ونەگە ءورىسى

استانا قالاسى ءبىلىم باسقارماسىنىڭ ۇيىمداستىرۋىمەن تاياۋدا «ءوزىن-ءوزى تانۋ: ماحاببات پەن شىعارماشىلىق پەداگوگيكاسى» اتتى رەسپۋبليكالىق ونكۇندىك وتكىزىلدى. ونكۇندىكتىڭ ماقساتى – «ءوزىن-ءوزى تانۋ» ادامگەرشىلىك-رۋحاني ءبى­لىم بەرۋ باعدارلاماسىنىڭ نەگى­زىندە جاتاتىن تاربيە جانە ءبىلىم بەرۋ جۇيەسىندە بالالار مەن جاس­تاردى ادامگەرشىلىك-رۋحاني جەتىل­دىرۋ يدەياسى, وقۋشىلاردى جالپى ادا­مي قۇندىلىقتار الەمىنە تارتىپ, ادامي قارىم-قاتىناس نور­ماسى­مەن تانىستىرۋ, ازاماتتىق ءما­دە­نيەت قالىپتاستىرۋ جانە دامىتۋ. استانا قالاسىنىڭ ءبىلىم بە­رۋ مەكەمەلەرىندە ونكۇندىك اياسىن­دا رۋحاني-ادامگەرشىلىك باعدار­لا­ماسىنىڭ اۆتورى س.ا. نازارباەۆا­نىڭ قىزمەتى تۋرالى «مەيىرىم توگەتىن انا» اتتى كىتاپ كورمەسى, بالا­لاردىڭ شىعارماشىلىق جۇ­مىس­تارى كورمەلەرى, ءتۇرلى سپورت­تىق, تانىمدىق ءىس-شارالار, دە­باتتىق ويىندار وتكىزىلدى. بالالار ءۇيى, جاسوسپىرىمدەر ءۇيى­نىڭ تۇلەكتەرىمەن «سەن دە ءبىر كىر­پىش دۇنيەگە» اتتى كەزدەسۋ ۇيىم­داستىرىلىپ, كەزدەسۋگە ايگىلى سپورتشى سەرىك ساپيەۆ تە كەلىپ, بالالاردى شابىتتاندىردى. «SOS»-استانا بالالار اۋىلىندا «قۇلاقتان كىرىپ بويدى الار» اتتى ادەبيەت جيىنى وتكىزىلدى. بالالار ءۇيىنىڭ تاربيەلەنۋشىلەرى ءۇشىن وتان, بالالىق شاق تۋرالى ولەڭدەر وقىلىپ, «مەن كەلەمىن» ءانى ورىندالدى. ءىس-شاراعا باسقارۋ كوللەدجى مەن № 51 ورتا مەكتەبىنىڭ مۇعالىمدەرى قىزۋ اتسالىستى. №53 مەكتەپ-ليتسەيىندە جوعارى سىنىپ وقۋشىلارى اراسىندا ونەگەلىك, جۇرەك جىلۋى, وتانعا دەگەن سۇيىسپەنشىلىك, ادامگەرشىلىك تاقىرىبىندا دەبات سايىسى ءوت­كىزىلدى. №7 مەكتەپ-گيمنازياسىندا «التىن جۇرەك انامىز» اتتى قالا­لىق مانەرلەپ وقۋ سايىسى ەرەك­شە ورىن الدى. بۇل سايىستا ءى ورىندى مەكتەپ وقۋشىسى دياس تولەپبەرگەنوۆ يەلەندى. گۋما­ني­تارلىق كوللەدجىندە «مەيى­رىم­دىلىك» فەستيۆالىنە بالالار ءۇيى مەن «SOS» بالالار ءۇيىنىڭ ءتار­بيەلەنۋشىلەرى بەلسەندى قاتىستى. ايتا كەتەر جايت, ونكۇندىك ايا­سىندا وتكىزىلگەن مەكتەپكە دەيىن­گى مەكەمەلەر اراسىندا ۇزدىك سۋرەت­تەر, مەكتەپتەر اراسىندا ۇزدىك شى­عارمالار, كوللەدجدەر اراسىن­دا ۇزدىك ەسسە بايقاۋدىڭ قورى­تىندىسى بويىنشا ۇزدىك دەپ تا­نىلعان شىعارمالار ءبىلىم باس­قار­ماسى قۇراستىرعان جيناققا ەندى. ونكۇندىكتىڭ سالتاناتتى جابىلۋى بارىسىندا ۇزدىك دەپ تانىلعان قولونەر بۇيىمدارى, اشىق حات جانە سۋرەتتەر بايقاۋلارى, «التىن جۇرەك انامىز» اتتى مانەرلەپ وقۋ, ونەگەلىك, جۇرەك جىلۋلىعى, جالپىادامزاتتىق قۇندىلىقتار تۋرالى دەبات سايىستارىنىڭ جەڭىمپازدارى ماراپاتتالىپ, سىيلىقتار تابىس ەتىلدى. مەرەكەلىك ءىس-شارا وسى ونكۇندىك بارىسىندا ونەر كورسەتكەن جەڭىمپازدار مەن جۇلدەگەرلەردىڭ كۇشىمەن دايىندالعان كونتسەرتتىك باعدارلامامەن اياقتالدى. دانيەل شايىنعازين.