قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №2

2016 جىلعى 6 قاڭتار,  استانا قالاسى مۇگەدەكتەرگە ارنالعان جۇمىس ورىندارىن كۆوتالاۋ قاعيدالارىن بەكىتۋ تۋرالى «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ 6-بابى 2-تار­­­­­­­ماعىنىڭ 9-12) تارماقشاسىنا جانە 7-بابى 5-2) تارماقشاسىنا جانە «مەملەكەتتىك ستاتيستيكا تۋرالى» 2010 جىلعى 19 ناۋرىزداعى قازاقستان رەسپۋبليكاسى زاڭىنىڭ 16-بابى 3-تارماعىنىڭ 2) تارماقشاسىنا سايكەس بۇيىرامىن: 1. مىنالار: 1) وسى بۇيرىققا 1-قوسىمشاعا سايكەس مۇگەدەكتەرگە ارنالعان جۇمىس ورىندارىن كۆوتالاۋ قاعيدالارى; 2) وسى بۇيرىققا 2-قوسىمشاعا سايكەس «مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىسان; 3) وسى بۇيرىققا 3-قوسىمشاعا سايكەس «مۇگەدەكتەردى جۇمىسقا ورنالاستىرۋعا ارنالعان كۆوتانىڭ ورىندالۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىسان بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ حالىقتى جۇمىسپەن قامتۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەردىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارىنىڭ نازارىنا جەتكىزۋدى; 5) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەر ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب. نۇرىمبەتوۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشى ە.ءبىرتانوۆ. كەلىسىلدى قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتى  توراعاسىنىڭ مىندەتىن اتقارۋشى __________________ ب.يماناليەۆ 2016 جىلعى 8 قاڭتار قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 6 قاڭتارداعى №2 بۇيرىعىنا 1-قوسىمشا مۇگەدەكتەرگە ارنالعان جۇمىس ورىندارىن كۆوتالاۋ قاعيدالارى 1. جالپى ەرەجەلەر 1. وسى مۇگەدەكتەرگە ارنالعان جۇمىس ورىندارىن كۆوتالاۋ قاعيدالارى (بۇدان ءارى – قاعيدالار) «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ (بۇدان ءارى – زاڭ) 6-بابى 2-تارماعىنىڭ 9-12) تارماقشاسىنا, 7-بابى 5-2) تارماقشاسىنا سايكەس ازىرلەندى جانە مۇگەدەكتەرگە ارنالعان جۇمىس ورىندارىنا كۆوتا بەلگىلەۋدىڭ جالپى ءتارتىبىن, مولشەرىن جانە شارتتارىن بەلگىلەيدى. 2. وسى قاعيدالاردا پايدالانىلاتىن نەگىزگى ۇعىمدار: 1) جۇمىس بەرۋشi – قىزمەتكەر ونىمەن ەڭبەك قاتىناستارىندا تۇرعان جەكە نەمەسە زاڭدى تۇلعا; 2) مۇگەدەك – تۇرمىس-تىرشىلىگىنىڭ شەكتەلۋiنە جانە ونى الەۋمەتتiك قورعاۋ قاجەتتiگiنە اكەپ سوقتىراتىن, اۋرۋلارعا, مەرتىگۋلەرگە (جارالانۋعا, جاراقاتتارعا, كونتۋزيالارعا), ولاردىڭ زارداپتارىنا, كەمiستiكتەرگە بايلانىستى ورگانيزم فۋنكتسيالارى تۇراقتى بۇزىلىپ, دەنساۋلىعى ناشارلاعان ادام; 3) مۇگەدەكتەرگە ارنالعان جۇمىس ورىندارىنىڭ كۆوتاسى (بۇدان ءارى – كۆوتا) – اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, جۇمىس ورىندار سانىنىڭ پايىزدىق كورسەتىلىمىندە مۇگەدەكتەر جۇمىس ىستەيتىن جۇمىس ورىندارىنىڭ سانىن قوسا العاندا, جۇمىس بەرۋشى جۇمىسقا ورنالاستىرۋعا مىندەتتى مۇگەدەكتەردى جۇمىسقا قابىلداۋعا ارنالعان جۇمىس ورىندارىنىڭ ەڭ از سانى; 4) مۇگەدەكتەردى جۇمىسقا ورنالاستىرۋ ءۇشىن جۇمىس ورىندارىن كۆوتالاۋ – جەرگىلىكتى اتقارۋشى ورگاندار بەلگىلەگەن كۆوتاعا سايكەس مۇگەدەكتەردى جۇمىسقا ورنالاستىرۋ ءۇشىن جۇمىس بەرۋشىلەردىڭ جۇمىس ورىندارىن ۇسىنۋى; 5) ۋاكiلەتتi ورگان – حالىقتىڭ جۇمىسپەن قامتىلۋىنا جاردەمدەسۋدى جانە جۇمىسسىزدىقتان الەۋمەتتiك قورعاۋدى وڭىرلىك دەڭگەيدە قامتاماسىز ەتەتiن جەرگiلiكتi اتقارۋشى ورگانداردىڭ قۇرىلىمدىق بولiمشەسi. 2. مۇگەدەكتەرگە ارنالعان جۇمىس ورىندارىن كۆوتالاۋ ءتارتىبى, كۆوتا بەلگىلەۋدىڭ مولشەرى مەن شارتتارى 3. كۆوتانى اۋدانداردىڭ, قالالاردىڭ جەرگىلىكتى اتقارۋشى ورگاندارى ۇيىمدىق-قۇقىقتىق نىسانىنا جانە مەنشىك نىسانىنا قاراماستان ۇيىمدار ءۇشىن ۇيىمنىڭ تىزىمدىك سانىنىڭ پايىزدىق كورسەتىلىمىندە بەلگىلەيدى جانە جىل سايىن قايتا قارايدى. 4. كۆوتا شەڭبەرىندە مەديتسينالىق قورىتىندىعا سايكەس ەڭبەك (قىزمەتتىك) مىندەتتەرىن اتقارۋعا قارسى كورسەتىلىمدەرى جوق مۇگەدەكتەر جۇمىسقا ورنالاستىرىلادى. قازاقستان رەسپۋبليكاسىنىڭ زاڭدارىمەن قىزمەتكە كىرۋدىڭ ەرەكشە جاعدايلارى, لاۋازىمعا تاعايىنداۋدىڭ ءتارتىبى ايقىندالعان جاعدايلاردا, كۆوتا بەلگىلەنبەيدى. 5. كۆوتا بەلگىلەۋ جونىندەگى ۇسىنىستاردى: 1) زاڭنىڭ جانە وسى قاعيدالاردىڭ; 2) ءتيىستى اكىمشىلىك-اۋماقتىق بىرلىكتەگى ەڭبەك نارىعىندا مۇمكىندىگى شەكتەۋلى ادامدار سانىنان جۇمىس كۇشىنە اعىمداعى سۇرانىس پەن ۇسىنىستى تالداۋدىڭ, بولجاۋدىڭ; 3) وڭىردەگى جۇمىس ىستەپ تۇرعان ۇيىمدار سانىنىڭ; 4) ۇيىمدارداعى قىزمەتكەرلەردىڭ شتاتتىق سانى جانە قولدا بار بوس جۇمىس ورىندارىنىڭ سانى تۋرالى جۇمىس بەرۋشىلەردىڭ مالىمەتتەرى نەگىزىندە قالىپتاستىرىلعان ۇيىمدارداعى قىزمەتكەرلەردىڭ تىزىمدىك سانىنىڭ; بەلگىلەنگەن كۆوتا كوبىرەك ءبۇتىن ساندى قۇراعان جاعدايدا, ساندى دوڭگەلەكتەۋ ءبۇتىن مانگە ازايتۋ جاعىنا قاراي جۇرگىزىلەدى; 5) مۇگەدەكتەردى جۇمىسقا ورنالاستىرۋ ءۇشىن جۇمىس بەرۋشى ۇسىنعان قولدانىستاعى جۇمىس ورىندارىنىڭ سانى تۋرالى مالىمەتتەر تالداۋىنىڭ; 6) كۆوتادان تىس جۇمىس بەرۋشىلەر مەن مۇگەدەكتەر اراسىندا جاسالعان قولدانىستاعى ەڭبەك شارتتارىنىڭ سانى تۋرالى مالىمەتتەر تالداۋىنىڭ; 7) حالىقتى جۇمىسپەن قامتۋ ورتالىعى جۇمىسسىز رەتىندە تىركەگەن جانە كۆوتا بويىنشا جۇمىسقا ورنالاسقىسى كەلەتىن مۇگەدەكتەر ءتىزىمىنىڭ نەگىزىندە ۋاكىلەتتى ورگان ازىرلەيدى. 6. ەڭبەك جاعدايلارى اۋىر, زياندى جانە (نەمەسە) قاۋىپتى ساناتقا جاتقىزىلعان ۇيىمدار ءۇشىن قىزمەتكەرلەردىڭ تىزىمدىك سانىنا ەڭبەك جاعدايلارى بويىنشا جۇمىس ورىندارىن اتتەستاتتاۋ ناتيجەلەرى بويىنشا ەڭبەك جاعدايلارى اۋىر, زياندى جانە (نەمەسە) قاۋىپتى ساناتقا جاتقىزىلعان قىزمەتكەرلەر كىرمەيدى. 7. ۋاكىلەتتى ورگان «مەملەكەتتىك ستاتيستيكا تۋرالى» 2010 جىلعى 19 ناۋرىزداعى قازاقستان رەسپۋبليكاسى زاڭىنىڭ 16-بابى 3-تارماعىنىڭ 2) تارماقشاسىنا سايكەس بەكىتىلگەن نىسان بويىنشا جۇمىس بەرۋشىلەر ۇسىناتىن مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەردىڭ نەگىزىندە ۇيىمدار بولىنىسىندە جۇمىسقا ورنالاستىرۋعا مۇقتاج مۇگەدەكتەردىڭ جانە مۇگەدەكتەرگە ارنالعان بوس جۇمىس ورىندارىنىڭ دەرەكتەر بازاسىن قالىپتاستىرادى. 8. رەسپۋبليكالىق ماڭىزى بار قالانىڭ, اۋداننىڭ (وبلىستىق ماڭىزى بار قالانىڭ) جەرگىلىكتى اتقارۋشى ورگانى ۋاكىلەتتى ورگان ۇسىنعان ۇسىنىستاردىڭ نەگىزىندە «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسى زاڭىنىڭ 7-بابى 5-2) تارماقشاسىنا سايكەس ۇيىمدار بولىنىسىندە مۇگەدەكتەرگە ارنالعان جۇمىس ورىندارىنا كۆوتا بەكىتەدى جانە جۇمىس بەرۋشىلەردىڭ نازارىنا كۇنتىزبەلىك جىل باستالعانعا دەيىن ءبىر اي قالعانشا جەتكىزەدى. 9. جەرگىلىكتى اتقارۋشى ورگاندار مۇگەدەكتەرگە ارنالعان جۇمىس ورىندارىنا كۆوتا بەلگىلەۋ تۋرالى اكتىنى وڭىرلىك بۇقارالىق اقپارات قۇرالدارىندا, سونداي-اق رەسمي ينتەرنەت سايتتاردا ورنالاستىرادى. 10. جۇمىس بەرۋشىلەر بەلگىلەنگەن كۆوتاعا سايكەس كۆوتا ەنگىزىلگەن كۇننەن باستاپ كۇنتىزبەلىك 1 اي ىشىندە مۇگەدەكتەردى جۇمىسقا ورنالاستىرۋ ءۇشىن جۇمىس ورىندارىن ۇسىنادى. 11. جۇمىس بەرۋشىلەر ۋاكىلەتتى ورگانعا «مەملەكەتتىك ستاتيستيكا تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ 2) تارماقشاسىنا سايكەس نىسان بويىنشا ءۇش ايدان كەم ەمەس مەرزىمگە جاسالعان ەڭبەك شارتىمەن راستالعان جۇمىس بەرۋشىنىڭ بوس نەمەسە بەلگىلەنگەن كۆوتا شەڭبەرىندە ۇسىنىلعان جۇمىس ورىندارىنا مۇگەدەكتەردى جۇمىسقا ورنالاستىرۋى تۋرالى مالىمەتتەر ۇسىنۋى كۆوتانى ورىنداۋ بولىپ تابىلادى. 12. كۆوتا ەسەبىنەن جۇمىسقا ورنالاستىرىلعان قىزمەتكەرلەردى جۇمىس بەرۋشىنىڭ باستاماسى بويىنشا جانە (نەمەسە) قىزمەتكەردى ءوز ەركىمەن جۇمىستان بوساتۋ جۇمىستان بوساتىلعان كۇننەن باستاپ بەس جۇمىس كۇنى ىشىندە جۇمىس بەرۋشىنىڭ ورنالاسقان جەرى بويىنشا ۋاكىلەتتى ورگانعا مiندەتتى تۇردە حابارلاي وتىرىپ جۇزەگە اسىرىلادى. 13. كۆوتا بەلگىلەۋ ءۇشىن قىزمەتكەرلەردىڭ تىزىمدىك سانىن ايقىنداۋ كەزىندە جالپى تىزىمدىك ساننان ۇيىمدا جۇمىس ىستەيتىن مۇگەدەكتەر الىنىپ تاستالادى. 14. كۆوتا اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, قىزمەتكەرلەردىڭ تىزىمدىك سانىنىڭ ەكىدەن ءتورت پايىزعا دەيىنگى مولشەردە بەلگىلەنەدى. ەلدى مەكەندەردە ەڭبەك ەتۋگە قابىلەتتى جاستاعى جۇمىسسىز مۇگەدەكتەر بولماعان جاعدايدا, ۇيىمداردا كۆوتا بەلگىلەنبەيدى. 15. مۇگەدەكتەردىڭ قوعامدىق بىرلەستىكتەرىنە, سونداي-اق قىزمەتكەرلەردىڭ تىزىمدىك سانىنىڭ جيىرما پايىزدان استامىن مۇگەدەكتەر قۇرايتىن ۇيىمدارعا كۆوتا بەلگىلەنبەيدى. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 6 قاڭتارداعى №2 بۇيرىعىنا 2-قوسىمشا اكىمشىلىك دەرەكتەردى جيناۋعا ارنالعان نىسان مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەر ەسەپتى كەزەڭ 20___ جىلعى ________ ايى يندەكس: 1-جوك كەزەڭدىلىگى: توقسان سايىن; ۇسىنادى: مۇگەدەكتەرگە ارنالعان جۇمىس ورىندارىنا كۆوتا بەلگىلەنگەن ۇيىمدار; نىسان كىمگە ۇسىنىلادى: وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارىنا; وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جۇمىسپەن قامتۋ پروبلەمالارى جونىندەگى اقپاراتتىق-تالداۋ ورتالىعى» اق-عا; ۇسىنۋ مەرزىمى: ۇيىمدار وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارىنا ەسەپتى توقساننان كەيىنگى ايدىڭ 10-كۇنىنە ۇسىنادى; وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جۇمىسپەن قامتۋ پروبلەمالارى جونىندەگى اقپاراتتىق-تالداۋ ورتالىعى» اق-عا مالىمەتتەردى ەسەپتى توقساننان كەيىنگى ايدىڭ 25-كۇنىنە ۇسىنادى. ۇيىمنىڭ اتاۋى    جىل باسىنداعى قىزمەتكەرلەردىڭ تىزىمدىك سانى (ادام)    كۆوتا مولشەرى (قىزمەتكەرلەردىڭ ورتاشا تىزىمدىك سانىنان %)    مۇگەدەكتەر ساناتىنا جاتقىزىلعان قىزمەتكەرلەر جۇمىس ىستەيتىن جۇمىس ورىندارىنىڭ سانى (بىرلىك)    اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, بەلگىلەنگەن كۆوتا سانى (ادام)    ماماندىقتار بويىنشا مۇگەدەكتەرگە ارنالعان بوس جۇمىس ورىندارىنىڭ (ۆاكانسيالاردىڭ) سانى (بىرلىك)    مۇگەدەكتەرگە ارنالعان بوس جۇمىس ورىندارىنا (ۆاكانسيالارعا) جۇمىسقا تۇرۋعا لاۋازىمدار اتاۋى    كاسىپتەر (لاۋازىمدار) بويىنشا بوس جۇمىس ورىندارىنىڭ سانى(بىرلىك)    بوس جۇمىس ورىندارى جونىندەگى مالىمەتتەر كاسىبي ءبىلىمى    ورتاشا ايلىقجالاقىسى (تەڭگە)    ەڭبەك جانە قىزمەت جاعدايى (تولىق ەمەس جۇمىس كۇنى, يكەمدى جۇمىس گرافيگى)    جۇمىس ءوتىلى (وسى لاۋازىمداعى كاسىبى, ماماندىعى بويىنشا)    باسقا دا تالاپتار (تاريفتىك رازرياد, سانات) 1    2    3    4    5    6    7    8    9    10    11    12    13 تەگى, اتى, اكەسىنىڭ اتى (ول بولسا) ________________________ _____________  باسشى (قولى) كۇنى 20__ جىلعى «__» ____________. ەسكەرتپە: اكىمشىلىك دەرەكتەردى جيناۋعا ارنالعان نىساندى تولتىرۋ بويىنشا تۇسىندىرمە وسى نىسانعا قوسىمشادا كەلتىرىلگەن. «مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىسانعا قوسىمشا «مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىساندى تولتىرۋ بويىنشا تۇسىندىرمە 1. جالپى ەرەجەلەر ۇيىم جەرگىلىكتى اتقارۋشى ورگان مۇگەدەكتەرگە ارنالعان جۇمىس ورىندارىنا بەلگىلەگەن كۆوتاعا بايلانىستى «مۇگەدەكتەردى جۇمىسقا ورنالاستىرۋ كۆوتاسىن ورىنداۋعا ارنالعان جۇمىس ورىندارىنىڭ سانى, بوس لاۋازىمدار مەن بوس جۇمىس ورىندارى تۋرالى مالىمەتتەردىڭ بولۋى تۋرالى مالىمەتتەر» اقپاراتىن مىناداي مالىمەتتەردى: ۇيىمنىڭ اتاۋىن; جىل باسىنداعى قىزمەتكەرلەردىڭ تىزىمدىك سانىن; كۆوتا مولشەرىن (قىزمەتكەرلەردىڭ ورتاشا تىزىمدىك سانىنان %); مۇگەدەكتەر ساناتىنا جاتقىزىلعان قىزمەتكەرلەر جۇمىس ىستەيتىن جۇمىس ورىندارىنىڭ سانىن; اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, بەلگىلەنگەن كۆوتا سانىن; ماماندىقتار بويىنشا مۇگەدەكتەرگە ارنالعان بوس جۇمىس ورىندارىنىڭ (ۆاكانسيالاردىڭ) سانىن; مۇگەدەكتەرگە ارنالعان بوس جۇمىس ورىندارىنا (ۆاكانسيالارعا) جۇمىسقا تۇرۋعا لاۋازىمدار اتاۋىن; كاسىپتەر (لاۋازىمدار) بويىنشا بوس جۇمىس ورىندارىنىڭ سانىن; بوس جۇمىس ورىندارى تۋرالى مالىمەتتەردى, ونىڭ ىشىندە: كاسىبي ءبىلىمىن, ورتاشا ايلىق جالاقىسىن (تەڭگە), ەڭبەك جانە قىزمەت جاعدايىن (تولىق ەمەس جۇمىس كۇنى, يكەمدى جۇمىس گرافيگى), جۇمىس ءوتىلىن (وسى لاۋازىمداعى كاسىبى, ماماندىعى بويىنشا), باسقا دا تالاپتاردى (تاريفتىك رازرياد, سانات) كورسەتە وتىرىپ, ەسەپتى توقساننان كەيىنگى ايدىڭ 10-كۇنىنە ۇسىنادى. كورسەتكىشتەر ءىس جۇزىندەگى دەرەكتەر بويىنشا اعىمداعى ايدىڭ 1-كۇنىنە قالىپتاستىرىلادى. مالىمەتتەرگە ءبىرىنشى باسشى نەمەسە ونىڭ مىندەتىن اتقارۋشى ادام قول قويادى. 2. نىساندى تولتىرۋ بويىنشا تۇسىندىرمە 1-باعاندا ۇيىمنىڭ اتاۋى كورسەتىلەدى. 2-باعاندا جىل باسىنداعى قىزمەتكەرلەردىڭ تىزىمدىك سانى كورسەتىلەدى. 3-باعاندا كۆوتا مولشەرى (قىزمەتكەرلەردىڭ ورتاشا تىزىمدىك سانىنان %) كورسەتىلەدى. 4-باعاندا مۇگەدەكتەر ساناتىنا جاتقىزىلعان قىزمەتكەرلەر جۇمىس ىستەيتىن جۇمىس ورىندارىنىڭ سانى كورسەتىلەدى. 5-باعاندا اۋىر جۇمىستارداعى, ەڭبەك جاعدايلارى زياندى, قاۋىپتى جۇمىستارداعى جۇمىس ورىندارىن ەسەپتەمەگەندە, بەلگىلەنگەن كۆوتا سانى كورسەتىلەدى. 6-باعاندا ماماندىقتار بويىنشا مۇگەدەكتەرگە ارنالعان بوس جۇمىس ورىندارىنىڭ (ۆاكانسيالاردىڭ) سانى كورسەتىلەدى. 7-باعاندا مۇگەدەكتەرگە ارنالعان بوس جۇمىس ورىندارىنا (ۆاكانسيالارعا) جۇمىسقا تۇرۋعا لاۋازىمدار اتاۋى كورسەتىلەدى. 8-باعاندا كاسىپتەر (لاۋازىمدار) بويىنشا بوس جۇمىس ورىندارىنىڭ سانى كورسەتىلەدى. 9-باعاندا بوس لاۋازىمعا سايكەس كەلەتىن قىزمەتكەردىڭ كاسىبي ءبىلىمى كورسەتىلەدى. 10-باعاندا بوس لاۋازىمعا سايكەس كەلەتىن قىزمەتكەردىڭ ورتاشا ايلىق جالاقىسى كورسەتىلەدى. 11-باعاندا قىزمەتكەردىڭ ەڭبەك جانە قىزمەت جاعدايى (تولىق ەمەس جۇمىس كۇنى, يكەمدى جۇمىس گرافيگى) كورسەتىلەدى. 12-باعاندا قىزمەتكەردىڭ جۇمىس ءوتىلى (وسى لاۋازىمداعى كاسىبى, ماماندىعى بويىنشا) كورسەتىلەدى. 13-باعاندا بوس لاۋازىمعا ۇمىتكەر قىزمەتكەرگە قويىلاتىن باسقا دا تالاپتار (تاريفتىك رازرياد, سانات) كورسەتىلەدى. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 6 قاڭتارداعى №2 بۇيرىعىنا 3-قوسىمشا اكىمشىلىك دەرەكتەردى جيناۋعا ارنالعان نىسان مۇگەدەكتەردى جۇمىسقا ورنالاستىرۋعا ارنالعان كۆوتانىڭ ورىندالۋى تۋرالى مالىمەتتەر ەسەپتى كەزەڭ 20___ جىلعى ________ ايى يندەكس: 2-جوك كەزەڭدىلىگى: توقسان سايىن; ۇسىنادى: مۇگەدەكتەرگە ارنالعان جۇمىس ورىندارىنا كۆوتا بەلگىلەنگەن ۇيىمدار; نىسان كىمگە ۇسىنىلادى: وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارىنا, وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جۇمىسپەن قامتۋ پروبلەمالارى جونىندەگى اقپاراتتىق-تالداۋ ورتالىعى» اق-عا; ۇسىنۋ مەرزىمى: ۇيىمدار وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارىنا ەسەپتى توقساننان كەيىنگى ايدىڭ 10-كۇنىنە ۇسىنادى; وبلىستاردىڭ, استانا جانە الماتى قالالارىنىڭ جۇمىسپەن قامتۋ ۋاكىلەتتى ورگاندارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جۇمىسپەن قامتۋ پروبلەمالارى جونىندەگى اقپاراتتىق-تالداۋ ورتالىعى» اق-عا مالىمەتتەردى ەسەپتى توقساننان كەيىنگى ايدىڭ 25-كۇنىنە ۇسىنادى. قىزمەتكەرلەردىڭ تىزىمدىك سانى (ادام)    بەلگىلەنگەن كۆوتا (ادام)    كۆوتادان تىس جۇمىس ىستەيتىن مۇگەدەكتەردىڭ سانى (ادام)    كۆوتا شەڭبەرىندە ۋاكىلەتتى ورگاننىڭ جولدامالارى بويىنشا جۇمىسقا ورنالاسقان مۇگەدەكتەردىڭ سانى (ادام) 1    2    3    4 تەگى, اتى, اكەسىنىڭ اتى (ول بولسا) ________________________ _____________  باسشى (قولى) كۇنى 20__ جىلعى «__» ____________. م.و. ەسكەرتپە: اكىمشىلىك دەرەكتەردى جيناۋعا ارنالعان نىساندى تولتىرۋ بويىنشا تۇسىندىرمە وسى نىسانعا قوسىمشادا كەلتىرىلگەن. «مۇگەدەكتەردى جۇمىسقا ورنالاستىرۋعا ارنالعان كۆوتانىڭ ورىندالۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىسانعا قوسىمشا «مۇگەدەكتەردى جۇمىسقا ورنالاستىرۋعا ارنالعان كۆوتانىڭ ورىندالۋى تۋرالى مالىمەتتەر» اكىمشىلىك دەرەكتەردى جيناۋعا ارنالعان نىساندى تولتىرۋ بويىنشا تۇسىندىرمە 1. جالپى ەرەجەلەر ۇيىم جەرگىلىكتى اتقارۋشى ورگان مۇگەدەكتەرگە ارنالعان جۇمىس ورىندارىنا بەلگىلەگەن كۆوتاعا بايلانىستى «مۇگەدەكتەردى جۇمىسقا ورنالاستىرۋعا ارنالعان كۆوتانىڭ ورىندالۋى تۋرالى مالىمەتتەر» اقپاراتىن مىناداي مالىمەتتەردى: قىزمەتكەرلەردىڭ تىزىمدىك سانىن; بەلگىلەنگەن كۆوتانى; كۆوتادان تىس جۇمىس ىستەيتىن مۇگەدەكتەردىڭ سانىن; كۆوتا شەڭبەرىندە ۋاكىلەتتى ورگاننىڭ جولداماسى بويىنشا جۇمىسقا ورنالاسقان مۇگەدەكتەردىڭ سانىن كورسەتە وتىرىپ ۇسىنادى. كورسەتكىشتەر ءىس جۇزىندەگى دەرەكتەر بويىنشا اعىمداعى ايدىڭ 1-كۇنىنە قالىپتاستىرىلادى. مالىمەتتەرگە ءبىرىنشى باسشى نەمەسە ونىڭ مىندەتىن اتقارۋشى ادام قول قويادى. 2. نىساندى تولتىرۋ بويىنشا تۇسىندىرمە 1-باعاندا قىزمەتكەرلەردىڭ تىزىمدىك سانى كورسەتىلەدى. 2-باعاندا بەلگىلەنگەن كۆوتا كورسەتىلەدى. 3-باعاندا كۆوتادان تىس جۇمىس ىستەيتىن مۇگەدەكتەردىڭ سانى كورسەتىلەدى. 4-باعاندا كۆوتا شەڭبەرىندە ۋاكىلەتتى ورگاننىڭ جولداماسى بويىنشا جۇمىسقا ورنالاسقان مۇگەدەكتەردىڭ سانى كورسەتىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 9 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13027 بولىپ ەنگىزىلدى.