2015 جىلعى 14 قىركۇيەك, استانا قالاسى
«قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 25 اقپانداعى № 152 بۇيرىعىنا وزگەرىس ەنگىزۋ تۋرالى
«قازاقستان رەسپۋبليكاسىنىڭ ۇلتتىق ۇلانى تۋرالى» 2015 جىلعى 10 قاڭتارداعى قازاقستان رەسپۋبليكاسى زاڭىنىڭ 12-بابىنىڭ 11) تارماقشاسىنا سايكەس, سونداي-اق قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋدى تارتىپكە كەلتىرۋ ماقساتىندا بۇيىرامىن:
1. «قازاقستان رەسپۋبليكاسىنىڭ ۇلتتىق ۇلاندا اسكەري قىزمەت وتكەرۋ نۇسقاۋلىعىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 25 اقپانداعى № 152 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2015 جىلى 3 ساۋىردە № 10620 بولىپ تىركەلگەن, «ەگەمەن قازاقستان» گازەتىنىڭ 2015 جىلعى 5 مامىرداعى № 83 (28561) سانىندا جاريالانعان) مىناداي وزگەرىس ەنگىزىلسىن:
جوعارىدا كورسەتىلگەن بۇيرىقپەن بەكىتىلگەن قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى وسى بۇيرىققا قوسىمشاعا سايكەس جاڭا رەداكتسيادا جازىلسىن.
2. قازاقستان رەسپۋبليكاسى ۇلتتىق ۇلانىنىڭ باس قولباسشىلىعى (ر.ف. جاقسىلىقوۆ) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ۇلتتىق ۇلانىنىڭ باس قولباسشىلىعىنا (ر.ف. جاقسىلىقوۆ) جۇكتەلسىن.
4. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-پولكوۆنيگى ق.قاسىموۆ.
«كەلىسىلدى»
قازاقستان رەسپۋبليكاسىنىڭ قورعانىس ءمينيسترى
________________ي.تاسماعامبەتوۆ
2015 جىلعى 22 قىركۇيەك
قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 14 قىركۇيەكتەگى №764 بۇيرىعىنا قوسىمشا
قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 25 اقپانداعى № 152 بۇيرىعىمەن بەكىتىلگەن
قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى
1. جالپى ەرەجەلەر
1. وسى قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى (بۇدان ءارى – نۇسقاۋلىق) اسكەري قىزمەت تۋرالى زاڭنامانى قازاقستان رەسپۋبليكاسىنىڭ ۇلتتىق ۇلانىنا (بۇدان ءارى – قر ۇۇ) كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردى ىرىكتەۋگە جانە زەردەلەۋگە, اسكەري قىزمەتشىلەردى اسكەري لاۋازىمدارعا تاعايىنداۋعا جانە اۋىستىرۋعا, اسكەري قىزمەتتە بولۋدىڭ شەكتى جاسىنا تولعان اسكەري قىزمەتشىلەرمەن كەلىسىمشارت جاساسۋعا, كەلىسىمشارت بويىنشا اسكەري قىزمەتشىلەرگە روتاتسيا جۇرگىزۋگە, اسكەري اتاقتار بەرۋگە, دەمالىستار ۇسىنۋعا, مەرزىمدى قىزمەتتەگى اسكەري قىزمەتشىلەردى وقۋ اسكەري بولىمىندە باستاپقى وقىتۋعا, قر ۇۇ مەرزىمدى قىزمەتتەگى اسكەري قىزمەتشىلەرىنىڭ اسكەري ءبولىمدى ءوز بەتىمەن تاستاپ كەتۋگە, اسكەري قىزمەتتەن شىعارۋعا قاتىستى قولدانۋدى ناقتىلايدى.
2. قازاقستان رەسپۋبليكاسىنىڭ ۇلتتىق ۇلانىنا كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردى ىرىكتەۋ جانە زەردەلەۋ
2. وفيتسەرلەر, سەرجانتتار مەن ساربازدار قۇرامدارىنىڭ اسكەري لاۋازىمدارىنا كەلىسىمشارت بويىنشا اسكەري قىزمەتكە قابىلداۋ ءۇشىن كانديداتتاردى ىرىكتەۋدى جانە زەردەلەۋدى وڭىرلىك قولباسشىلىقتاردىڭ كادر قىزمەتتەرى, اسكەري بولىمدەردىڭ, اسكەري ينستيتۋتتىڭ جانە قازاقستان رەسپۋبليكاسى ۇلتتىق ۇلان باس قولباسشىلىعىنىڭ (بۇدان ءارى – ۇۇبق) كومانديرلەرى جۇزەگە اسىرادى.
3. كانديداتتاردىڭ ءوتىنىش بەرۋ ۋاقىتى مەن كۇندەرى, سونداي-اق قۇجاتتاردىڭ قاجەتتى تىزبەسى, دەنە شىنىقتىرۋ دايارلىعى بويىنشا نورماتيۆتەر, كانديداتتارعا قويىلاتىن بىلىكتىلىك تالاپتارى باقىلاۋ-وتكىزۋ پۋنكتىندەگى (بۇدان ءارى – ءبوپ) اقپارات تاقتاسىندا كورسەتىلەدى.
4. اسكەري قىزمەتكە كانديداتتار لاۋازىمدى ادامنىڭ ىلەسىپ جۇرۋىمەن بەلگىلەنگەن ۋاقىتتا اسكەري ءبولىمنىڭ كادر بولىنىسىنە كەلەدى.
كادر قىزمەتى كانديداتتارعا كەلىسىمشارت بويىنشا اسكەري قىزمەتكە قابىلداۋ, دەنە شىنىقتىرۋ دايارلىعى بويىنشا نورماتيۆتەردى تاپسىرۋ ءتارتىبىن جانە اسكەري-دارىگەرلىك كوميسسيالاردا مەديتسينالىق كۋالاندىرۋدىڭ قاجەتتىلىگى تۋرالى تۇسىندىرەدى.
بوس لاۋازىمعا كانديداتقا وسى نۇسقاۋلىققا 1-قوسىمشاعا سايكەس كەلىسىمشارت بويىنشا اسكەري قىزمەت وتكەرۋگە نيەت بىلدىرگەن ادامدار ۇسىنىلاتىن قۇجاتتار تىزبەسى بەرىلەدى.
5. قۇجاتتاردىڭ تولىق تىزبەسى ۇسىنىلعاننان كەيىن كانديدات وسى نۇسقاۋلىققا 2-قوسىمشاعا سايكەس نىسان بويىنشا بوس لاۋازىمعا بايانات ء(وتىنىش) تولتىرادى.
بايانات ء(وتىنىش) تىركەلۋى ءتيىس.
6. كادر قىزمەتى كانديداتقا ونىڭ اسكەري قىزمەت وتكەرۋى بولجاناتىن ءبولىنىستىڭ كومانديرىمەن الدىن الا اڭگىمەلەسۋ وتكىزۋ كۇنى تۋرالى قول قويعىزا وتىرىپ حابارلايدى.
7. كادر قىزمەتى كانديدات تۋرالى اقپاراتتى اسكەري پوليتسيا قىزمەتىنە جولدايدى, سونداي-اق ارنايى تەكسەرىستى جۇرگىزۋ ءۇشىن قۇجاتتاردى رەسىمدەيدى.
8. بوس لاۋازىمى بار ءبولىنىستىڭ كومانديرى كانديداتپەن الدىنا الا اڭگىمەلەسۋ جۇرگىزەدى جانە ونىڭ ناتيجەلەرى بويىنشا وسى نۇسقاۋلىققا 3-قوسىمشاعا سايكەس نىسان بويىنشا اسكەري قىزمەتكە قابىلداۋ تۋرالى قورىتىندىنىڭ (بۇدان ءارى - قورىتىندى) ءبىرىنشى ءبولىمىن تولتىرادى.
الدىن الا اڭگىمەلەسۋ پروتسەسىندە ءبولىنىس كومانديرى كانديداتتىڭ كاسىبي دايارلىعى دەڭگەيىن, ءبىلىمىنىڭ بوس لاۋازىم بويىنشا قىزمەت سالاسىنا سايكەستىگىن, سونداي-اق بوس لاۋازىم بويىنشا اسكەري قىزمەت سيپاتىن تۇسىندىرەدى.
9. كادر قىزمەتى كانديداتتىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ (بۇدان ءارى - زاڭ) 38-بابىندا كوزدەلگەن تالاپتارعا سايكەستىگىن تەكسەرەدى, ول ءۇشىن قازاقستان رەسپۋبليكاسى باس پروكۋراتۋراسى جانىنداعى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنە سۇراۋ سالۋلار جولدايدى.
10. كادر قىزمەتى كانديداتقا قول قويعىزا وتىرىپ, ءبولىم كومانديرىنىڭ (باستىعىنىڭ) قولىمەن بوس لاۋازىمدى كورسەتە وتىرىپ, اسكەري-دارىگەرلىك كوميسسياعا مەديتسينالىق كۋالاندىرۋ ءۇشىن جولداما بەرەدى.
مەديتسينالىق كۋالاندىرۋ ناتيجەلەرى قورىتىندىنىڭ ءۇشىنشى بولىمىندە كورسەتىلەدى.
11. زەردەلەۋدىڭ قورىتىندى ناتيجەلەرى قورىتىندىنىڭ ءتورتىنشى بولىمىندە جازىلادى, وندا زەردەلەۋدى كىمنىڭ جۇرگىزگەنى, كانديداتتىڭ الداعى جۇمىسى ءۇشىن قاجەتتى قابىلەتتەردىڭ قايسىسىن كورسەتكەنى جانە كانديداتتى سول نەمەسە وزگە لاۋازىمعا پايدالانۋ مۇمكىندىگى نەمەسە مۇمكىن ەمەستىگى تۋرالى قورىتىندى, سونداي-اق كانديداتتى جانە ونىڭ جەكە ەرەكشەلىكتەرىن سيپاتتايتىن مالىمەتتەر كورسەتىلەدى.
12. كانديداتتى زەردەلەۋ اياقتالعاننان كەيىن تولتىرىلعان قورىتىندى كادر قىزمەتىنە كانديداتتىڭ جەكە ءىسى ماتەريالدارىن ودان ءارى راسىمدەۋ ءۇشىن جولدانادى.
13. قورىتىندى كانديداتتىڭ اسكەري قىزمەت وتكەرۋى بولجاناتىن اسكەري ءبولىم كومانديرىنىڭ (باستىعىنىڭ) جەتەكشىلىك ەتەتىن ورىنباسارىمەن كەلىسىلەدى جانە ونى لاۋازىمعا تاعايىنداۋ قۇقىعى بار اسكەري ءبولىم كومانديرى (باستىعى) بەكىتەدى.
14. اسكەري-دارىگەرلىك كوميسسيادان ءوتۋ ناتيجەلەرى بويىنشا كانديدات نورماتيۆتەر بويىنشا دەنە شىنىقتىرۋ دايارلىعى بويىنشا تەست تاپسىرادى.
ارنايى ماقساتتاعى بولىنىسكە كانديدات قازاقستان رەسپۋبليكاسى مادەنيەت جانە سپورت ءمينيسترىنىڭ مىندەتتى اتقارۋشىنىڭ 2014 جىلعى 22 قاراشاداعى №103 بۇيرىعىمەن بەكىتىلگەن قازاقستان رەسپۋبليكاسىنىڭ تۇڭعىش پرەزيدەنتى – ەل باسىنىڭ تەستىلەرىن وتكىزۋ قاعيدالارىندا كوزدەلگەن پرەزيدەنتتىك دەڭگەي نورماتيۆتەرى بويىنشا دەنە شىنىقتىرۋ دايارلىعى بويىنشا تەست تاپسىرادى.
ءبولىمنىڭ دەنە شىنىقتىرۋ جانە سپورت باستىعى (ارنايى ماقساتتاعى ءبولىنىس كومانديرى) باعالارى قويىلعان باعالاۋ ۆەدوموسىن كادر قىزمەتىنە ۇسىنادى.
15. كانديداتتاردى ىرىكتەۋدى ىرىكتەۋ كوميسسياسى سوتتالعاندىعىن انىقتايتىن تالاپتاردىڭ (سۇراۋ سالۋ) ناتيجەلەرى, اسكەري-دارىگەرلىك كوميسسيانىڭ جانە دەنە شىنىقتىرۋ دايارلىعى بويىنشا نورماتيۆتەردى تاپسىرۋ قورىتىندىلارى كەلىپ تۇسكەننەن كەيىن جۇرگىزەدى.
16. قۇرامىندا توراعا, حاتشى (كادر ءبولىنىسىنىڭ وكىلى) جانە كەمىندە ءۇش ادامنان تۇراتىن كوميسسيا مۇشەلەرى كىرەتىن ىرىكتەۋ كوميسسياسىن اسكەري ءبولىمنىڭ كومانديرى قۇرادى جانە بەكىتەدى.
17. ىرىكتەۋ كوميسسياسى كانديداتتىڭ ءبىلىمىنىڭ ونى تاعايىنداۋ كوزدەلەتىن اسكەري لاۋازىمنىڭ اسكەري-ەسەپتىك ماماندىعىنا سايكەستىگىن, كانديداتتىڭ دەنە شىنىقتىرۋ دايارلىعىن جانە كاسىبي ىرىكتەۋدىڭ دەرەكتەرى نەگىزىندە ناقتى لاۋازىمدى اتقارۋ ءۇشىن كاسىبي جارامدىلىعىن تەكسەرەدى.
18. ىرىكتەۋ كوميسسيالارى كانديداتتاردى كەلىسىمشارت بويىنشا اسكەري قىزمەت وتكەرۋ ءۇشىن ىرىكتەۋ كەزىندە كانديداتتارمەن اڭگىمەلەسۋ وتكىزەدى, كانديداتتاردىڭ كادر قىزمەتى ۇسىنعان جەكە ىستەرىن جانە قوسىمشا ماتەريالدارىن زەردەلەيدى, سونداي-اق ىرىكتەۋگە قاتىسقان كانديداتتاردى اسكەري قىزمەتكە قابىلداۋدىڭ ماقساتقا سايلىلىعى نەمەسە باس تارتۋ سەبەبىن كورسەتە وتىرىپ, ولاردى قابىلداۋدان باس تارتۋ تۋرالى شەشىم قابىلدايدى.
ىرىكتەۋ كوميسسياسى جۇمىسىنىڭ ناتيجەلەرى وسى نۇقساۋلىققا 4-قوسىمشاعا سايكەس نىسان بويىنشا ىرىكتەۋ كوميسسياسى وتىرىسىنىڭ حاتتاماسىمەن رەسىمدەلەدى.
باس تارتۋ سەبەبىن كورسەتە وتىرىپ, كەلىسىمشارت بويىنشا اسكەري قىزمەتكە قابىلداۋدان باس تارتۋ كانديداتتارعا قول قويعىزا وتىرىپ, جازباشا تۇردە بەرىلەدى.
19. بەكىتىلگەن قورىتىندىنىڭ نەگىزىندە كادر قىزمەتى اسكەري قىزمەت وتكەرۋ تۋرالى كەلىسىمشارت رەسىمدەيدى جانە كانديدات پەن ءبولىم كومانديرىنە (باستىققا) قول قويعىزادى.
بۇدان كەيىن ءبولىم كومانديرى (باستىق) كەلىسىمشارت بويىنشا اسكەري قىزمەتكە قابىلداۋ تۋرالى بۇيرىق شىعارادى. جەكە قۇرام بويىنشا بۇيرىقتىڭ نەگىزىندە كانديدات ءبولىمنىڭ جەكە قۇرام تىزىمىنە تىركەلەدى جانە لاۋازىمىن اتقارۋعا جىبەرىلەدى.
20. جەكە قۇرام بويىنشا بۇيرىق شىعارىلعاننان كەيىن ءۇزىندى اسكەري ەسەپتە تۇرعان جەرى بويىنشا جەرگىلىكتى اسكەري باسقارۋ ورگانىنىڭ (بۇدان ءارى - ءجابو) باستىعىنا اسكەري ەسەپتەن شىعارۋ ءۇشىن جولدانادى.
سونىمەن قاتار زاپاستا تۇرماعان ادامعا اسكەري بيلەت بەرۋ تۋرالى سۇراۋ سالۋ جولدانادى.
3. كەلىسىمشارت بويىنشا اسكەري قىزمەتشىلەردى اسكەري لاۋازىمدارعا تاعايىنداۋ جانە اۋىستىرۋ
21. اسكەري قىزمەتشىلەردى شتاتتىق لاۋازىمدارعا ولاردىڭ تىكەلەي باستىقتارى تاعايىندايدى.
22. وفيتسەرلەر قۇرامىنىڭ ادامدارىن اسكەري لاۋازىمدارعا تاعايىنداۋ جەكە باتالون كومانديرىنەن باستاپ جانە جوعارى تىكەلەي باستىقتاردىڭ ۇسىنىمى بويىنشا جۇرگىزىلەدى.
23. لاۋازىمدارعا تاعايىنداۋعا ارنالعان ۇسىنىمدار جەتەكشىلىك ەتەتىن كادر قىزمەتى ارقىلى تىكەلەي باستىقتارعا جولدانادى.
24. ساربازدار مەن سەرجانتتار قۇرامىنىڭ ادامدارىن اسكەري لاۋازىمدارعا تاعايىنداۋ «قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ ەرەجەلەرىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى № 124 جارلىعىن ىسكە اسىرۋ جونىندەگى شارالار تۋرالى قازاقستان رەسپۋبليكاسى ۇكىمەتىنىڭ 2006 جىلعى 17 تامىزداعى № 777 قاۋلىسىمەن بەكىتىلگەن ۇلگى نىسانعا سايكەس روتا كومانديرىنەن باستاپ جانە جوعارى تىكەلەي باستىقتاردىڭ ۇسىنىمى بويىنشا (اسكەري قىزمەتكە قابىلداۋ كەزىندە ۇسىنىم رەسىمدەلمەيدى) جۇرگىزىلەدى.
25. وفيتسەرلەر قۇرامىنىڭ ادامدارىن قازاقستان رەسپۋبليكاسى ۇلتتىق ۇلانىنىڭ باس قولباسشىسى (بۇدان ءارى – باس قولباسشى) نومەنكلاتۋراسىنىڭ لاۋازىمدارىنا تاعايىنداۋعا ارنالعان قۇجاتتار شەشىم قابىلداۋ ءۇشىن ۇۇبق كادر جانە اسكەري ءبىلىم باسقارماسىنا جولدانادى.
26. وفيتسەرلەر قۇرامىنىڭ ادامدارىن وڭىرلىك قولباسشىلىق قولباسشىسى نومەنكلاتۋراسىنىڭ لاۋازىمدارىنا تاعايىنداۋعا ارنالعان قۇجاتتار شەشىم قابىلداۋ ءۇشىن وڭىرلىك قولباسشىلىقتاردىڭ كادر بولىمدەرىنە جولدانادى.
27. باس قولباسشىنىڭ بۇيرىقتارىمەن تاعايىندالاتىن وڭىرلىك قولباسشىلىقتاردىڭ سەرجانتتارى لاۋازىمدارىنا تاعايىنداۋعا ارنالعان ۇسىنىمدار شەشىمدى رەسىمدەۋ ءۇشىن ۇۇبق ۇيىمداستىرۋ-جۇمىلدىرۋ باسقارماسىنا جولدانادى.
وڭىرلىك قولباسشىلىق قولباسشىلارىنىڭ بۇيرىقتارىمەن تاعايىندالاتىن اسكەري بولىمدەردىڭ سەرجانتتارى لاۋازىمدارىنا تاعايىنداۋعا ارنالعان ۇسىنىمدار شەشىمدى رەسىمدەۋ ءۇشىن وڭىرلىك قولباسشىلىقتاردىڭ ۇيىمداستىرۋ جانە جاساقتاۋ بولىمدەرىنە جولدانادى.
وڭىرلىك قولباسشىلىقتار مەن اسكەري بولىمدەردىڭ سەرجانتتارىن تاعايىنداۋ قازاقستان رەسپۋبليكاسى ۇلتتىق ۇلانىنىڭ باس سەرجانتىمەن كەلىسە وتىرىپ جۇرگىزىلەدى.
28. ۇسىنىمدار ۇۇبق (باس) باسقارمالارىنىڭ (دەربەس بولىمدەر) مۇددەلى باستىقتارىمەن, سونداي-اق باس قولباسشىنىڭ ءتيىستى قىزمەتتەرگە جەتەكشىلىك ەتەتىن ورىنباسارلارىمەن كەلىسىلۋى ءتيىس.
29. كومانديرلەر (باستىقتار) وفيتسەرلەر قۇرامىنىڭ ادامدارىن لاۋازىمدارعا تاعايىنداۋعا ۇسىنادى جانە ۇسىنىمدار (باياناتتار, اۋىستىرۋ جوسپارلارى) بويىنشا اسكەري قىزمەتشىلەردىڭ اتتەستاتسياسىن ەسكەرە وتىرىپ, سونداي-اق كونكۋرستىق ىرىكتەۋ, كۋرستىق دايارلىقتان نەمەسە تاعىلىمدامادان ءوتۋ ناتيجەلەرى بويىنشا قورىتىندى بەرەدى.
30. اسكەري لاۋازىمداردىڭ شتاتتىق اتاۋى وزگەرگەن كەزدە (شتاتتىق-لاۋازىمدىق ساناتتارى وزگەرمەي), سونداي-اق اسكەري ءبولىمنىڭ ءنومىرى نەمەسە اتاۋى وزگەرگەن كەزدە «قازاقستان رەسپۋبليكاسىنىڭ ۇلتتىق ۇلانى تۋرالى» قازاقستان رەسپۋبليكاسىنىڭ زاڭىنا (بۇدان ءارى – ۇۇ تۋرالى زاڭ) سايكەس جاڭا اسكەري لاۋازىمدارعا قايتا تاعايىنداۋ جۇزەگە اسىرىلادى.
31. قىزمەتشىلەردى وفيتسەرلەر قۇرامىنىڭ بوس لاۋازىمدارىنا ۋاقىتشا تاعايىنداۋ جوعارى ءبىلىمى, ءتيىستى اسكەري ماماندىق سالاسى بويىنشا ۇقساس ماماندىعى جانە وسى ماماندىق بويىنشا جۇمىس تاجىريبەسى بولعان كەزدە جۇرگىزىلەدى.
32. ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەردىڭ بوس لاۋازىمدارىنا مەرزىمدى قىزمەتتەگى اسكەري قىزمەتشىلەردى, قىزمەتشىلەردى «قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2015 جىلعى 12 قازانداعى № 99 قبپۇ جارلىعىنا سايكەس تاعايىنداۋعا بولادى.
اسكەري قىزمەتشى ۋاقىتشا بولماعان (جۇكتىلىگى جانە بالا تۋى بويىنشا دەمالىس) جاعدايدا ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەردىڭ بوس ەمەس لاۋازىمدارىنا قىزمەتشىلەردى (ازاماتتىق پەرسونال, ونىڭ ىشىندە زاپاستاعى نەمەسە وتستاۆكاداعى اسكەري مىندەتتىلەر جانە جوعارى نەمەسە ورتا ارنايى ءبىلىمى بار اسكەري مىندەتتىلەر) ۇۇ تۋرالى زاڭعا سايكەس تاعايىنداۋعا بولادى.
33. وڭىرلىك قولباسشىلىقتاردىڭ (قۇرامالاردىڭ) كادر قىزمەتتەرىندە جىل سايىن وقۋ جىلى اياقتالعاننان كەيىن 5 قاڭتارعا قول جەتكىزگەن ناتيجەلەردى جانە اسكەري ءتارتىپتىڭ جاي-كۇيىن ەسكەرە وتىرىپ, الداعى جىلى جوعارى تۇرعان لاۋازىمدارعا جىلجىتۋ جانە وقۋعا جىبەرۋ ءۇشىن وفيتسەرلەر قۇرامىنىڭ رەزەرۆى قۇرىلادى.
بۇل رەتتە رەزەرۆكە تىركەلگەن ءاربىر وفيتسەرمەن ناقتى لاۋازىمعا نەمەسە وقۋعا تۇسۋگە دايىندىق بويىنشا قانداي جۇمىس جۇرگىزىلەتىنى ايقىندالادى.
34. رەزەرۆكە تىركەلگەن ادامداردى قىزمەت بويىنشا تەڭ لاۋازىمدارعا اۋىستىرۋ كەزىندە ءتيىستى تىكەلەي باستىقتىڭ شەشىمى بويىنشا قىزمەتتىك مىنەزدەمەلەردە ولاردىڭ بۇرىنعى قىزمەت ورنى بويىنشا رەزەرۆتە تۇرعانى تۋرالى كورسەتىلەدى.
35. وفيتسەرلەر قۇرامىنىڭ ادامدارىن تومەن لاۋازىمدارعا اۋىستىرۋ اتتەستاتتاۋ كوميسسياسىنىڭ قاراۋىنان سوڭ جۇرگىزەدى.
36. وفيتسەرلەر قۇرامىنىڭ ادامدارىن لاۋازىمدى ورىنداۋدان شەتتەتۋ ساپتىق ءبولىم بويىنشا بۇيرىقپەن جۇزەگە اسىرىلعان جاعدايدا ونى اتقاراتىن لاۋازىمىنان بوساتۋ كەيىننەن ءتيىستى كومانديردىڭ (باستىقتىڭ) قاراماعىنا تىركەپ, جەكە قۇرام بويىنشا بۇيرىقپەن جۇرگىزىلەدى.
37. لاۋازىمداردى ۋاقىتشا اتقاراتىن ادامدار وسى لاۋازىمدارعا تاعايىندالعان اسكەري قىزمەتشىلەر نەمەسە ۋاقىتشا بولماعاننان كەيىن كەلگەن اسكەري قىزمەتشىلەر اسكەري بولىمگە كەلگەن كەزدە بۇل مىندەتتەردى اتقارۋدان بوساتىلادى.
38. اسكەري قىزمەتشىلەردى باسقا مەملەكەتتەردىڭ اسكەري وقۋ ورىندارىنىڭ كۋرسانتتارى (تىڭداۋشىلارى) رەتىندە تىركەۋ قر ۇۇ جەكە قۇرامىنىڭ تىزىمدەرىندە قالدىرا وتىرىپ, ۇۇبق ەمتيحان قابىلداۋ كوميسسياسىنىڭ ۇسىنىمى بويىنشا باس قولباسشىنىڭ بۇيرىقتارىمەن جۇزەگە اسىرىلادى.
39. اسكەري وقۋ ورنىن اياقتاعان سوڭ, ءبىتىرۋشى (وفيتسەر) باس قولباسشىنىڭ بۇيرىعىمەن لاۋازىمعا تاعايىندالادى نەمەسە ءتيىستى كومانديردىڭ (باستىقتىڭ) قاراماعىنا تىركەلەدى.
40. قاراماعىندا بولۋ مەرزىمىنە اسكەري قىزمەتشىنىڭ ەمدەلۋ جانە ەڭبەك دەمالىسىندا بولۋ ۋاقىتى, ونىڭ ىشىندە قاراماعىندا بولۋ كەزەڭىندە اۋىرعان اسكەري قىزمەتشىلەر ءۇشىن دە ەسەپتەلمەيدى.
41. كەلىسىمشارت بويىنشا اسكەري قىزمەتشىلەر كەلىسىمشارت مەرزىمى اياقتالعان سوڭ (قالاۋى بويىنشا جانە بوس لاۋازىمدار بولعان جاعدايدا) قازاقستان رەسپۋبليكاسىنىڭ باسقا وڭىرلەرىندە ورنالاسقان اسكەري بولىمدەردىڭ اسكەري لاۋازىمىنا تاعايىندالادى.
42. باسقا اسكەري بولىمدە قىزمەت وتكەرۋگە نيەت بىلدىرگەن اسكەري قىزمەتشى كەلىسىمشارت مەرزىمى اياقتالاردان 2 اي بۇرىن قىزمەت ورنى بويىنشا باياناتپەن ءوتىنىش بىلدىرەدى. ءبولىم كومانديرى شەشىم قابىلداعاننان جانە اسكەري قىزمەتشىنىڭ جاڭا قىزمەت ورنى رەتىندە تاڭدالعان ءبولىمنىڭ قولباسشىلىعىمەن جازباشا كەلىسىلگەن سوڭ, كادر قىزمەتى اسكەري قىزمەتشىنى باسقا اسكەري بولىمگە تاعايىنداۋ ءۇشىن قۇجات رەسىمدەيدى جانە جولدايدى.
43. كەلىسىمشارت بويىنشا اسكەري قىزمەتشىلەردى وتباسى جاعدايى بويىنشا, اسكەري قىزمەتشىنىڭ نەمەسە ونىڭ وتباسى مۇشەلەرىنىڭ دەنساۋلىق جاعدايى بويىنشا جاڭا قىزمەت ورنىنا اۋىستىرۋ ودان ءارى قىزمەت وتكەرۋ ءۇشىن تاڭدالعان اسكەري بولىمدە بوس لاۋازىمدار بولعان جاعدايدا جۇرگىزىلەدى.
44. كەلىسىمشارت بويىنشا اسكەري قىزمەتشىلەردى وڭىرلىك قولباسشىلىقتار, اسكەري ينستيتۋت, تىكەلەي باعىنىستى بولىمدەر اراسىندا ءتيىستى كومانديرلەردىڭ (باستىقتاردىڭ) قولداۋحاتى بويىنشا اۋىستىرۋ باس قولباسشىنىڭ جەكە قۇرام بويىنشا بۇيرىقتارىمەن جۇرگىزىلەدى.
45. وفيتسەرلەر قۇرامىنىڭ ادامدارىن, كەلىسىمشارت بويىنشا اسكەري قىزمەتشىلەردى قر ۇۇ اسكەري قىزمەت كوزدەلگەن باسقا مەملەكەتتىك ورگاندارعا اۋىستىرۋ جانە اسكەري قىزمەتشىلەردى (قىزمەتكەرلەردى) باسقا قۇقىق قورعاۋ جانە ارنايى ورگانداردان, قارۋلى كۇشتەردەن, باسقا دا اسكەرلەر مەن اسكەري قۇرالىمداردان قر ۇۇ-عا كەلىسىمشارت بويىنشا اسكەري قىزمەتكە ايقىنداۋ قازاقستان رەسپۋبليكاسى ىشكى ىستەر ءمينيسترىنىڭ نەمەسە باس قولباسشىنىڭ جەكە قۇرام بويىنشا بۇيرىقتارىمەن جۇرگىزىلەدى.
46. وفيتسەرلەر قۇرامىنىڭ ادامدارىن جانە كەلىسىمشارت بويىنشا اسكەري قىزمەتشىلەردى قر ۇۇ-دان اسكەري قىزمەت كوزدەلگەن باسقا مەملەكەتتىك ورگاندارعا جانە كەرى اۋىستىرۋ وسى مەملەكەتتىك ورگانداردىڭ ءبىرىنشى باسشىلارىنىڭ كەلىسىمى بويىنشا جۇزەگە اسىرىلادى.
47. اۋىستىرۋ كەزىندە قر ۇۇ وفيتسەرلەر قۇرامىنىڭ جەكە ىستەرى وسى نۇسقاۋلىققا 5-قوسىمشاعا سايكەس نىسان بويىنشا جەكە ىستەردى ارنايى ەسەپكە الۋ كىتاپتارىندا ەسەپكە الىنادى.
4. اسكەري قىزمەتتە بولۋدىڭ شەكتى جاسىنا تولعان اسكەري قىزمەتشىلەرمەن كەلىسىمشارت جاساسۋ
48. اسكەري قىزمەتتە بولۋدىڭ شەكتى جاسىنا تولعان اسكەري قىزمەتشىگە قولدانىستاعى كەلىسىمشارت مەرزىمىنىڭ اياقتالۋىنا كەمىندە ءتورت اي قالعاندا وسى نۇسقاۋلىققا 6-قوسىمشاعا سايكەس قازاقستان رەسپۋبليكاسىنىڭ ۇلتتىق ۇلانىنان شىعارىلاتىنى تۋرالى حابارلانادى.
49. وسى نۇسقاۋلىققا 7-قوسىمشاعا سايكەس اسكەري قىزمەتتە بولۋدىڭ شەكتى جاسىنا تولعان, وقىتۋشىلىق, عىلىمي قىزمەتتى جۇزەگە اسىراتىن جانە ماگيستر اكادەميالىق دارەجەسى, عىلىمي دارەجەلەرى نەمەسە اتاقتارى بار اسكەري قىزمەتشىلەردىڭ, كەلىسىمشارت مەرزىمىن اسكەري قىزمەتتە بولۋدىڭ شەكتى جاسىنان جوعارى ۇزارتۋ تۋرالى باياناتى بويىنشا باس قولباسشىنىڭ شەشىم قابىلداۋى ءۇشىن ۇۇبق ۇسىنىلادى.
50. اسكەري قىزمەتشىنىڭ باياناتىنا اسكەري قىزمەتشىنى اسكەري قىزمەتتە شەكتى جاستان قالدىرۋدىڭ ماقساتقا سايلىلىعى تۋرالى ءبولىم كومانديرىنىڭ (باستىق) نەگىزدەلگەن قولداۋحاتى (ۇسىنىمى) قوسا بەرىلەدى جانە قىزمەتتىك كارتوچكاسىنان ءۇزىندى جولدانادى.
51. اسكەري قىزمەتشىلەردى اسكەري قىزمەتتە شەكتى جاستان قالدىرۋ تۋرالى قابىلدانعان شەشىمدەردى ولارعا اسكەري ءبولىم كومانديرلەرى (باستىق) جەكە وزدەرى جاريالايدى. اسكەري قىزمەتشىلەردىڭ جەكە ىستەرىندەگى قىزمەتتىك تىزىمدەرگە شەكتى جاستان تىس اسكەري قىزمەتتە كىمنىڭ شەشىمىمەن جانە قانداي مەرزىمگە قالدىرىلعانى تۋرالى جازىلادى.
52. كەلىسىمشارت مەرزىمىن اسكەري قىزمەتتە بولۋدىڭ شەكتى جاسىنان تىس ۇزارتۋدان باس تارتىلعان اسكەري قىزمەتشىلەرگە اسكەري ءبولىم كومانديرلەرى (باستىق) وسى نۇسقاۋلىققا 8-قوسىمشاعا سايكەس قر ۇۇ شىعارىلاتىنى تۋرالى حابارلايدى.
5. كەلىسىمشارت بويىنشا اسكەري قىزمەتشىلەرگە روتاتسيا جۇرگىزۋ
53. اسكەري قىزمەتشىلەردى روتاتسيالاۋ اسكەردىڭ جاۋىنگەرلىك ازىرلىگىن ارتتىرۋ ءۇشىن اسكەري قىزمەت وتكەرۋ شەڭبەرىندە, سونداي-اق قىزمەتتىك قاجەتتىلىك نەمەسە اسكەري قىزمەتشىلەردىڭ كاسىبي الەۋەتىن اناعۇرلىم ءتيىمدى پايدالانۋدى قامتاماسىز ەتۋ ماقساتىندا جۇزەگە اسىرىلادى.
54. روتاتسيالاۋ شارتتارى:
ءبىر اسكەري لاۋازىمدا 5 جىلدان ارتىق بولۋ;
كليماتتىق جاعدايى اۋىر جەرلەردەگى ءبىر اسكەري بولىمدە 3 جىلدان ارتىق اسكەري قىزمەت وتكەرۋ بولىپ تابىلادى.
55. روتاتسيالاۋ جوسپارى جانە روتاتسيالاۋعا جاتاتىن اسكەري قىزمەتشىلەردىڭ ءتىزىمى جىل سايىن 1 جەلتوقسانعا جاسالادى.
56. مىناداي:
مۇگەدەك جۇبايى (زايىبى) بار;
مۇگەدەك بالالارى (قامقورشىسى بولىپ تابىلاتىن), ونىڭ ىشىندە اسىراپ العان بالالارى بار;
اسىراۋىندا قارتايعان اتا-انالارى بار;
وسى جىلى كەلىسىمشارت مەرزىمى اياقتالاتىن;
اسكەري قىزمەتتە بولۋدىڭ شەكتى جاسىنا تولۋىنا 3 جىل قالعان;
تەڭ نەمەسە جوعارى لاۋازىمعا تاعايىنداۋ مۇمكىن ەمەس اسكەري قىزمەتشىلەر روتاتسيالاۋعا جاتپايدى.
57. تىكەلەي باستىقتارىنىڭ قولداۋى جانە اتتەستاتتاۋ كوميسسياسىنىڭ شەشىمى بويىنشا باس قولباسشى وسى نۇسقاۋلىقتىڭ 57-تارماعىندا كورسەتىلگەن مەرزىمگە اسكەري لاۋازىمداردا بولۋ ۋاقىتىن ۇزارتادى.
58. روتاتسيالاۋ جوسپارىنا جانە روتاتسيالاۋعا جاتاتىن اسكەري قىزمەتشىلەردىڭ تىزىمىنە وزگەرىستەر روتاتسيالاۋ جوسپارىن جانە اسكەري قىزمەتشىلەردىڭ ءتىزىمدى بەكىتكەن ادامنىڭ شەشىمى بويىنشا ەنگىزىلەدى.
59. وڭىرلىك قولباسشىلىقتا وڭىرلىك قولباسشىلىق قولباسشىسىنىڭ نومەنكلاتۋراسى بويىنشا روتاتسيالاۋ جوسپارى مەن ءتىزىمى جاسالادى جانە 5 جەلتوقسانعا دەيىنگى مەرزىمدە ۇۇبق كادر جانە اسكەري ءبىلىم باسقارماسىنا ۇسىنىلادى.
60. روتاتسيالاۋعا جاتاتىن وڭىرلىك قولباسشىلىقتار اسكەري قىزمەتشىلەرىنىڭ ءتىزىمى وسى نۇسقاۋلىققا 9-قوسىمشاعا سايكەس نىسان بويىنشا جاسالادى.
61. وڭىرلىك قولباسشىلىقتاردىڭ اسكەري قىزمەتشىلەرىن روتاتسيالاۋ جوسپارى وسى نۇسقاۋلىققا 10-قوسىمشاعا سايكەس نىسان بويىنشا جىلدىڭ قورىتىندىسىندا 15 قاڭتارعا جاسالادى جانە 15 شىلدەدە ناقتىلانادى.
6. اسكەري اتاقتار بەرۋ
62. وفيتسەرلەر قۇرامىنىڭ ادامدارىنا جانە ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەرگە, ونىڭ ىشىندە قايتا اتتەستاتتاۋ تارتىبىمەن اسكەري اتاقتار بەرۋ ۇۇ تۋرالى زاڭعا سايكەس جۇرگىزىلەدى.
63. وڭ اتتەستاتتالعان, ءتيىستى شتاتتىق لاۋازىمداردى اتقاراتىن وفيتسەرلەرگە كەزەكتى اسكەري اتاقتارىن ۋاقتىلى بەرۋ ماقساتىندا ۇسىنىمدار ۇۇبق كادر قىزمەتىنە وفيتسەرلەردىڭ اتاعىنداعى ەڭبەك سىڭىرگەن مەرزىمىنىڭ اياقتالۋىنا كەمىندە ءبىر اي قالعاندا جىبەرىلەدى.
64. اسكەري ءبولىم كومانديرىنىڭ وفيتسەرگە نەمەسە كەلىسىمشارت بويىنشا اسكەري قىزمەتشىگە جەكە اڭگىمەلەسۋ بارىسىندا كەزەكتى اسكەري اتاعىن بەرۋگە ۇسىنۋدى كەشىكتىرۋگە نەگىز بولعان سەبەپتى جاريالاۋى اسكەري قىزمەتشىنىڭ اڭگىمەلەسۋ پاراعىنا قول قويۋى ارقىلى جۇرگىزىلەدى, ول كەزەكتى اسكەري اتاق بەرىلگەنگە دەيىن جەكە ىستە ساقتالادى.
قابىلدانعان شەشىم مەن وفيتسەرلەر قۇرامىنىڭ ادامىمەن جۇرگىزىلگەن اڭگىمەلەسۋ تۋرالى ۇۇبق كادر جانە اسكەري ءبىلىم باسقارماسىنا اقپارات بەرىلەدى.
65. زاپاستان ەرىكتى تۇردە كەلىسىمشارت بويىنشا نەمەسە شاقىرۋ بويىنشا اسكەري قىزمەتكە ايقىندالعان جانە لاۋازىمعا تاعايىندالعان وفيتسەرلەردىڭ اسكەري اتاعىنداعى ەڭبەك سىڭىرگەن مەرزىمىندە زاڭنامامەن بەلگىلەنگەن ەڭبەك سىڭىرگەن مەرزىمدەرىن ساقتاي وتىرىپ, ولاردىڭ زاپاستاعى اسكەري اتاعىندا بولعان ۋاقىتى ەسەپتەلەدى.
66. وفيتسەرلەر قۇرامىنىڭ العاشقى اسكەري اتاعىن بەرۋگە ۇسىنىلعان اسكەري قىزمەتشىلەرگە قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى № 124 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ قاعيدالارىنىڭ 89-تارماعىنىڭ 3) – 5) تارماقشالارىنا سايكەس قۇجاتتار رەسىمدەلەدى.
67. اۋىستىرۋ تارتىبىمەن كەلىسىمشارت بويىنشا اسكەري قىزمەتكە قابىلداناتىن قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرىنە ولاردىڭ ارنايى اتاعىنا نەمەسە سىنىپتىق شەنىنە تەڭ وفيتسەرلەر قۇرامىنىڭ اسكەري اتاعى قايتا اتتەستاتتاۋ تارتىبىندە بەرىلەدى. كەزەكتى اسكەري اتاعىن بەرۋ مەرزىمىن ەسەپتەۋ سوڭعى اسكەري اتاعىن العان كۇننەن باستاپ ەسەپتەلەدى.
68. اسكەري اتاعى جوق ازاماتتارعا «قاتارداعى» جانە كەيىنگى اسكەري اتاقتار ءتيىستى شتاتتىق لاۋازىمدارعا كەلىسىمشارت بويىنشا اسكەري قىزمەتكە كىرگەن, سونداي-اق جوعارى اسكەري وقۋ ورنىنا تۇسكەن كەزدە جەكە قۇرام بويىنشا بۇيرىقتارمەن بەرىلەدى.
69. «كىشى سەرجانت» اسكەري اتاعى شتاتتا ءتيىستى جانە ودان جوعارى اسكەري اتاق كوزدەلگەن اسكەري لاۋازىمدارعا تاعايىندالعان كەزدە, وقۋ ءبولىمىن بىتىرگەن سوڭ نەمەسە اتالعان ماماندىق بويىنشا ءتيىستى ءبىلىمى بولعان جاعدايدا ول قىزمەت وتكەرەتىن ءبولىمى كومانديرىنىڭ بۇيرىعىمەن بەرىلەدى.
7. كەلىسىمشارت بويىنشا اسكەري قىزمەتشىلەرگە دەمالىستار بەرۋ
70. اسكەري قىزمەتشىلەرگە جىل سايىنعى نەگىزگى, وتباسى جاعدايى بويىنشا قىسقا مەرزىمدى جانە وقۋ دەمالىستارىن بەرۋ كەزىندە دەمالىستى وتكىزۋ ورنىنا بارۋ جانە كەرى قايتۋ ءۇشىن قاجەتتى ۋاقىت دەمالىستى وتكىزۋ ورنىنا قاراماستان بەرىلەدى جانە تەمىر جول (اۋە, اۆتوموبيل, تەڭىز) كولىگىنىڭ قوزعالىس (قايتا وتىرۋدى ەسكەرە وتىرىپ) كەستەسى بويىنشا ەسەپتەلەدى.
71. تەمىر جول قاتىناسى بولماعان جاعدايدا دەمالىستى وتكىزۋ ورنىنا بارۋ جانە كەرى قايتۋ ءۇشىن قاجەتتى ۋاقىت دەمالىستى وتكىزۋ ورنىنا جاقىن تەمىرجول ستانتسياسىنا دەيىنگى قوزعالىس (قايتا وتىرۋدى ەسكەرە وتىرىپ), تەمىر جول كولىگى كەستەسى بويىنشا ەسەپتەلەدى. جاقىن تەمىر جول ستانتسياسىنان دەمالىس وتكىزۋ ورنىنا جەتۋگە قاجەتتى ۋاقىت قايتا وتىرۋلاردى ەسكەرە وتىرىپ, قالاارالىق اۆتوبۋستاردىڭ (مارشرۋتتىق تاكسيلەردىڭ) قوزعالىس كەستەسى بويىنشا ەسەپتەلەدى.
دەمالىستى وتكىزۋ ورنىنا كولىكتىڭ وزگە دە تۇرلەرىمەن بارعان كەزدە بارۋ جانە قايتۋ ۋاقىتى تەمىر جول كولىگىنىڭ قوزعالىس كەستەسى بويىنشا ەسەپتەلەدى.
72. دەمالىستى بىرنەشە پۋنكتتە وتكىزگەن جاعدايدا اسكەري قىزمەتشىنىڭ تاڭداۋى بويىنشا قىزمەت ورنىنان وعان وسى پۋنكتتەردىڭ بىرەۋىنە بارۋ جانە كەرى قايتۋ ءۇشىن ۋاقىت ۇسىنىلادى.
73. دەمالىستى وتكىزۋ ورنىنا بارۋ جانە كەرى قايتۋ ءۇشىن قاجەتتى ۋاقىتتى ەسەپتەۋ ءۇشىن راستايتىن قۇجاتتار جول ءجۇرۋ قۇجاتتارى (بيلەتتەر), سونداي-اق تەمىر جول, تەڭىز, اۆيا-ۆوكزالدار مەن اۆتوبۋس ستانتسيالارىنان الىنعان انىقتامالار بولىپ تابىلادى.
74. باياناتتا كورسەتىلگەن ەلدى مەكەندە بولعانىن راستايتىن قۇجاتتار جاقىن ورنالاسقان قورعانىس ىستەرى جونىندەگى باسقارمادا (بولىمدە) ەسەپكە قويىلعانى جانە الىنعانى تۋرالى دەمالىس بيلەتىنىڭ سىرتقى جاعىنا قويىلعان بەلگى ء(مور) بولىپ تابىلادى.
ەگەر اسكەري قىزمەتشى دەمالىسقا كەلگەن ەلدى مەكەندە قورعانىس ىستەرى جونىندەگى باسقارما ء(بولىم) بولماسا, ول جەرگىلىكتى مەملەكەتتىك باسقارۋ ورگانىندا ەسەپكە تۇرۋى (ەسەپتەن الىنۋى) مۇمكىن.
75. قازاقستان رەسپۋبليكاسىنان تىس دەمالىسقا شىققان كەزدە باياناتتا كورسەتىلگەن ەلدى مەكەندە بولعانى تۋرالى راستايتىن قۇجات جول ءجۇرۋ قۇجاتى بولىپ تابىلادى.
76. دەمالىستى وتكىزۋ ورنىنا جەتۋ ءۇشىن قاجەتتى ۋاقىت ون ەكى ساعاتتان اسسا, وندا اسكەري قىزمەتشىنىڭ دەمالىسىنا دەمالىستى وتكىزۋ ورنىنا بارۋى جانە كەرى قايتۋى ءۇشىن ەكى تاۋلىك (ودان كوپ) قوسىلادى.
77. دەمالىستى وتكىزۋ ورنىنا جەتۋ ءۇشىن قاجەتتى ۋاقىت ون ەكى ساعاتقا جەتپەسە, وندا اسكەري قىزمەتشىنىڭ دەمالىسىنا دەمالىستى وتكىزۋ ورنىنا بارۋى جانە كەرى قايتۋى ءۇشىن ءبىر تاۋلىك قوسىلادى.
78. جىل سايىنعى نەگىزگى دەمالىستى تۋريستىك جولدامالار بويىنشا وتكىزگەن جاعدايدا جول ءجۇرۋ ءۇشىن ۋاقىت قىزمەت ورنىنان باستاپقى پۋنكتكە دەيىن جانە كەرى – تۋريستىك باعىتتىڭ سوڭعى پۋنكتىنەن قىزمەت ورنىنا دەيىن ۇسىنىلادى.
79. جۇكتىلىگى جانە بالا تۋىنا بايلانىستى دەمالىسقا شىعار الدىندا نەمەسە ودان كەيىن, بولماسا بالا كۇتىمى بويىنشا بەرىلگەن دەمالىسى اياقتالعان سوڭ ايەل اسكەري قىزمەتشىگە ەگەر بۇعان دەيىن پايدالانباسا, ونىڭ قالاۋى بويىنشا تولىق تولەنەتىن جىل سايىنعى دەمالىسى ۇسىنىلادى.
80. وتباسى جاعدايى بويىنشا قىسقا مەرزىمدى دەمالىس جىل سايىنعى نەگىزگى دەمالىستى پايدالانۋىنا قاراماستان ۇسىنىلادى.
81. قىزمەتتىك قاجەتتىلىك بويىنشا اسكەري قىزمەتشى دەمالىستى بەرۋ قۇقىعى بەرىلگەن ۋاكىلەتتى لاۋازىمدى ادامنىڭ ساپتىق ءبولىم بويىنشا بۇيرىعىمەن جىل سايىنعى نەگىزگى دەمالىستان كەيىن شاقىرتىلادى.
8. كەلىسىمشارت بويىنشا اسكەري قىزمەتشىلەردى اسكەري قىزمەتتەن شىعارۋ
82. كەلىسىمشارت بويىنشا اسكەري قىزمەتشىلەردى تەرىس سەبەپتەر بويىنشا شىعارۋ تۋرالى شەشىم قابىلداۋ اتتەستاتتاۋ كوميسسياسىنىڭ قاراۋىنان كەيىن جۇرگىزىلەدى.
83. ۋاكىلەتتى ورگاننىڭ باستاماسى بويىنشا جۇكتى ايەلدەرمەن, ءۇش جاسقا دەيىنگى بالاسى بار ايەلدەرمەن, ون ءتورت جاسقا دەيىنگى بالاسى (ون سەگىز جاسقا دەيىنگى مۇگەدەك بالاسى) بار جالعىزباستى انالارمەن, اتالعان ساناتتاعى بالالاردى اناسىز تاربيەلەيتىن وزگە دە ادامدارمەن شتاتتاردى قىسقارتۋ (ۇيىمداستىرۋ-شتاتتىق ءىس-شارالار) بويىنشا كەلىسىمشارتتى بۇزۋعا جول بەرىلمەيدى.
84. اسكەري قىزمەتتەن شىعارۋعا ۇسىنۋ الدىندا ولاردىڭ قىزمەت وتكەرۋى تۋرالى دەرەكتەر ناقتىلانادى, قاجەت بولعان جاعدايدا ولاردىڭ قىزمەت وتكەرگەن كەزەڭدەرى كۇنتىزبەلىك ەسەپپەن ەڭبەك سىڭىرگەن جىلدارىنا جانە جەڭىلدىك جاعدايىندا جەكە ەسەپتەلۋى قۇجاتتامامەن راستالادى, زاڭناماعا سايكەس زەينەتكەرلىككە ەڭبەك سىڭىرگەن جىلدارى ەسەپتەلەدى. ەسەپتەلگەن ەڭبەك سىڭىرگەن جىلدارى اسكەري قىزمەتشىگە جاريالانادى.
85. كەلىسىمشارت بويىنشا قىزمەت مەرزىمى اياقتالعان جانە ەمدەلۋدەگى اسكەري قىزمەتشىلەردىڭ كەلىسىمشارت مەرزىمىنىڭ اياقتالۋ كۇنى قازاقستان رەسپۋبليكاسى ۇكىمەتىنىڭ 2007 جىلعى 4 جەلتوقسانداعى № 1171 قاۋلىسىمەن بەكىتىلگەن ەكى ايدان استام ەڭبەككە ۋاقىتشا جارامسىزدىق مەرزىمى بەلگىلەنۋى مۇمكىن اۋرۋ تۇرلەرىنىڭ تىزبەسىنە سايكەس ەمدەلۋدە بولعان كەزەڭىنە ۇزارتىلادى.
86. شىعارۋعا ارنالعان ۇسىنىمدا وڭ اتتەستاتتالعان اسكەري قىزمەتشىنى كوتەرمەلەۋ شارالارى تۋرالى ۇسىنىستار كورسەتىلەدى.
87. كەلىسىمشارت قولدانىسىنىڭ توقتاتىلۋى تۋرالى بارلىق دانالارداعى جازبالار جەكە قۇرام بويىنشا بۇيرىقتاعى تۇجىرىمعا سايكەس جۇرگىزىلەدى.
88. قۇجاتتار قر ۇۇ باس قولباسشىلىعىنا ءبىر دانادا, مەملەكەتتىك جانە ورىس تىلدەرىندە, جەكە ىستەرى كادر جانە اسكەري ءبىلىم باسقارماسىندا ساقتالاتىن وفيتسەرلەرگە 2 دانادا (ولاردى جەكە ىسكە تىگۋ ءۇشىن) ۇسىنىلادى.
89. وفيتسەرلەردى شىعارۋ كەزىندە قۇجاتتار ءبىر دانادا (نومەنكلاتۋرالىق ىسكە تىگۋ ءۇشىن) ۇسىنىلادى.
90. جەكە ىستەرى كادر جانە اسكەري ءبىلىم باسقارماسىندا ساقتالاتىن وفيتسەرلەرگە كەزەكتى اسكەري اتاق بەرۋگە ۇسىنۋ كەزىندە 1 دانا 9ح12 (جەكە ىسكە), 1 دانا 3ح4 فوتوسۋرەتى (قىسقارتىلعان قىزمەتتىك كارتوچكاسىنا) قوسىمشا جىبەرىلەدى.
91. وفيتسەردىڭ نەمەسە ساربازدار مەن سەرجانتتار قۇرامى لاۋازىمدارىنداعى كەلىسىمشارت بويىنشا اسكەري قىزمەتشىنىڭ اسكەري قىزمەت وتكەرۋىنە قاتىستى جانە جەكە قۇرام بويىنشا بۇيرىقپەن بەكىتىلگەن ءاربىر تارماققا ءتيىستى اتتەستاتتاۋ ماتەريالدارى رەسىمدەلەدى, ولار نومەنكلاتۋرالىق ىستەرگە, ال ولاردىڭ كوشىرمەلەرى اسكەري قىزمەتشىلەردىڭ جەكە ىستەرىنە تىگىلۋى ءتيىس.
9. مەرزىمدى اسكەري قىزمەتتەگى اسكەري قىزمەتشىلەردىڭ لاۋازىمدارىن جاساقتاۋ
92. مەرزىمدى اسكەري قىزمەتتەگى اسكەري قىزمەتشىلەردىڭ لاۋازىمدارىن جاساقتاۋ زاڭمەن بەلگىلەنگەن تارتىپپەن شاقىرىلعان قازاقستان رەسپۋبليكاسىنىڭ ازاماتتارى قاتارىنان جۇرگىزىلەدى.
جاساقتاۋعا جانە ازاماتتاردى زەردەلەۋگە ءجابو-مەن بىرگە قر ءىىم وكىلدەرى قاتىسادى.
بۇل جۇمىستى:
1) ۇۇ بق;
2) قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى;
3) جەدەل جوسپارلاۋ دەپارتامەنتىنىڭ جۇمىلدىرۋ دايىندىعى جانە ازاماتتىق قورعانىس باسقارماسى;
4) قورعانىس ىستەرى دەپارتامەنتتەرىنە, باسقارمالارىنا جانە بولىمدەرىنە بەكىتىلگەن قر ۇۇ وڭىرلىك قولباسشىلىقتارىنىڭ قولباسشىلارى جانە اسكەري ءبولىم كومانديرلەرى;
5) ءتيىستى اكىمشىلىك-اۋماقتىق بىرلىكتەردىڭ شاقىرۋ كوميسسيالارىنىڭ مۇشەلەرى بولىپ تابىلاتىن ىشكى ىستەر ورگاندارى باستىقتارىنىڭ ورىنباسارلارى ۇيىمداستىرادى.
قر ۇۇ مەرزىمدى اسكەري قىزمەتتىڭ جاس تولىقتىرۋشىلارىمەن جاساقتاۋ ەكساۋماقتىق قاعيدات بويىنشا اسكەردىڭ بەكىتىلگەن شتات سانىنا سايكەس جۇرگىزىلەدى.
93. جىل سايىن قاڭتار جانە شىلدە ايلارىندا ۇۇ بق جاس تولىقتىرۋشىلاردىڭ, ونىڭ ىشىندە مامانداردىڭ قاجەتتى سانىن كورسەتە وتىرىپ ەسەپ-ءوتىنىم جاسايدى جانە قازاقستان رەسپۋبليكاسى قارۋلى كۇشتەرى باس شتابىنىڭ ۇيىمداستىرۋ-جۇمىلدىرۋ جۇمىسى دەپارتامەنتىنە جولدايدى.
94. وبلىستاردىڭ (قالا) جيناۋ پۋنكتتەرىنەن اسكەري بولىمدەرگە جىبەرىلەتىن اسكەرگە شاقىرىلۋشىلاردىڭ سانىن جوسپارلاۋدى ۇۇ باس شتابى ءاربىر قورعانىس ىستەرى جونىندەگى دەپارتامەنتكە (قالا, وبلىس) ارنالعان ناريادقا بايلانىستى جۇزەگە اسىرادى.
95. زەردەلەۋدى قر ۇۇ وڭىرلىك قولباسشىلىقتارىنىڭ جانە اسكەري بولىمدەرىنىڭ ءتيىستى شتاتتىق لاۋازىمدارىنداعى وفيتسەرلەرى (بۇدان ءارى – شتاتتىق لاۋازىمدارداعى وفيتسەرلەر) جۇزەگە اسىرادى., ولار اسكەري بولىمدەرگە جونەلتۋگە قاتىسادى.
شتاتتىق لاۋازىمدارداعى اسكەري قىزمەتشىلەر اي سايىن ءجابو جانە اۋماقتىق ىشكى ىستەر ورگاندارىنا ىسساپارعا جىبەرىلەدى. شتاتتىق لاۋازىمدارداعى وفيتسەرلەرگە كومەكتەسۋ ءۇشىن وڭىرلىك قولباسشىلىقتاردىڭ جانە اسكەري بولىمدەردىڭ ورنالاسۋ ورنى بويىنشا وسى جۇمىسقا دايارلانعان اسكەري قىزمەتشىلەردى بولىنەدى.
شتاتتىق لاۋازىمدارداعى ىسساپارعا جىبەرىلگەن وفيتسەرلەرگە ازاماتتارمەن اڭگىمەلەسۋ جۇرگىزۋ جانە قۇجاتتاردى زەردەلەۋ ءۇشىن ءۇي-جايلار بولىنەدى.
96. باس قولباسشى جىل سايىن بۇيرىق شىعارادى, وندا وڭىرلىك قولباسشىلىقتار مەن اسكەري بولىمدەر ءجابو-عا بەكىتىلەدى.
97. اسكەردىڭ ىسساپارعا جىبەرىلگەن وفيتسەرلەرىمەن بىرگە زەردەلەۋدى ءتيىستى ىشكى ىستەر دەپارتامەنتتەرى باستىقتارىنىڭ, وڭىرلىك قولباسشىلىق قولباسشىلارىنىڭ, اسكەري ءبولىم كومانديرلەرىنىڭ بىرلەسكەن بۇيرىقتارىمەن تاعايىندالاتىن ىشكى ىستەر ورگاندارىنان جۇمىلدىرۋ دايىندىعى جانە ازاماتتىق قورعانىس بولىمشەلەرىنىڭ قىزمەتكەرلەرى ءجابو جانە اۋماقتىق ىشكى ىستەر ورگاندارىنا شىعا وتىرىپ, جۇزەگە اسىرادى.
98. ۋچاسكەلىك پوليتسيا ينسپەكتورلارىنا وسى نۇسقاۋلىققا 11-قوسىمشاعا سايكەس نىسان بويىنشا قر ۇۇ شاقىرىلاتىن ازاماتقا انىقتاما جاساۋ جۇكتەلەدى.
99. قر ۇۇ ءۇشىن اسكەرگە شاقىرىلۋشىلاردىڭ كوماندالارىن قالىپتاستىرۋ جانە جونەلتۋ كەزەڭىندە وبلىستىق (قالالىق) جيناۋ پۋنكتتەرىندە, سونداي-اق تەمىر جول ستانتسيالارىندا اسكەري كوماندالاردى جونەلتۋ, وتىرعىزۋ, كەلۋ ورىندارىندا جانە اسكەرگە شاقىرىلۋشىلاردى تاسىمالدايتىن جولاۋشىلار پوەزدارىندا ىشكى ىستەر ورگاندارى قىزمەتكەرلەرىنىڭ كۇشەيتىلگەن كەزەكشىلىگى ۇيىمداستىرىلادى.
100. ەكى جىلدا ءبىر رەت ۇۇ بق-دا شتاتتىق لاۋازىمدارداعى وفيتسەرلەرمەن وقۋ-ادىستەمەلىك جيىن وتكىزەدى. جيىنعا جۇمىلدىرۋ دايىندىعى جانە ازاماتتىق قورعانىس بولىمشەلەرىنىڭ قىزمەتكەرلەرى تارتىلادى.
101. جاس تولىقتىرۋشىلاردى قابىلداۋ ءۇشىن وبلىستىق (قالالىق) جيناۋ پۋنكتتەرىنە مىناداي ەسەپپەن جاس تولىقتىرۋشىلاردى قابىلداۋشىلار جىبەرىلەدى:
20 اسكەرگە شاقىرىلۋشىعا دەيىن – 1 اسكەري قىزمەتشى;
20-دان 40 اسكەرگە شاقىرىلۋشىعا دەيىن – 2 اسكەري قىزمەتشى;
40-تان 50 اسكەرگە شاقىرىلۋشىعا دەيىن – 3 اسكەري قىزمەتشى;
50-دەن 60 اسكەرگە شاقىرىلۋشىعا دەيىن – 4 اسكەري قىزمەتشى;
60 جانە ودان كوپ اسكەرگە شاقىرىلۋشىعا – 5 اسكەري قىزمەتشى.
كوماندا باسشىلارىندا وسى نۇسقاۋلىققا 12-قوسىمشاعا سايكەس تىزبە بويىنشا م ۇلىك بولۋى ءتيىس.
102. جاس تولىقتىرۋشىلاردى قابىلداۋشىلار وبلىستىق (رەسپۋبليكالىق ماڭىزى بار قالا نەمەسە استانا) جيناۋ پۋنكتىنىڭ باستىعىنا باعىنادى. ولار جيناۋ پۋنكتىنىڭ جۇمىس تارتىبىنە سايكەس ءىس-شارالارعا قاتىسادى.
103. شاقىرىلۋشىنى قابىلداۋدان باس تارتقان جاعدايدا ەركىن نىساندا اكت جاسالادى, وعان شتاتتىق لاۋازىمداعى وفيتسەر وڭىرلىك قولباسشىلىقتىڭ (اسكەري ءبولىمنىڭ) جيناۋ پۋنكتىندەگى لاۋازىمدى ادامدارىمەن بىرلەسىپ, سونداي-اق شاقىرۋ كوميسسياسىنىڭ مۇشەسى قول قويادى, تالداۋ جانە شارا قابىلداۋ ءۇشىن ۇلتتىق ۇلاننىڭ باس شتابىنا ۇسىنىلادى.
10. مەرزىمدى قىزمەتتەگى اسكەري قىزمەتشىلەردى اسكەري لاۋازىمدارعا تاعايىنداۋ جانە اۋىستىرۋ
104. مەرزىمدى قىزمەتتەگى اسكەري قىزمەتشىلەردى لاۋازىمدارعا تاعايىنداۋ باعىنىستىلىق تارتىبىمەن اتاۋلى تىزىمدەر, جوعارى تۇرعان شتابتاردىڭ وكىمدەرى نەگىزىندە اسكەري ءبولىم كومانديرىنىڭ تاۋلىكتىك بۇيرىعىمەن جۇرگىزىلەدى.
اسكەري قىزمەتشىلەر قىزمەتتى اسكەري قىزمەتكە شاقىرۋ كەزىندە جىبەرىلگەن نەمەسە وقۋ اسكەري بولىمىندە دايارلىقتان كەيىن كەلگەن اسكەري بولىمدە وتكەرەدى.
105. مەرزىمدى قىزمەتتەگى اسكەري قىزمەتشىنىڭ نەگىزگى ەسەپتىك-اسكەري قۇجاتتارىن جۇرگىزۋ:
ەسەپتىك-قىزمەتتىك كارتا - ساپتىق بولىمگە;
اسكەري بيلەت - بولىمشە (روتا) كومانديرىنە جۇكتەلەدى.
106. اسكەري قىزمەتشىنىڭ اسكەري بيلەتىندە:
1) اسكەري قىزمەت وتكەرگەنى تۋرالى;
2) اسكەري انت قابىلداعانى تۋرالى;
3) اسكەري اتاقتار بەرىلگەنى تۋرالى;
4) اسكەري-ەسەپتىك ماماندىق بەرىلگەنى تۋرالى;
5) لاۋازىمىنىڭ جانە اسكەري-ەسەپتىك ماماندىعىنىڭ اتاۋى تۋرالى;
6) ەرەكشە بەلگىلەر بولىمىندە:
وقىعان ماماندىعىن كورسەتە وتىرىپ, وقۋ اسكەري بولىمىندە وقىعانى تۋرالى;
اۋىستىرىلعانى, اسكەري ءبولىمدى ءوز بەتىمەن تاستاپ كەتكەنى, قاماۋعا الىنعانى تۋرالى ساپتىق ءبولىم بويىنشا بۇيرىقتاردىڭ نومىرلەرى;
7) جۇمىلدىرۋ بويىنشا شاقىرىلعانى تۋرالى, ۇرىس قيمىلدارىنا قاتىسقانى تۋرالى, سوعىس ۋاقىتىندا پايدالانىلعانى تۋرالى, جۇمىلدىرۋ ۇيعارىمدارىنىڭ بەرىلگەنى جانە الىنعانى تۋرالى بەلگىلەر قويىلادى.
107. ودان ءارى قىزمەت وتكەرۋ ءۇشىن اۋىستىرۋ:
1) اسكەري ءبولىمنىڭ ىشىندە – اسكەري ءبولىم كومانديرىنىڭ بۇيرىعىمەن;
2) وڭىرلىك قولباسشىلىق ىشىندە ءبىر اسكەري بولىمنەن ەكىنشىسىنە – وڭىرلىك قولباسشىلىق قولباسشىسىنىڭ وكىمى نەگىزىندە;
3) وڭىرلىك قولباسشىلىقتار مەن تىكەلەي باعىنىستى اسكەري بولىمدەر اراسىندا – ۇۇ بق بۇيرىقتارىمەن جانە وكىمدەرىمەن جۇرگىزىلەدى.
108. ۋاقىتشا ىسساپارعا جىبەرۋ:
اسكەري ءبولىمنىڭ ورنالاسۋ شەگىندە, سونداي-اق قاماۋمەن ۇستالاتىن ادامداردى ايداۋىلمەن الىپ ءجۇرۋ جونىندەگى مىندەتتەردى ورىندايتىن بولىمشەلەردىڭ قۇرامىندا اسكەري ءبولىم كومانديرىنىڭ بۇيرىعىمەن جۇرگىزىلەدى;
وڭىرلىك قولباسشىلىق اسكەري بولىمدەرىنىڭ ورنالاسۋى شەگىندە وڭىرلىك قولباسشىلىق قولباسشىسىنىڭ وكىمى نەگىزىندە اسكەري ءبولىم كومانديرىنىڭ بۇيرىعىمەن جۇرگىزىلەدى;
وڭىرلىك قولباسشىلىقتار اراسىندا, مەملەكەتتىك ورگاندارعا, سونداي-اق قازاقستان رەسپۋبليكاسىنان تىس جەردە سپورتتىق جيىندارعا جانە سايىستارعا قاتىسۋ ءۇشىن ۇۇ بق وكىمى نەگىزىندە جۇرگىزىلەدى.
سوت-تەرگەۋ ورگاندارىنىڭ قولداۋحاتى بويىنشا ىسساپارعا جىبەرۋ ۇۇ اسكەري بولىمدەرىنە جۇزەگە اسىرىلادى.
109. اسكەري قىزمەتشىلەر اسكەري بولىمگە كەشىگىپ كەلگەن كەزدە قىزمەتتىك تەرگەۋ جۇرگىزە وتىرىپ, كەشىگۋ سەبەبىن انىقتاۋ اسكەري قىزمەتشى قارام
• 20 اقپان, 2016
قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى №764
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
