قىتاي استاناسى بەيجىڭ قالاسىندا كوك تۇتىننەن ارىلۋ ءۇشىن ارنايى جەلدەتكىشتەر ورناتىلادى. بۇل تۋرالى bnews.kz سايتىنا سىلتەمە جاساعان egemen.kz ءتىلشىسى حابارلادى. «ارنايى قويىلعان جەلدەتكىش دالىزدەرى قالاداعى ءتۇتىن مەن شاڭ-توزاڭنان قۇتىلۋعا سەپتىگىن تيگىزەدى دەگەن ويدامىز», – دەيدى بەيجىڭنىڭ قالا قۇرىلىسى كوميتەتى باسشىسىنىڭ ورىنباسارى ۆان فەي. ونىڭ ايتۋىنشا, جەلدەتكىشتىڭ ۇزىندىعى 80 مەترگە دەيىن سوزىلۋى مۇمكىن. قالا ىشىندەگى ساياباقتار, سۋ قويمالارى سياقتى بىرنەشە ورىندار ءبىر-بىرىمەن بايلانىستىرا ورناتىلادى.بەيجىڭ قالاسىنىڭ ەكولوگياسىن جاقسارتۋ ماقساتىندا بيلىك وكىلدەرى 16,5 ميلليارد يۋان (2,5 ميلليارد ) قارجى جۇمساۋدى جوسپارلادى. ايتا كەتەيىك, اسپاناستى ەلىنىڭ باس قالاسى مەن سولتۇستىك وڭىرىندەگى بىرنەشە ەلدى-مەكەندەردە وتكەن جىلى دەنساۋلىققا قاۋىپتى سانالاتىن اۋانىڭ لاستانۋى ارنايى قويىلعان مولشەردەن بىرنەشە مارتە اسىپ كەتكەن. وسىنىڭ سالدارىنان بىرنەشە جول-كولىك وقيعالارى بولىپ, تۇرعىندار ارنايى بەتپەردە كيۋلەرىنە تۋرا كەلدى. قالا ماڭىنداعى بىرنەشە كاسىپورىندار ۋاقىتشا ءوز جۇمىستارىن توقتاتتى. ايان ءابدۋالي. دەرەك, سۋرەت: bnews.kz.