قازاقستان رەسپۋبليكاسى ۇكىمەتىنىڭ قاۋلىسى №44

2016 جىلعى 2 اقپان,   استانا, ۇكىمەت ءۇيى يندۋستريالىق-يننوۆاتسيالىق قىزمەت سۋبەكتىلەرىنە قارجى ينستيتۋتتارى ارقىلى كرەديت بەرۋ شارتتارى مەن تەتىكتەرىن بەكىتۋ تۋرالى 2015 جىلعى 29 قازانداعى قازاقستان رەسپۋبليكاسى كاسىپكەرلىك كودەكسىنىڭ 260-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان يندۋستريالىق-يننوۆاتسيالىق قىزمەت سۋبەكتىلەرىنە قارجى ينستيتۋتتارى ارقىلى كرەديت بەرۋ شارتتارى مەن تەتىكتەرى بەكىتىلسىن. 2. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2016 جىلعى 2 اقپانداتا №44 قاۋلىسىمەن بەكىتىلگەن يندۋستريالىق-يننوۆاتسيالىق قىزمەت سۋبەكتىلەرىنە قارجى ينستيتۋتتارى ارقىلى كرەديت بەرۋ شارتتارى مەن تەتىكتەرىن 1. يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋ شارتتارى 1. يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋ شارتتارى: 1) قارجى اگەنتىنىڭ كرەديت بەرۋگە قاتىسۋ مولشەرى جوبا سمەتاسى سوماسىنان 80 % (سەكسەن پايىز) اسپايدى; 2) كرەديت بەرۋ جيىرما جىلدان اسپايتىن مەرزىم بولىپ تابىلادى. 2. كرەديت بەرۋ ۇلتتىق ۆاليۋتادا جۇزەگە اسىرىلادى. 2. يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋ تەتىكتەرى 3. قارجى اگەنتى يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋدى جۇزەگە اسىراتىن قارجى ينستيتۋتتارىنىڭ تىزبەسىن جالپىنىڭ نازارىنا بۇقارالىق اقپارات قۇرالىندا اقپارات ورنالاستىرۋ ارقىلى جەتكىزەدى. 4. يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋگە قاتىسۋ ءۇشىن قارجى ينستيتۋتى قارجى اگەنتىنىڭ تالاپتارىنا سايكەستىگىن راستايتىن, ءتيىستى وتىنىشپەن جانە قۇجاتتارىمەن قارجى اگەنتىنە جۇگىنەدى, ولاردىڭ تىزبەسى باس كەلىسىمدە كورسەتىلەدى. 5. قارجى اگەنتى يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋگە قاتىسۋ ءۇشىن قارجى اگەنتىنىڭ ىشكى قۇجاتتارمەن بەلگىلەنگەن مەرزىمدە قارجى اگەنتىنىڭ قۇجاتتارىن قارايدى جانە باس كەلىسىم جاساسۋدى ماقۇلداۋ تۋرالى نەمەسە قارجى ينستيتۋتىنا باس تارتۋ تۋرالى شەشىم قابىلدايدى. 6. باس كەلىسىم مىناداي ەلەۋلى شارتتاردى قامتۋى ءتيىس: 1) باس كەلىسىمنىڭ ءمانى مەن قولدانىلۋ مەرزىمى; 2) باس كەلىسىمىنىڭ سوماسى (يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋىن ىسكە اسىرۋ ءۇشىن قارجى ينستيتۋتىندا قارجى اگەنتىنىڭ قاراجات ورنالاستىرۋ سوماسى), ولاردى ورنالاستىرۋ مەرزىمدەرى مەن ءتارتىبى; 3) كرەديت بەرۋ ماقساتى; 4) كرەديت بەرۋ ىسكە اسىرۋ شارتى; 5) تاراپتاردىڭ قۇقىقتارى مەن مىندەتتەرى; 6) تاۋەكەلدەردى بەرۋ, پروبلەمالى كرەديتتەرمەن جۇمىس, داعدارىستان كەيىن قىزمەت كورسەتۋ, قارىز الۋشىنىڭ دەفولتىن مويىنداۋ, قارىزدى قايتا قۇرىلىمداۋ جانە ءوتىنىش بەرۋشىنىڭ مەرزىمىن ۇزارتۋ, قارىز الۋشىنى دەفولت دەپ تانىعان جاعدايدا بەرەشەكتى ءوندىرىپ الۋ جانە قايتارۋ ماسەلەلەرىن قوسا العاندا, تاراپتاردىڭ ءوزارا ءىس-قيمىلدارىنىڭ شارتتارى مەن ءتارتىبى; 7) باس كەلىسىمنىڭ قولدانىسىن توقتاتۋ, قولدانىسىن ۇزارتۋ نەگىزدەمەسى مەن ءتارتىبى. 8) تاراپتاردىڭ جاۋاپكەرشىلىگى. 7. قارجى اگەنتى جاسالعان باس كەلىسىمدەردىڭ ەسەبىن جۇرگىزەدى. 8. قارجى ينستيتۋتىندا ورنالاستىرىلۋعا جاتاتىن سوما باس كەلىسىمدە كورسەتىلگەن شوتقا قارجى اگەنتىمەن اۋدارىلادى. 9. يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋ ءۇشىن قارجى ينستيتۋتى وسى شارتتار مەن تەتىكتەردىڭ 13-تارماعىندا كورسەتىلگەن شوتتاعى قارجى اگەنتى ورنالاستىرعان قاراجاتتى پايدالانادى. 10. قارجى ينستيتۋتى يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋ بويىنشا ورنالاستىرىلعان قاراجات يگەرۋ بويىنشا قارجى اگەنتى الدىندا ەسەپ بەرەدى. ەسەپتەر بەرۋدىڭ ءتارتىبى, نىسانى جانە كەزەڭدىلىگى باس كەلىسىمدە بەلگىلەنەدى. 11 يگەرىلگەن قاراجات دەپ وسى شارتتار مەن تەتىكتەرگە سايكەس يندۋستريالىق-يننوۆاتسيالىق قىزمەت سۋبەكتىلەرىنە كرەديت بەرۋگە ناقتى قارجى ينستيتۋتى جىبەرگەن قاراجات ەسەپتەلەدى. 12. يندۋستريالىق-يننوۆاتسيالىق قىزمەت سۋبەكتىسى قارجى ينستيتۋتىنا كرەديت بەرۋگە ارنالعان ءوتىنىش بەرۋ جولىمەن كرەديت الۋ ءۇشىن قارجى ينستيتۋتىنا جۇگىنەدى جانە قارجى ينستيتۋتىنىڭ ىشكى كرەديتتىك راسىمدەرگە سايكەس قۇجاتتاردى ۇسىنادى. 13. قارجى ينستيتۋتى ءوزىنىڭ ىشكى نورماتيۆتىك قۇجاتتارىندا بەلگىلەنگەن مەرزىمدەرىنە, الدىن الا كرەديت بەرۋ بولىپ تابىلاتىن نەمەسە كرەديت بەرۋدەن باس تارتۋ تۋرالى شەشىم قابىلدايدى. قارجى ينستيتۋتىنىڭ شەشىمدەرى ۋاكىلەتتى ورگاننىڭ/ۋاكىلەتتى ورگاندارىندا ءتيىستى وتىرىس حاتتامالارىمەن رەسىمدەلەدى. 14. قارجى ينستيتۋتىنىڭ كرەديتتىك ساياساتىنا بويىنشا كرەديت بەرۋدەن باس تارتۋ جۇزەگە اسىرىلادى. 15. قارجى ينستيتۋتى ءۇشىن كرەديت بەرۋدىڭ قول جەتىمدىلىك كەزەڭى باس كەلىسىممەن انىقتالادى. 16. قارجى ينستيتۋتى بانكتىك قارىز شارتىن جاساعان كۇنىنەن باستاپ 5 (بەس) جۇمىس كۇنىنەن كەشىكتىرمەي ونىڭ كوشىرمەسىن قارجى اگەنتىنە جىبەرەدى, سونداي-اق وزدەرىنىڭ جاسالعان بانكتىك قارىز شارتتارىنىڭ ەسەبىن جۇرگىزەدى. قارجى اگەنتى بارلىق قارجى ينستيتۋتتارى جاساسقان بانكتىك قارىز شارتتارىنىڭ ەسەبىن جۇرگىزەدى. قازاقستان رەسپۋبليكاسى ۇكىمەتىنىڭ 2016 جىلعى 2 اقپانداعى №44 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى 1. «يندۋستريالىق-يننوۆاتسيالىق قىزمەت سۋبەكتىلەرىنە قارجى ينستيتۋتتارى ارقىلى كرەديت بەرۋ شارتتارى مەن تەتىكتەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 1 تامىزداعى № 1012 قاۋلىسى (قازاقستان رەسپۋبليكاسىنىڭ ءپۇاج-ى, 2012 ج. № 65, 910-قۇجات). 2. 15-تارماعىنا «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 18 قازانداعى № 1115 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار (قازاقستان رەسپۋبليكاسىنىڭ ءپۇاج-ى, 2013 ج. № 60, 827-قۇجات); 3. 23-تارماعىنا «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 20 جەلتوقسانداعى № 1363 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن (قازاقستان رەسپۋبليكاسىنىڭ ءپۇاج-ى, 2013 ج. № 72, 951-قۇجات).